ရေးထားတာကတော့ ကြာပြီ လွန်ခဲ့တဲ့တစ်လလောက်က ...။
A
Alpha
ထာဝရဘုရား လို့ လူတစ်ချို့ခေါ်တဲ့ (ယာဝေဆိုတာလဲသူပဲ .. GOD ဆိုပြီး သုံးလုံးလုံးအကြီးနဲ့လည်း သူပဲ ...၊Creator of Heaven & Earth ဆိုတာလဲသူပဲ ...) သူက တစ်ခါကပြောတယ် ...။ ငါသည် အစလည်းဖြစ်၏ အဆုံးလည်းဖြစ်၏တဲ့ ...။ အင်္ဂလိပ်လိုတော့ I am Alpha and Omega လို့ပြောတာပေါ့။ အဲဒီက alpha ... အစတစ်ခု .. .... ဘ၀မှာ အစဟာ ဘုရားပဲ .. အဆုံးဟာလည်း ဘုရားပဲ ....။ အစနဲ့အဆုံးတရား တစ်ထပ်တည်းကျနေတဲ့ ဘုရားဆန်တဲ့ အခိုက်အတန့်လေးတွေထဲမှာ လူတွေလို မျောပါနေတာ ဘယ်လောက်ကြာပြီလဲ ....။ ..... လူတွေရဲ့ လူဆန်တဲ့ အကြည့်တွေ၊ လူဆန်တဲ့အပြောတွေ ...၊ လူဆန်တဲ့မိုက်မဲမှုတွေနဲ့ ... သင်ဘယ်လောက်ထိရှပြီးပြီလဲ ....။ ... အစပဲရှိပြီး အဆုံးမရှိသေးတဲ့ သံသရာတွေနဲ့ ... တစ်ယောက်တစ်ခု ရထားတဲ့ သံသရာလှည့်ပတ်စီးနင်းခွင့် လက်မှတ်လေးတွေကိုယ်စီနဲ့ ....။ အစမကောင်းခဲ့တဲ့သူအချင်း ခင်ဗျားကို ကျွန်တော်ပြုံးပြလိုက်ပါတယ် ....။ ဆုတောင်းကောင်းစွာလည်ပတ်နေတဲ့ သံသရာထဲမှာ ... အောင်ပွဲခံနေကြတာ ... လေယာဉ်ပျံပျက်ကျတုန်း .... အိမ်မက်ကောင်းနေတဲ့သူ .. ပြုံးပြုံး ပြုံးပြုံးဖြစ်နေသလိုမျိုးပဲ ... လန့်နိုးတော့လည်း သေခါနီး အပြုံးကြီးနဲ့လေ ...။ အစမကောင်းခဲ့ဘူး ....။ ကျွန်တော်ရဲ့ alpha မှာတော့ ဒဏ်ရာတွေနဲ့ ....။ အစမကောင်းခဲ့ဘူး ...
B
Blind Faith
မျက်ကန်းယုံကြည်မှုလို့ခေါ်တယ် ...။ စုံလုံးကန်းတာမျိုးဖြစ်မယ်။ သိပ်ချစ်တဲ့သူတွေနဲ့ပတ်သက်ရင်ဖြစ်တယ်။ သိပ်မချစ်တဲ့သူနဲ့ဆိုရင်တော့ ယုံကို မယုံဘူး ....။ ဒါလေးကို သုံးခါဖတ်ပါ ...။ အလိမ်ခံရတယ်ဆိုတာ ... သိပ်ရိုးအလွန်းလို့လည်းဖြစ်နိုင်တယ်၊လောဘကြီးလို့လည်းဖြစ်နိုင်သလို ...သိပ်ချစ်လွန်းလို့လည်းဖြစ်နိုင်တယ် ...။ သင် Blind Faith နဲ့ ချစ်နေမိတဲ့အရာတွေ သင့်ပတ်ဝန်းကျင်မှာ ဘယ်နှစ်ခုရှိသလဲ ..ရေတွက်ကြည့်ပါ ...။ ဘာသာတရားကိုဖြစ်ဖြစ် ... လူပုဂ္ဂိုလ်ကိုဖြစ်ဖြစ် ... တရားဓမ္မကို ဖြစ်ဖြစ် ယုံကြည်သက်ဝင်ဖို့ခက်ပါတယ် ...။ Blind Faith ဖြစ်ဖို့က ပိုတောင်ခက်ပါတယ် ...။ တစ်ချို့ အစွမ်းတွေဟာ Blind Faith ကနေပေါ်ထွက်လာပါတယ်။ ကြောက်ကြောက်နဲ့ ခြံစည်းရိုးကိုခုန်ကျော်တာမျိုးဟာ အကြောက်လွန်တာ+Blind Faith ကြောင့်ဖြစ်ပါတယ်။ ယုံကြည်တာတွေပဲဖြစ်လာတတ်တဲ့အတွက် ... ဘုရား မ,မယ်လို့ယုံကြည်တဲ့သူဟာ .. ဘုရားက မ,မရင်တောင် သူ့ဘာသာသူ အမခံရမယ့်တစ်ခုခု ရှာတွေ့သွားပါလိမ့်မယ်။ ... အချိန်တန်ရင် ဆရာရောက်လာပါတယ်။ ကိုယ့်စိတ်အခြေခံကိုက မြင့်မြတ်နေရင် မြင့်မြတ်တာတွေကို နားလည်ခွင့်ရပါလိမ့်မယ် ...။ Blind Faith ကြီးဟာ ထင်သလောက်မဆိုးပါလားလို့ တွေးနေမိတာ ... သုံးလေးငါးနှစ်ရှိပါပြီ ...။ လမ်းမလျှောက်တတ်ခင်က လေးဘက်တွားသွားတာဟာ ရှက်စရာမဟုတ်ဘူး။ လေးဘက်တွားသွားနေတာကို လမ်းလျှောက်နေတယ်ထင်တာထက် အများကြီး ယုတ္တိကျသေးတယ်။ ... မေတ္တာတရား၊ ကရုဏာတရားတွေဟာ ဘာသာတရားတစ်ခုခုရဲ့ ကိုယ်ပိုင်ပစ္စည်းမဟုတ်ပါဘူး။ မြင့်မြတ်တဲ့စိတ်ရဲ့ အသီးအပွင့်တွေဟာ ... မြင့်မြတ်တဲ့စိတ်တိုင်းနဲ့ထိုက်တန်တဲ့ အရာတွေလို့ ခိုင်ခိုင်မြဲမြဲ ယုံကြည်တဲ့ Blind Faith တစ်ခုလည်း ကျွန်တော့်မှာရှိပါသေးတယ်။
Compassion - ကရုဏာ
ကျွန်တော် အနှစ်သက်ဆုံး ဗြဟ္မစိုရ် တရားက Compassion ဖြစ်ပါတယ်။ တစ်ယောက်ကို တစ်ယောက်ကရုဏာနဲ့ ကိုယ်ချင်းစာနိုင်ရင် ... မေတ္တာတရားက အလိုလိုနေရင်းဖြစ်လာပါလိမ့်မယ် ....။ သူ့ကို ကိုယ်ချင်းစာတဲ့အတွက် မုဒိတာဖြစ်ဖို့လည်းမခက်ပါဘူး။ ... ကျွန်တော်တို့တွေ အချင်းချင်း ကိုယ်ချင်းမစာတာလေးကို ပြင်လိုက်ရုံနဲ့ စစ်ပွဲတွေအားလုံးရပ်တန့်သွားနိုင်တယ် ...။ အချင်းချင်း ခေါင်းပုံဖြတ်တာတွေ ရပ်သွားမယ်။ လုပ်ပိုင်ခွင့်ရသူက လုပ်ပိုင်ခွင့်မဲ့သူကို အထင်သေးတာ ရပ်သွားမယ်။ .... တစ်ကမ္ဘာထဲနေကြတဲ့သူအချင်းချင်း အထင်သေးတာတွေရပ်သွားမယ်။ .... အသားအရောင်၊ ပညာ၊ ဥစ္စာဓန၊ ရုပ်ရည်၊ အရည်အချင်းတွေမတူညီတဲ့သူတွေအချင်းချင်း စွပ်စွဲပြောဆိုမှုတွေရပ်သွားမယ် ....။ ကမ္ဘာကြီးရဲ့ ငြိမ်းချမ်းရေးကို အထူးတည်ဆောင်ရွက်စရာမလိုဘဲ ...လူတိုင်းဟာ ကိုယ်ချင်းစာစိတ်ကြောင့် ကြည်လင်ရွှင်ပျလာမယ်။ တစ်ယောက်လမ်းမှာ တစ်ယောက်က ဆူးတွေကို ဖယ်လို့ ...တစ်ယောက်မရောက်လာခင် တစ်ယောက်က ပြုံးပြီးစောင့်ဆိုင်းနေလိမ့်မယ် ....။ တစ်ယောက်ရဲ့စိတ်ကူးတွေကို တစ်ယောက်က သဘောတကျပြုံးရင် ...တစ်ယောက် ကောင်းမှုကို တစ်ယောက် သာဓုခေါ်ကြမယ် ....။ ... ကျွန်တော်ရောက်ချင်တဲ့ခေတ်ကိုမေးရင် ... ကရုဏာခေတ် လို့ပဲဖြေချင်တယ်။.... တစ်ယောက်ရဲ့ မျက်ရည်ကို တစ်ယောက်က သုတ်ပေးဖို့ လူဖြစ်လာတာမဟုတ်ဘူး ...ဘယ်သူပြောနိုင်မှာလဲ ...။ ... သူ့စိတ်မှာဖြစ်နေတာကို တကယ်နားလည်လာတဲ့အခါ ...ကိုယ့်ကိုယ်ကို စိတ်ချမ်းသာစေချင်သလို သူ့ကိုလည်းစိတ်ချမ်းသာစေချင်လာတယ် ....။ ကရုဏာဟာ အရောင်တစ်ရောင်ဆို စိုလက်နေတဲ့ အပြာဖျော့လေးဖြစ်လိမ့်မယ် ...။ ကရုဏာခေတ်ရောက်တဲ့အခါ တိုင်းသူပြည်သားတွေက GNS (Gross National Smiles) တွေလျာထားချက်ကျော်လွန်နေမှာပဲ ...။ ဆင်းရဲနေတဲ့သူကလည်း ဆင်းရဲနေတာကို ပူနေစရာမရှိဘူး။ ချမ်းသာတဲ့သူကလည်း သူ့စည်းစိမ်ကို လုယက်မှာပူနေစရာမရှိဘူး။ ကရုဏာသီတလ ဟဒယံ ဆိုတဲ့ ကရုဏာတရားနဲ့ အေးချမ်းနေတဲ့စိတ်တွေနဲ့ ..... လူတိုင်းဟာ အေးချမ်းမြင့်မြတ်နေမှာပဲ .....။
D
တကယ်လို့ ရင်သားထဲမှာ ယမ်းတွေထည့်ပြီး အသေခံဗုံးခွဲလိုက်တာဟာ ...ခင်များရဲ့ပျော်ရွှင်မှုဆိုရင် ... ငြိမ်းချမ်းခြင်းကို ဘယ်လိုနားလည်သလဲဆိုတာက စပြီး ပြန်ပြောကြရအောင်။ ... အဆောက်အဦးတစ်ခုကို တည်ဆောက်ရင် နှစ်နဲ့ချီကြာပေမယ့် ဖြိုမယ်ဆိုရင်တော့ ချက်ချင်းဖြိုလို့ရတယ်။ တည်ဆောက်ရတာနဲ့ဖြိုဖျက်ရတာနဲ့ အချိန်အများကြီးကွာတယ်။ .... ပြန်စဉ်းစားကြည့်ရင် အသေခံပြီး ဗုံးခွဲတယ်ဆိုတာ လူသားတစ်ရပ်လုံးကို စော်ကားလိုက်တာပါပဲ။ ..မွေးထားတဲ့အမေကို ကျေးဇူးကန်းရာလည်းရောက်တယ်။ ခင်ဗျားကို လူ့ဘ၀ထဲခေါ်လာဖို့ ကိုးလလွယ်ခဲ့ရတယ်။ အခုတော့ တစ်ရက်ထဲနဲ့ ခင်ဗျားက ဗုံးခွဲပြီး ပြီးဆုံးလိုက်ပြီ။ လောကကြီးမှာ ခင်များ ဘာတွေကောင်းတာတွေလုပ်ပြီးပြီလဲ ...။ လောကကြီးမှာ ထမင်းမ၀တဲ့ကလေးတွေ မှီခိုရာမဲ့တဲ့ သက်ကြီးရွယ်အိုတွေအတွက် ခင်များဘာလုပ်ပြီးပြီလဲ ....။ ရန်ညှိုးရန်စရှိတဲ့လူတစ်စုအတွက် ..မဆိုင်တဲ့သူတွေသေအောင်လုပ်လိုက်ရတာဟာ ခင်များကို ဘယ်လောက်ကျေနပ်သွားစေသလဲ ....။ မမျှတတဲ့ကမ္ဘာကြီးမှာ ကြောက်ရွံ့နေတဲ့သူတွေပိုကြောက်ရွံ့သွားအောင် ခင်များက လုပ်တာလား။ ခင်များ ဗုံးတစ်လုံးဖောက်လိုက်တဲ့အတွက် .. ခင်များရဲ့မိသားစုတွေနေတဲ့နေရာကို ဗုံးကြဲခံရနိုင်တယ်ဆိုတာ ခင်များမေ့ထားတာလား။ ဟမ္ဘူရာဘီရဲ့ ကိုဓ ဥပဒေအရတော့ မျက်လုံးတစ်လုံးဆုံးရင် မျက်လုံးတစ်လုံးကြေးပေါ့ ....။ ခင်များလိုလူတွေများလာတဲ့အခါမှာတော့ မျက်မမြင်တွေပဲရှိတဲ့ကမ္ဘာဖြစ်လာလိမ့်မယ် ....။ ... လူ့တန်ဖိုးကို ကျစေတဲ့သေးသိမ်နိမ့်ကျတဲ့ အသေခံဗုံးခွဲသမားကိုပြောချင်ပါတယ် ....။ ဒီလောကထဲမှာနေနေတာ ခင်များရဲ့ ညီအကိုတွေချည်းပဲ ..... ဖြစ်လေရာဘ၀တိုင်းမှာ .. ဆိုးရွားနိမ့်ကျမယ့်လမ်းဆိုတာ ခင်များသိမသွားတဲ့အတွက် စိတ်မကောင်းဖြစ်မိတယ် ....။ လောကကြီးဟာ ... ခင်များထင်သလောက်မဆိုးသေးပါဘူး ....။ ခင်များသိမသွားသေးတဲ့ အေးချမ်းငြိမ်သက်မှုတွေအကြောင်း ရောက်လေရာဘုံဘ၀မှာ သင်ယူနိုင်ပါစေ ....။ ....
ကလေးတွေကို လမ်းမှာရောက်အောင်သွန်သင်တဲ့သူတွေရဲ့အဖျက်စွမ်းအားကလည်းကြီးပါတယ်။ ကလေးတွေကို မိဘမေတ္တာမပေးတဲ့မိဘတွေရဲ့ အဖျက်စွမ်းအားကလည်းကြီးပါတယ်။ ... အကုသိုလ်နဲ့ ကုသိုလ်ကို ခြေခြေမြစ်မြစ်နားမလည်တဲ့ ဆရာတွေရဲ့ အဖျက်စွမ်းအားကလည်းကြီးပါတယ် ....။ ...ကမ္ဘာပေါ်မှာရှိတဲ့ အဖျက်စွမ်းအားတွေ ကျရှုံးပါစေ ....။ မြင့်မြတ်တဲ့ စိတ်ဓာတ်နဲ့လုပ်ရပ်တွေ ထွန်းကားပါစေ ...။ အေးချမ်းခြင်းအကြောင်းကို .... လူတိုင်းနားလည်ကြပါစေ .. နားလည်ကြပါစေ....။
ခင်မင်စွာဖြင့်
Zephyr
Notes:
မိခင်ကြီးအားအမှုထားထား၍ ...သားဖြစ်သူ Zephyr ရေးသားစီရင်အပ်သည်။
Peace B with U.
