လွယ်ကူသော ညီမျှခြင်းများ

လွယ်ကူသော ညီမျှခြင်းများ

အသိတရားဆိုတာ အပေါ်ယံသိတုန်းက အရေးမပါသလောက် တကယ်သိလာရင် လေးနက်လာတတ်တယ်။ အပေါ်ယံသိဆိုတာက ကြားဖူး၊နာဖူး၊မှတ်သားဖူးတာတွေပဲ။ စိတ်ထဲမှာ အမြစ်မဆွဲသေးဘူး။ စိတ်ထဲကနေ နားလည်လိုက်တာတစ်ခုခုကတော့ ဘဝကို လွှမ်းမိုးသွားတယ်။ အကျင့်ပါသွားတယ်ဆိုတာ၊ စိတ်ထဲလွှမ်းမိုးသွားတဲ့အသိတစ်ခုခုရဲ့ အနည်ကျခြင်းမျိုးလို့ဆိုနိုင်တယ်။

ဒီနှစ်အစပိုင်းလောက်က နှလုံးသွေးကြောကျဉ်းတဲ့လူနာတစ်ယောက်အတွက် အရေးပေါ်ခွဲစိတ်ဖို့ အလှူခံတော့ လှူဖြစ်တယ်။ မြန်မာပြည်မှာ လိုနေတဲ့နေရာတွေ သိပ်များနေတယ်။ ကျန်းမာရေးကုန်ကျစရိတ်ကို လူလတ်တန်းစားတောင် သိပ်အမှီမလိုက်နိုင်သေးတာတွေ့တယ်။ အဲဒါ သိပ်အရေးကြီးတဲ့ ကွက်လပ်ကြီးပဲ။ ဒီကွက်လပ်ကြီးကို ဖြည့်နိုင်ဖို့ တစ်ချို့တွေကြိုးစားနေကြတယ်။ တစ်ချို့တွေစောင့်ကြည့်နေတယ်။ တစ်ချို့တွေ အတင်းပြောနေတယ်။ မြန်မာပြည်ရဲ့ပြဿနာတိုင်းမှာ အဲဒီလို သုံးအုပ်စုရှိတတ်တယ်။ အတင်းပြောတာကိုတော့ အကောင်းလုပ်လုပ်၊စောင့်ကြည့်ကြည့် ခံရနိုင်တယ်။ အတင်းပြောဖို့အချိန်ရှိနေသေးတာကိုက ထူးကဲတဲ့ ဝိသေသတစ်ခုပဲ။ နိုင်ငံတကာမှာ အတင်းပြောဖို့ ဒီလောက် အချိန်ပိုရှိတဲ့နိုင်ငံလိုက်ရှာကြည့်ရင် နည်းနည်းပါးပါးလောက်ပဲတွေ့မယ်။

အခုတလော ဘုန်းကြီးတွေ နိုင်ငံရေးတက်ကြွ လှုပ်ရှားနေတာတွေ့တယ်။ ဖတ်လည်းဖတ်ရတယ်။ ဝံသာနုစိတ်ဓာတ်ဆိုတာကို လူမျိုးကြီးဝါဒနဲ့ ရောထွေးနေတာတွေ့တယ်။ ရှင်းရှင်းပြောရရင်တော့ ကျောင်းပညာမသင်ရဘဲ၊ ဘုရားဟောနဲ့ ငယ်ကတည်းကကြီးလာပြီး၊ တရားလည်းအားမထုတ်တော့ စိတ်သဘောမညီမမျှဖြစ်တဲ့သဘောလို့ပဲထင်တယ်။ နောက်လိုက်အခြွေအရံများလာရင် လူဟာ စိတ်ကြွလာတဲ့သဘောရှိတယ်။ လုပ်ပိုင်ခွင့်အာဏာရှိလာလေ သိမ်မွေ့တဲ့နှလုံးသားရှိလေဖြစ်ရမယ်။ မဟုတ်ရင်တော့ အခုလို ကိစ္စတွေကြုံရမယ်။ သာသနာကို ထောက်ပံ့တဲ့ တကာ၊တကာမတွေရဲ့ မျက်နှာမထောက်တဲ့ ရဟန်းတွေတော့ အနာဂတ်မလှမှာသေချာတယ်။ အဲဒါကြောင့်ပဲ ဘုရားကဟောတယ်။ ရဟန်းတွေမှာ သဒ္ဓါတရားပြည့်ဝတဲ့ တကာမတွေရဲ့ ဆည်းကပ်မှုခံရဖို့လွယ်တယ်။ တကာတွေရဲ့ ဆည်းကပ်မှုကို ခံရဖို့မလွယ်ဘူး။ နောက်တစ်ခုက ပညာရှိတွေရဲ့ ချီးမွမ်းခံရဖို့မလွယ်ဘူးဆိုတာလည်းရှိသေးတယ်။ ရဟန်းတွေ မဲပေးချင်ရင် လူဝတ်လဲပြီးပေးကြပါ။ ပြီးတော့ ရဟန်းပြန်ဝတ်လည်းရတာပါပဲ။ နိုင်ငံရေးလုပ်ချင်ရင် လူထွက်ကြပါလို့ပဲပြောချင်တယ်။ တကယ်တော့ ရဟန်းဘဝကနေ လူထွက်ပြီး လူလို လုပ်ကိုင်စားသောက်ဖို့ သတ္တိဆိုတာလည်းမရှိ၊ ပဋိယတ်၊ပဋိပတ်လည်းမလုပ်နိုင်ဆိုရင်တော့ နေရတဲ့စက္ကန့်တိုင်း အကုသိုလ်အလိပ်လိုက်ပွားတာပဲအဖတ်တင်မယ်ထင်ပါတယ်။ လူဝတ်ကြောင်ဖြစ်စေ၊ရဟန်းဖြစ်စေ၊ ဆိုင်ရာတာဝန်ကိုတော့ ကျေပွန်ရတာပါပဲ။

အရှင်ဇနကာဘိဝံသလို ဆရာတော်တွေအကြောင်း ငယ်ငယ်ကတည်းကဖတ်ခဲ့တယ်။ သိပ်လည်းကြည်ညိုတယ်။ စိတ်ထားကောင်းဖို့ ပထမဆိုတာကို အခုအထိစွဲနေတုန်းပဲ။ တောင်ပုလုဆရာတော်ဆိုလည်း သိပ်အေးချမ်းတယ်။ ဆရာတော်ဦးဇောတိကရဲ့ဆရာ။ နောက်တော့ ရွှေဥမင်ဆရာတော်ကြီး။ အေးမှအေး၊ငြိမ်းချမ်းမှငြိမ်းချမ်း၊ မိုးကုတ်ဆရာတော်ကြီးဆိုရင် တရားတွေ ဒိုးဒိုးဒေါက်ဒေါက်ဟောသွားတာ ရင်ထဲမှာ ရှင်းလင်းသွားစေတယ်။ အကြောင်းအရာတစ်ခုတည်းကိုပဲ နားလည်တဲ့အထိ တစ်ဆင်ချင်းရှင်းသွားတာ အင်မတန် သိမ်မွေ့တယ်။ မဟာစည်ဆရာတော်ကြီးဆိုရင်လည်း နှိမ့်ချလွန်းတယ်တောင်ပြောနိုင်တယ်။ သိပ်ပြီးပြည့်ဝတယ်။ သိပ်ပြီးဉာဏ်ကြီးတယ်။ စံကင်းဆရာတော်ဆိုလည်း ဖတ်ရသလောက် သိပ်သဘောထားကြီးပြီး ကလေးတွေအပေါ် မေတ္တာ၊ကရုဏာနဲ့သွန်သင်တာတွေ့တယ်။ ကြည်ညိုစရာအတိပဲ။ ဒေါက်တာ နန္ဒမာလာတို့ရဲ့ ဆရာတော်ကြီး။ မင်းကွန်းဆရာတော်ကြီးဆိုလည်း လူက ပိန်ပိန်ပါးပါးနဲ့ အလုပ်တွေမနားတမ်းလုပ်သွားတာ အားကျစရာသိပ်ကောင်းတယ်။ ကမ္ဘာကျော် မှတ်ဉာဏ်ကြီးနဲ့ သာသာနာ့ကိစ္စတွေ စိုက်လိုက်မတ်တပ်လုပ်သွားတယ်။ လယ်တီဆရာတော်ဆိုလည်း ဂန္ထဝင်ဒီပနီတွေချန်ထားခဲ့တယ်။ ဓမ္မဒူတဆရာတော်ဆိုရင်လည်း တပည့်ကောင်းတွေလည်းမွေးထားနိုင်ခဲ့သလို၊ ဆရာကောင်းလည်းပီသခဲ့တယ်။ ဒီဘက်ခေတ်မှာဆိုရင် မဟာဗောဓိမြိုင်ဆရာတော်လို အေးအေးချမ်းချမ်း၊ရိုးရိုးရှင်းရှင်းဘုန်းကြီးတွေရှိတယ်။ သာသနာတော်ရဲ့ ကျက်သရေဆောင်ရဟန်းတွေ။ ရဟန်းတရားကို အားထုတ်ရင်း လူတွေကို ကိလေသာ အပူမီးက လွတ်အောင် အေးချမ်းတဲ့တရားဟောတယ်။ စိတ်ကြည်လင်အောင် ကူညီတယ်။ အနှစ်သာရဖြစ်တဲ့ သံသရာလွတ်ကြောင်းကို သွန်သင်တယ်။ အဲဒါဟာ ရဟန်းအစစ်တွေရဲ့ ချစ်စရာ၊ခင်စရာ၊လေးစားစရာ၊ကြည်ညိုစရာကောင်းတဲ့ စံနမူနာတွေပဲ။

နအဖလက်ထက်က သာကေတမှာ စစ်တပ်က မြှောက်ပေးထားတဲ့ ဘုန်းကြီးကျောင်းတစ်ကျောင်းရှိတယ်။သန်လျင် GTC ကျောင်းကားကို သူ့ကားက ကျော်တက်ချင်တာ ဖယ်မပေးလို့ ကျောင်းကား မောင်းတဲ့သူကိုတောင် သူက ထိုးမယ်၊ကြိတ်မယ်ဆိုပြီး ကတုံးတခွဲသားနဲ့ မိုက်လုံးပြနေတာတွေ့ဖူးတယ်။ အဲဒီတုန်းကတော့ စစ်တပ်ကျော်ထောက်နောက်ခံရှိရင် ဘုန်းကြီးတောင် မိုက်လာတယ်လို့ထင်မိတယ်။ အဲဒီအချိန်က သိန်း ၂၀ ဝန်းကျင်ပေါက်တဲ့ ဆယ်လူလာထုတ်ပြီး ကျောင်းကား driver ကို တိုင်ချက်ဖွင့်နေတာ အခုအထိ မှတ်မိနေတုန်းပဲ။ ဒီသင်္ကန်းဝတ်မျိုးကိုတော့ ဘုရားရှိနေရင်တောင် ချေချွတ်ဖို့ကြိုးစားရဲမှာမဟုတ်ဘူး။ ကိုယ်တော်ကြီး ပလဲလဲတောမှာသာ ပရိနိဗ္ဗာန်ပြုတဲ့အထိနေသွားရလိမ့်မယ်။

အခုလည်း မွတ်ဆလင်အပါအဝင် တခြားဘာသာတွေရဲ့ လွှမ်းမိုးမှုကို ကာကွယ်ဖို့ကြိုးပမ်းရင်း နည်းနည်းလက်လွန်ကုန်တယ်ထင်မိတယ်။ မွတ်ဆလင်နိုင်ငံတွေမှာ ဘာသာရေးဥပဒေနဲ့ အုပ်ချုပ်လွန်သွားလို့ အဓမ္မပြုကျင့်ခံရတဲ့ အမျိုးသမီးက မြူဆွယ်တယ်ဆိုပြီး အရိုက်ခံရတာကိုတောင် ပြန်သတိရစေတယ်။ အဲဒီလို ဘာသာရေးနဲ့ နိုင်ငံရေးနဲ့ရောထွေးပြီး ကဂျိုးကဂျောင်နိုင်ငံတော်ဖြစ်ကုန်တာကို အတုယူမိကြတယ်နဲ့တူတယ်။ ခရစ်ယာန်မှာလည်း ဒါတွေဖြစ်ခဲ့ဖူးပြီ။ ပုပ်ရဟန်းမင်းကြီးလက်အောက်မှာ ဘုရင့်စစ်တပ်တွေရှိတုန်းက ဘိုးတော်ပုပ်က အာဏာယစ်မူးပြီး စတန့်ထွင်လို့ အဲဒီခေတ်က တော်တော်လေး သွေးချောင်းစီးခဲ့ပြီးပြီ။ စိန့်ဖရန်စစ် အစီစီလို လူကောင်း၊သူကောင်း( ခရူးဆိတ်စစ်ပွဲကအပြန် စိတ်ပြောင်းပြီး ရသေ့ဝတ်သွားတဲ့ သူတော်ကောင်း)မျိုးနဲ့တွေ့မှ ပုပ်တွေလည်း လက်စွပ်တွေဘာတွေချွတ်ပေးတာ။ ဘာသာရေးရဲ့သဘောက လူတွေကို အေးအေးချမ်းချမ်းနဲ့၊ ဘုရားနဲ့တရားနဲ့ ထိန်းကျောင်းပေးတာပဲ။ ဘာသာရေးစစ်သွေးကြွဆိုတာမျိုးကတော့ မရှိအပ်ဘူး။ ရှိတယ်ဆိုရင်လည်း ဒီလူတွေဟာ ဘာသာတရားကိုရော၊ ဘာသာဝင်တွေကိုပါ စော်ကားနေတဲ့ မဂ်ဖိုလ်မနီးအချည်းနှီးရုံမက သာသနာကိုထောက်ပံ့သူတွေဆီက လာဘ်လာဘကို ညာဝါးဖြီးဖြန်း လိမ်လည်ယူနေသူတွေလို့ပဲထင်မိတယ်။

နိုင်ငံရေးနဲ့ပတ်သက်တော့မယ်ဆိုရင် လူ၊ပုဂ္ဂိုလ်ဖြစ်ဖြစ်၊ ရဟန်း၊သံဃာဖြစ်ဖြစ် ကိုယ့်ကိုယ်ကို အရင်ဆုံးဆန်းစစ်သင့်တယ်။ ကိုယ့်အသိဉာဏ်ဟာ လုံလောက်ရဲ့လား။ စေတနာမှန်ရဲ့လား။ လူများအသုံးချခံရနိုင်သလားဆိုတာတွေကို သေချာလေ့လာသင့်တယ်။ ပြင်ဆင်သင့်တယ်။ ဗုဒ္ဓဟာ ဆရာမှားလို့ လွဲချက်နာမှာကို တကယ်ပဲစိုးရိမ်တယ်။ အဲဒါကြောင့်လည်း ဆရာကောင်း၊ မိတ်ဆွေကောင်းနဲ့ပေါင်းရင် နိဗ္ဗာန်အထိ ရောက်တယ်ဆိုပြီး အရှင်အာနန္ဒာရဲ့ ၅၀ သားလောက် ကိစ္စပြီးတယ်ဆိုတာကို ဤသို့မဆိုလင့်အာနန္ဒာ၊ ဤသို့မဆိုလင့်အာနန္ဒာ ဆိုပြီး နှစ်ကြိမ်လောက်မြစ်တယ်။ အဲဒါကိုဆန့်တွေးရင် ခေါင်းဆောင်မှား၊ ဆရာယုတ်နဲ့တွေ့လို့ နောက်ကနေလိုက်မိရင် အဝီစိမှာ PR ဖြစ်သွားမယ်ဆိုတာ ထင်ရှားတယ်။ ကောင်းတာကို မသိသေးလို့ ကောင်းတာ လိုက်မလုပ်တာ သိပ်ပြဿနာမရှိဘူး၊ မကောင်းတာ၊မဟုတ်တာ၊မမှန်တာကို အဟုတ်ထင်ပြီးလိုက်လုပ်ရင် အကုသိုလ် အောတိုက်ရကုန်မယ်။ အသေခံဗုံးခွဲရင် နတ်သမီး ခုနစ်ဆယ်ဆိုတော့ ဒီဘဝမှာ ဂေါ်မစွံတဲ့လူတွေအတွက် ထီပေါက်သလိုအခွင့်ထူးဖြစ်ကုန်တာမျိုးဟာ အင်မတန်ထင်ရှားတဲ့ဥပမာ။

ရဟန်းစာတတ်တာဟာ နိုင်ငံရေး ပဏ္ဍိတဖြစ်သွားတာမဟုတ်ဘူးဆိုတာကို လက်မခံနိုင်ရင်တော့ ဘာမှပြောစရာမရှိဘူး။ နိုင်ငံရေးသမားမှန်ရင်တော့ အဆဲခံနိုင်ရမယ်။ အဆဲမခံရအောင် သင်္ကန်းနဲ့မကာထားရဘူး။ သင်္ကန်းချွတ်ပြီး လူဝတ်လဲပြီး အမတ်ဝင်ပြိုင်ရင်တော့ ပြောပုံဆိုပုံအချိုးကျရင် မဲပေးလိုက်ဖို့ ဝန်မလေးဘူး။ အဲဒီလို နိုင်ငံရေးသမားစစ်စစ်ကို မဲဆွယ်ရန်ပုံငွေထည့်လိုက်ရတာစိတ်သန့်တယ်။ သံဃိကဒါနဖြစ်အောင်လှူလိုက်တာနဲ့ ၉၆၉ ဆိုင်းဘုတ်ထောင်ဖို့ သုံးပစ်တယ်ဆိုရင်တော့ အပရစေတနာ တော်တော်အားနည်းသွားမိလိမ့်မယ်။ အရင်ခေတ်က အဆိုအငိုသန်တဲ့ဘုန်းကြီးတစ်ပါးရှိတယ်။ ကြာနီကန်ဆရာတော်လို့ခေါ်တယ်။ အဲဒါကို ဘဘဦးသုခက ဘာသွားလျှောက်သလဲဆိုတော့ ကိုယ်တော် လူထွက်ပြီးဟောရင်တော့ တပည့်တော် ထောက်ပံ့ပါမယ်။ ရဟန်းဝတ်နဲ့တော့ ဇာတ်သမားလိုမဟောစေချင်ဘူးလို့သွားပြီး ဒဲ့လျှောက်တယ်။ အဲဒီလို ဖြောင့်မတ်တဲ့ လူပုဂ္ဂိုလ်လိုတယ်။ အခုကိစ္စတွေလည်း ဒီလိုသဘောမျိုးပဲ၊ ကောင်းတာ၊မကောင်းတာထက်၊ သင့်တော်၏၊ မတော်၏ဆိုတဲ့ သဘောကို နားလည်ဖို့လိုတယ်။

ဘာသာခြားနဲ့လက်ထပ်တာ မကောင်းဘူးဆိုတာမျိုး ဘုရားဟောခဲ့တယ်ဆိုရင်တောင် အဲဒီတရားပြန်ဟော။ တင့်တယ်သေးတယ်။ တကယ်စဉ်းစားကြည့်ရင် ဗုဒ္ဓရဲ့မိဘတွေဟာ ဘာသာခြားတွေပဲ။ ကုလားစစ်စစ်တွေ။ ဗုဒ္ဓဘာသာမဟုတ်တာသေချာတယ်။ ၉၆၉ တွေရှိရင် ဗုဒ္ဓဘာသာမဟုတ်သေးဘဲ ဗုဒ္ဓကိုမွေးမိတာကြောင့် ဥပေဒနဲ့ ငြိနိုင်သေးတယ်။ လက်ထပ်တာကို ဥပဒေနဲ့တားမြစ်ဖို့၊ ဗမာဆိုင်ပဲအားပေးဖို့ဆိုတာတွေကြတော့ ဥပါဒါန်အစွဲများကုန်ပြီ။ ဘုရားဟောနဲ့ဖြောင့်ဖြောင့်ကြီးဆန့်ကျင်သွားပြီ။ မေတ္တာ၊ကရုဏာ၊မုဒိတာ၊ ဥပေက္ခာဆိုတဲ့ ဗြဟ္မဝိဟာရ တရားကနေလည်း သွေဖယ်သွားပြီ။ အဲဒီမှာမှ အမုန်းတရားကို အခြေခံလိုက်ရင် ထိုင်နေအကောင်းသား ၉၆၉မှ ဒယ်အိုးထဲရောက်ကုန်တော့မလိုဖြစ်ကုန်မယ်။ ဒီနေရာမှာ အမျိုး၊ဘာသာအတွက် လုပ်တာမကောင်းဘူးလို့မဆိုလိုဘူး။ သင့်တင့်တဲ့ ဆိုဆုံးမမှုလောက်သာလိုတယ်။ ကမ္မနိယာမကို သွေဖယ်ချင်လို့တော့မရဘူး။ ဘုရားဟာ အဲဒါကြောင့် ဥပေက္ခာတရားနဲ့နေတတ်အောင်သင်ပေးတာပဲ။ သတ္တဝါတိုင်း သူ့ကံနဲ့သူပါလာသလိုဖြစ်မယ်ဆိုတာကို လက်မခံလို့ ကံကိုအတင်းပြင်ဖို့ကြိုးစားနေကြတာ။ အပြင်မတတ်တော့ အမုန်းခံ၊အဆဲခံဖြစ်ကုန်တာပဲ။ စေတနာကိုတော့ မှားတယ်လို့မဆိုနိုင်သေးဘူးထင်တယ်။ စေတနာမှန်ပေမယ့် လုပ်နည်းကိုင်နည်းမဟန်ရင် ရလဒ်ကောင်းမထွက်တတ်ဘူး။

ဘာသာရေးဆိုတာ တစ်သမတ်တည်းကြီးပွားဖြစ်ထွန်းနေတာမဟုတ်ဘူး။ တစ်ချို့ခေတ်တွေမှာ တစ်ချို့ဘာသာတွေ အင်အားကောင်းတာ သဘာဝပဲ။ အိန္ဒိယမှာ အခု အများဆုံးကိုးကွယ်တာ မွတ်ဆလင်နဲ့ဟိန္ဒူပဲ။ ဗုဒ္ဓဘာသာဘယ်ရောက်သွားပါလိမ့်ဆိုတာ တွေးကြည့်ဖို့ကောင်းတယ်။ ဝံသာနုကိုယ်တော်တွေ အိန္ဒိယ သာသနာပြုသွားကြရင်မကောင်းဘူးလား။ တရုတ်ပြည်လည်း ဘာသာမဲ့သိပ်ပေါတာ။ ကိုယ်တော်တို့ ဘာသာရေးစိတ်ဓာတ်ပြင်းပြပြီး ကြိုးစားချင်စမ်းသပဆိုရင် ဘာသာဝင်ဖြစ်လာနိုင်တဲ့ နိုင်ငံတွေသွားသင့်တယ်။ ကိုယ့်ရဲ့ အစွမ်းအစနဲ့ ပညာစွမ်းကို စိတ်ချတယ်ဆိုရင် အင်ဒိုနီးရှားတို့ဘာတို့အထိသွားပြီး သာသနာပြုကြပါ။ ကိုယ့်တိုင်းပြည်ထဲ ကိုယ်နေပြီး ဘာသာဝင်တွေ စိတ်လေအောင်တော့ မလုပ်ကြပါနဲ့။ အမြင်မတူရင်ကို သစ္စာဖောက်ခေါ်ချင်တာမျိုးကတော့ လူတွေမှာတောင် ကလေးတွေလောက်ပဲ လုပ်ကြတာဆိုတော့ ရဟန်းပညာရှိတွေမလုပ်အပ်တဲ့ကိစ္စပဲ။ ကိုယ်လုပ်ချင်ရာကိုယ်လုပ်မယ်ဆိုတဲ့ ရဟန်းတွေရှိရင်လည်း အလှူခံထားတာတွေနဲ့မလုပ်ဘဲ၊ ကိုယ်စွမ်းကိုယ်စနဲ့ရှာမီးထားတဲ့ ဥစ္စာနဲ့ လုပ်ပြစေချင်တယ်။ မြန်မာပြည်မှာ လူ ၁၀၀ မှာ ၁၀၀၊ ဘုန်းကြီးကိုလှူတယ်ဆိုတာ သာသနာကို ကြည်ညိုလို့လှူတာပဲ။ ၉၆၉ မို့လှူတာ၊ ခေါင်းရိတ်ထားပုံ စနစ်ကျလို့လှူတာ၊ တိုင်းမ်မျက်နှာဖုံးရှင်မို့လှူတာ မရှိဘူး။ အဲဒါကို ဂိုဏ်းဘုန်းကံကို ကိုယ့်ဘုန်းကံထင်ပြီး ထန်းပလက်မြင်းသိပ်ပြေးတယ်ဆိုပြီး ပြေးရင်မောမယ်လို့ စံကင်းဆရာတော်က ဟောတယ်။ ကိုယ်စွမ်းတယ်ထင်တဲ့ကိုယ်တော်တွေ လူဝတ်လဲပြီး နိုင်ငံရေးလုပ်ကြည့်ကြပါ။

သာသနာကိုမီပြီး ကြံစုပ်တဲ့သူတွေကို သာသနာကတော့ ဘာမှပြောမှာမဟုတ်ဘူး။ သာသနာကို ညစ်နွမ်းအောင်၊ အသရေညှိုးအောင်လည်းမလုပ်နိုင်ဘူး။ သာသနာက သူ့အတိုင်းသူရှိမှာပဲ။ မြင့်မြတ်တဲ့သာသနာက မြင့်မြတ်တဲ့လမ်းကို ပို့ဆောင်မြဲ ပို့ဆောင်မှာပဲ။ အာကလိအောက်တွေကတော့ အာကလိအောက်တွေ သွားရမယ့်နေရာတွေရောက်မှာပဲ။ သာသနာမှာနေပြီး သာသနာရဲ့ အဆုံးအမ၊ အကျိုးကျေးဇူးကို မခံစားရကြရင်တော့ အရမတော်တဲ့ဘဝပဲ။ အဗ္မပါလီဟာ ရဟန်းမဖြစ်စဉ်က တရားအလုပ်ဘက်မှာ ကိစ္စမပြီးခဲ့တာနဲ့၊ ရဟန္တာကို စော်ကားခဲ့တာတွေကြောင့် သံသရာရှည်သွားခဲ့ဖူးတယ်။ ကိုယ့်အလုပ်ကိုယ်မလုပ်တဲ့သူတွေဟာ အမြဲတမ်း ဆင်းရဲတာရှည်တာပဲ။ ဒီလိုပြောလို့ မုန်းလို့ပြောတယ်လို့မထင်ကြပါနဲ့။ မုန်းတာ၊ချစ်တာတွေထက် နိုင်ငံအတွက် ကောင်းအောင်လုပ်ချင်စိတ်ရှိတာတွေ့လို့ မှန်မှန်ကန်ကန်လုပ်တတ်၊ကိုင်တတ်အောင် စေတနာနဲ့အကြံပြုတဲ့သဘောပဲ။

ကိုယ်တိုင်က အင်ဂျင်နီယာဆိုရင် မကျန်းမာတဲ့အခါ ကိုယ့်ဟာကို ကုလို့ရသလား။ မရပါဘူး။ ဆေးခန်းသွားရတာပဲ။ ဆေးပညာမှာတော့ ကိုယ်က သုညပဲ။ ကိုယ်မတတ်တဲ့ ဘာသာရပ်မှာ တတ်ယောင်ကားလုပ်ပြီး ကိုယ့်ဟာကိုယ် ကုရင် ကိုယ့်ဒုက္ခကိုယ်ရှာသလိုဖြစ်သွားမှာပေါ့။ လူတိုင်းမှာ ကိုယ်ကျွမ်းကျင်တဲ့ အပိုင်းရှိတယ်။ မတတ်တဲ့အပိုင်းလည်းရှိတယ်။ အဲဒါကို အရှိအတိုင်းသိမှ အဆင်ပြေတယ်။ 2013 ကထွက်တဲ့The Sacrament 
ဆိုတဲ့ကားမှာပါတဲ့ Father Patrick ဆိုတာကို ပြန်ကြည့်ကြပါ။ သူဟာ စေတနာမှန်တယ်။ လုပ်ရပ်မှားတယ်။ သူ့တပည့်တွေကို သံသရာလွတ်လမ်းဆိုပြီး အဆိပ်တွေတိုက်တာ၊ အားလုံးသေတယ်။ ၁၄၇ ယောက်သေတယ်။ ဒီကားကလည်း Jonestown မှာတကယ်ဖြစ်ခဲ့တဲ့ အစုလိုက်အပြုံလိုက်သေဆုံးမှုတစ်ခုကို မီပြီးရိုက်ထားတာ။ တကယ့်အဖြစ်အပျက်မှာတော့ ၉၀၉ ယောက်သေသွားတယ်။ ရုပ်ရှင်မှာမို့ လူများရင် ပိုက်ဆံကုန်တယ်ဆိုပြီး ၁၄၀ ကျော်လောက်သေခိုင်းလိုက်တာ။ ဇာတ်လမ်းထဲမှာတော့ တကယ်ရိုက်ပြတာ အယောက် ၂၀လောက်ပဲသေတာ။ စာတန်းထိုးမှသာ ၁၄၀ ကျော်လို့ နားလည်သွားရတာ။ မြန်မာပြည်မှာ သာသနာ့တာဝန်ကျေပြီးပြီလို့ထင်ပြီး ဝံသာနုရက္ခိတစိတ်ဓာတ်နဲ့ ဒီဇယ်ပုံးဝယ်စုနေတဲ့ရဟန်းတွေဟာ ကျွန်တော့်အမြင်မှာတော့ Father Patrick တွေပဲ။

ဗုဒ္ဓဟာ တရားနဲ့ပတ်သက်ရင် ဘယ်လောက်အထိဟောသလဲဆိုရင် သောတာပန်ဖြစ်ပြီဆိုပြီး မလျှော့လိုက်နဲ့တဲ့၊ သကဒါဂမ်ဖြစ်ပြီဆိုပြီး လေချွန်ဒူးနှံ့မနေနဲ့တဲ့။ အနာဂါမ်ကြီးဆိုပြီး အေးဆေးလေးအိပ်မနေနဲ့ဦးတဲ့။ ဒီလို အရိယာတွေကိုတောင် မလျှော့နဲ့ဦးဆိုပြီးပြောတာ။ မတာသေးဘဲ တခြားဟာတွေ အချိန်ဖြုန်းမှာ သိပ်စိုးတာ။ ဘဝရှိရင် တစ်စက္ကန့်ပဲအသက်ရှင်ဦး ဆင်းရဲရှိသေးတယ်ဟောတာ။ သူဟောတဲ့တရားက အဲဒီလို ကိလေသာကင်းကြောင်းတွေ။ ရွှေဉာဏ်တော်တွေနဲ့တွေ့မှ၊ ဒီဇယ်နဲ့ရှို့တာတို့၊ ဘာသာသွေးနွေးပါစေ၊ ဒီဇယ်ဈေးအေးပါစေတို့ဖြစ်ကုန်တာပဲ။ ကိလေသာကင်းကြောင်းမဟုတ်ရင် ဒါဟာ ဘုရားဟောမဟုတ်ဘူးလို့တောင် အကြမ်းဖျင်းပြောနိုင်တယ်။ စိတ်ချမ်းသာရေးလည်းမပါ၊ လူမျိုးရေးမုန်းတီးမှုဆီဘက်သွားတယ်ဆိုရင် အဲဒါဟာ အကြမ်းဖက်တရားပဲ။ အကြမ်းဖက်တရားကို ဟောတဲ့သူတင်မကဘူး၊ share တဲ့သူတွေလည်း အကုသိုလ်ရှိတယ်။ အဲဒီ share တာကို ကြည့်ပြီး အမုန်းပွားတဲ့သူမှာလည်း အကုသိုလ်တရားပွားတယ်။ နာမိတဲ့သူတွေ အကုသိုလ်ပွားတဲ့ပမာဏဟာ ရှေ့ဆုံးက ဟောလိုက်တဲ့သူရဲ့ အကုသိုလ် ဂယက်ပဲ။ ဒီဂယက်ဟာ သိပ်အန္တရာယ်များတယ်။ လူမျိုးရေးနဲ့၊ဘာသာရေးဟာ သွေးခွဲလိုသူတိုင်း လှုံ့ဆော်နေကြ အထိမခံ၊ရွှေပန်းကန်ကိစ္စတွေ။ ကိုယ့်ဘာသာစော်ကားတာမကြိုက်ရင် တခြားသူရဲ့ ဘာသာကို လေးစားရမယ်ဆိုတဲ့ အခြေခံအသိလေးရှိရမယ်။ ခေါင်းဆောင်လုပ်သူဟာ ခေါင်းဆောင်လိုနေရ၊ပြောရမယ်။

သာသနာပကာလဆိုတာ သာသနာကွယ်တာ မကွယ်တာနဲ့ဆိုင်တာ ရှိသလို၊မဆိုင်တာလည်းရှိတယ်။ သာသနာအဆုံးအမရှိသော်လည်း ကိုယ့်ဟာကိုယ် မလိုက်နာပဲနေလိုက်ရင် ကွယ်သွားတာပဲ။ ကောင်းကင်မှာကြယ်တွေရှိပေမယ့် ခေါင်းငုံ့လျှောက်လိုက်ရင် ကြယ်တွေကွယ်သွားတာပဲ။ ကိုယ့်အတွက်တော့ကွယ်သွားတာပဲ။ နိဗ္ဗာန်ရောက်ကြောင်းလမ်းကနေ ဗလီမီးရှို့ကြောင်းလမ်းဘက်ကို ရွှေ့သွားလိုက်ရင် သာသနာကွယ်သွားတာပဲ။ ဥပဒေနည်းလမ်းကျ၊ တရားနည်းလမ်းကျ ဖြေရှင်းရမယ့် လမ်းကို မလျှောက်နိုင်ရင် ဒုက္ခများကုန်တာပဲ။ ဘာသာခြားတွေအနေနဲ့လည်း အပြန်အလှန် အမုန်းတရားများလာနိုင်တယ်။ မယုံကြည်ရတဲ့ အသိုင်းအဝိုင်းမှာနေရင်းနဲ့ မလိုလားအပ်တဲ့ဆိုးကျိုးတွေဖြစ်လာနိုင်တယ်။ အဓိကရုဏ်းဆိုတာ ဖန်တီးဖို့သိပ်လွယ်တာ။ အင်္ဂလိပ်လိုတော့ mastermind ခေါ်တယ်။ သိပ်လည်ပြီး နောက်ကွယ်ကနေ ကြိုးကိုင်တဲ့သူတွေ။ အဲဒီလိုလူတွေ တစ်ယောက်နှစ်ယောက်ရှိရင် ကြိုက်တဲ့အချိန်၊ ကြိုက်တဲ့နေ့မှာ ကြိုက်တဲ့အဓိကရုဏ်းဖန်တီးနိုင်တယ်။ သတင်းကိုလည်း ကြိုက်တဲ့ရလဒ်ရအောင်ပြုပြင်ယူနိုင်တယ်။ အဲဒီလိုလူတွေရဲ့ စစ်တုရင်ကွက်ထဲမှာ ဘိရှော့ပ်တွေကို ဘုရင်ကိုကာကွယ်ဖို့ sacrifice လုပ်ပစ်တာ မကြာမကြာတွေ့တယ်။ တကယ်မကောင်းတာကတော့ အဲဒီ mastermind တွေပေါ့။ criminal mastermind ဆိုရင် ဒုစရိုက်သမားတွေကို အကြံကောင်းပေးမယ်။ political mastermind တစ်ယောက်လုပ်လိုက်တာ ကျောင်းသားတွေ တော်တော်လေးမျိုးပြုတ်သွားခဲ့ဖူးတယ်။ ကျောင်းသားတွေဟာ နိုင်ငံနဲ့လူမျိုးအတွက် အသေခံပေးရမယ်ဆိုတဲ့ အယူအဆကို ပါးပါးလေး ရိုက်သွင်းပေးလိုက်တာ။ ပစ်မယ်ဆိုတဲ့နေရာတွေကို အလံကိုင်ပြီးတက်လာတော့ အပစ်ခံရတယ်။ နိုင်ငံရေးသမားက သေတာရှားတယ်။ ရှေ့နားက pawns တွေပဲကျကုန်တာ။ ကျွန်တော့်အမြင်အရတော့ mastermind တွေကို ရှာဖွေနိုင်မှပဲ ဒီလိုကိစ္စတွေကို ဖြေရှင်းနိုင်လိမ့်မယ်။ တစ်ချို့ mastermind တွေက တပည့်ယောင်ဆောင်ပြီး ပုန်းနေကြတယ်။ တစ်ချို့တွေက ဘယ်လိုမှ မထင်ရတဲ့အရပ်မှာ (ဥပမာ၊ ဟာဝိုင်အီ) နေထိုင်ပြီး လှမ်းခြယ်လှယ်နေတယ်။ Chaos မှာပါတဲ့ လိပ်ပြာတောင်ပံခတ်တာလည်း သူတို့ပဲ၊ ညောင်ဦးကမ်းပါးကိုဖြိုလိုက်တာလည်း သူတို့ပဲ။ သူတို့ဟာ ဉာဏ်ရည်မြင့်တာကို အလွဲသုံးစားလုပ်နေကြတုန်းပဲ။

ကမ္ဘာကြီးဟာ ဝေးဝေးကကြည့်လေ သေးသေးလးမြင်ရလေ။  စကြဝဠာသက်တမ်းအရ နှစ်တစ်သန်းဟာ တစ်စက္ကန့်သာသာပဲ။ ကိုယ့်ခေတ်မှာ အမှန်တရားအတွက်တော့ အသံထွက်ပေးရမယ်။ ဘုန်းကြီး၊ရဟန်းတွေ စတန့်ထွင်တာကို အသာလေး ပွဲကြည့်ပရိတ်သတ်လုပ်မယ်ဆိုပြီးနေလို့မဖြစ်ဘူး။ ပိုကောင်းတဲ့လူ့အသိုင်းအဝိုင်းဆီ ရောက်အောင်သွားဖို့ဆိုတာ အားလုံး တစ်ယောက်ကို တစ်ယောက် ထိန်းရလိမ့်မယ်။ မုန်တိုင်းမိပြီး သက်ကယ်လှေနဲ့မျောလာတဲ့ လူတွေလို၊ ကိုယ့်နေရာမှာ ကိုယ့်ဟာကို အပေါက်ကလေးဖောက်မယ်ဆိုတဲ့လူတွေ၊ရဟန်းတွေကို မတားလို့မဖြစ်ဘူး။ ငြိမ်းချမ်းရေးကိစ္စလုပ်ရင်တော့ ဘာလူမျိုး၊ ဘာဘာသာကိုးကွယ်သူဖြစ်ဖြစ် ထောက်ခံရမယ်။ Chairty လုပ်ငန်းတွေကိုလှူရင်လည်း ခေါင်းဆောင်တဲ့သူ ဘာဘာသာလည်းမကြည့်ဖြစ်ပါဘူုး။ သူ့ရဲ့လုပ်ရပ်ကိုပဲကြည့်တယ်။ လူ့အသိုင်းအဝန်းကို ကောင်းအောင်လုပ်တာမှာ ကွက်ကျားလုပ်လို့မရဘူး။ နာရေးကူညီမှုအသင်းကိုကြည့်၊ သေသွားရင်မသာဘဲ၊ ဗုဒ္ဓဘာသာ မသာ၊ ခရစ်ယာန် မသာ၊ မွတ်ဆလင် မသာ၊ ဟိန္ဒူ မသာမခွဲဘူး။ သူတို့အလုပ် သူတို့လုပ်သွားတာပဲ။ အဲဒီစိတ်ဓာတ်မျိုးလိုတယ်။ ခွဲခြားချင်တဲ့စိတ်ဓာတ်ဟာ သေးသိမ်တဲ့စိတ်ဓာတ်ပဲ။ ကိုယ့်ဘာသာထဲ တစ်ယောက်ယောက်ကို အတင်းအကြပ်ဝင်စေချင်ရင်ကို သိပ်မကောင်းတော့ဘူး။ အဲဒီလိုပဲမြင်တယ်။ ဘုရားလောင်းဘဝတုန်းက သူ့သူငယ်ချင်း (သူ့ထက် အမျိုးဇာတ်နိမ့်တဲ့သူငယ်ချင်း)က သူ့ကို အဲဒီတုန်းက ပွင့်တဲ့ဘုရားဆီမသွားဘူးငြင်းတာကို ဆံပင်ကဆွဲခေါ်သွားတာတော့ရှိတယ်။ သူငယ်ချင်းချင်းကို တရားနာစေချင်လို့။ စေတနာမှန်တယ်။ ဘာသာပြောင်းခိုင်းတာမဟုတ်ဘူး။ တရားအသိအမြင်ရှိစေချင်တာ။ ဒီနှစ်ခုကလည်းမတူဘူး။ ဘာသာတစ်ခုခုက ကမ္ဘာကြီးကို လွှမ်းသွားမယ်ဆိုရင် တော်တော်ပျင်းစရာကမ္ဘာကြီးပဲဖြစ်မှာပဲ။ အဲဒီလိုခေတ်မျိုး မရောက်ဘူးလို့တော့ထင်နေမိတယ်။

ငြိမ်းချမ်းတဲ့သူတွေဖြစ်နိုင်ကြပါစေ။         ။

Zephyr

Peace B with U.