ကွဲကွာနေကြတဲ့ ကမ်းခြေနှစ်ခုက
သူတို့ရဲ့ အသံတွေဟာ
နက်ရှိုင်းလှတဲ့ မျက်ရည်ဆိုတဲ့
တေးတစ်ပုဒ်ထဲမှာ ပေါင်းစည်းလိုက်ကြတယ်။
ဆရာမြ (မြသန်းတင့်)ကို ကဗျာဆရာလို့ ဘယ်သူမှ မသတ်မှတ်ပေမယ့် သူ့ဘာသာပြန်တွေမှာ လှတာတွေ၊ ကဗျာဆန်တာတွေ သိပ်များလွန်းတယ်။ သူ့အကြောင်းကို ဦးအောင်သင်းပြောတာတွေမှာ ကြားရတယ်။ သိပ်လေးစားစရာကောင်းတယ်။ သူ့ဘဝရဲ့ အချိန်တွေကို တန်ဖိုးရှိရှိ သုံးသွားတယ်။ စာရေးတဲ့သူတွေ ကူးရေးဖို့တောင် စိတ်ကူးမရလောက်အောင်ထူတဲ့စာအုပ်တွေကို ဘာသာပြန်သွားတယ်။ သူရေးချင်တာတွေကို ခဏလောက်သိမ်းထားပြီး ဘာသာပြန်အလုပ်ကို အရှိန်အဟုန်အပြည့်နဲ့လုပ်သွားတယ်။ ပင်ကိုယ်ရေးတွေအတွက် အချိန်သိပ်မပေးလိုက်နိုင်ရှာဘူး။ ဘာသာပြန်စာပေအတွက်ရော၊ မြန်မာစာပေအတွက်ပါ အင်မတန် ကျေးဇူးများတဲ့သူလို့ စိတ်ထဲဘဝင်ကျမိတယ်။
ရှေ့ပိုင်းခေတ်တွေမှာ စာရေးဆရာတွေ အလုပ်ကို အလုပ်နဲ့တူအောင်လုပ်သွားတယ်။ ကျကျနနတတ်မြောက်တဲ့ ပညာတွေကို သိပ်သိပ်သည်းသည်းဖော်ထုတ်သွားတယ်။ ကျစ်လျစ်တဲ့အရေးအသား၊ လှပတဲ့ အရေးအသား၊ ခိုင်ခံ့တဲ့ဇာတ်အိမ်၊ လေ့လာမှုများတဲ့ သုံးသပ်ချက်နဲ့လုပ်ဆောင်သွားကြတယ်။ ငတ်လို့ စာရေးစားတဲ့လူတွေနဲ့မတူဘူး။ ဘောင်ဘင်ခတ်နေတဲ့ ကျွဲပါးကြီးတွေနဲ့လည်းကွာတယ်။ ကိုယ့်တင်ပါး ကိုယ်မီးရှို့ပြီး မီးပုံးပျံပမာ ဝဲပျံနေရှာတဲ့ ဆှာသမားများနဲ့တော့ ကွာချင်းတိုင်းကိုကွာတယ်။
ဆရာပါရဂူနဲ့ ဆရာမြသန်းတင့်သေသွားကတည်းက လူကုန်သွားသလိုဖြစ်သွားတယ်။ ပညာရှိသော လူကြီးသူမများရှားပါးကုန်ပြီ။ ကျန်သူတွေလည်းတဖြုတ်ဖြုတ်၊ ၂၀၁၃ မှာ ကျန်သူတွေတစ်ဝက်လောက် သွားကြမယ်ထင်မိတယ်။
ငယ်တုန်းက စာအုပ်လေးတွေ တစ်အုပ်ဝယ်ပြီးတိုင်း ပျော်လို့မဆုံးဘူး။ တစ်ချို့စာအုပ်တွေကို နှစ်ပေါင်းများစွာ ဖတ်နေတယ်။ ထပ်ပြန်တလဲလဲ။ မရိုးနိုင်ဘူး။ အသက်ကြီးလာလေ၊ ဖတ်ရတာ အရသာရှိလေဖြစ်လာတယ်။ စဉ်းစားရတာကို အရသာပိုခံတတ်လာတယ်။ သိပ်အများကြီးမသိချင်တော့ဘူး။ ကိုယ့်ဘဝတိုတိုလေးမှာ ငြိမ်းငြိမ်းချမ်းချမ်း အေးအေးဆေးဆေးလေးနေသွားရင်း ကိုယ်ချစ်တဲ့စာလေး၊ပေလေး ဖတ်ရရင်ကျေနပ်ပြီ။ မလိုအပ်တဲ့ရှာမှီးခြင်းတွေရဲ့ မဆုံးနိုင်တဲ့မိုက်မဲမှုတွေကို မပယ်နိုင်သေးလည်း ဝေးဝေးကနေ ဖြတ်သွားမယ် စိတ်ကူးနေပြီ။
ဆရာတော် ဦးဇောတိကစာအုပ်တွေ ၁၉၉၉ ကနေ စပြီးဖတ်လာတာ၊ ၂၀၁၂ ကုန်ခါနီးပြီ။ ၁၂ နှစ်၊ ၁၃ နှစ်ကြာနေပြီ၊ မရိုးသေးဘူး။ ပိုတောင်ဖတ်လို့ကောင်းလာတယ်ထင်မိတယ်။ ဆရာတော်ရေးသမျှကြိုက်တယ်လို့မဆိုလိုဘူး။ စဉ်းစားစရာပါတာတွေကိုကြိုက်တယ်။ ဒီနေရာမှာ တစ်ဆက်တည်း စကားစပ်လို့ပြောရရင် ဘယ်ဘာသာက ဘုန်းကြီးဖြစ်ဖြစ် တစ်ခြားဘာသာကို နှိမ်သလိုလို ၊ရွဲ့သလိုလို၊ ကဲ့ရဲ့သလိုလိုပြောရင်တော့ အထင်သေးတယ်။ ဒါဟာ ဘာသာရေးခေါင်းဆောင်ပင်ဖြစ်သော်လည်း စိတ်ထားသေးသိမ်တဲ့ စိတ်ရဲ့ ဘေးထွက်တွေလို့ထင်တယ်။ ဒါမျိုးဟောတဲ့တရားကို တစ်ပုဒ်ထက်ပိုမနာချင်ဘူး။ ကိုယ်ကောင်းတယ်ဆိုတာကို ဖော်ပြဖို့ တစ်ခြားတစ်ခုကို မကောင်းဘူးပြောရတယ်ဆိုတာ အင်မတန်သေးသိမ် အောက်တန်းကျတဲ့အလုပ်လို့ထင်တယ်။ အင်္ဂလိပ်လို ကောင်းကောင်းမွန်မွန် မတတ်ဘဲ တစ်လုံးတစ်လုံး ထည့်ပြောချင်တဲ့ ဘုန်းကြီးများကိုလည်း ဗျစ်တသျှအဘိဓဇဘွဲ့ဆက်ကပ်ဖို့ အကြံပေးချင်မိတယ်။ ဘုန်းကြီးဖြစ်တာနဲ့ လူဝတ်ကြောင်ကို ဆရာလုပ်လို့ရပြီထင်နေတဲ့ ကိုယ်တော်တွေကိုတော့ သာသနာ့ psychic inflation ပဏ္ဍိတဘွဲ့ကပ်သင့်တယ်ထင်မိတယ်။ ဖေ့စ်ဘွတ်ခ်ကိုယ်တော်၊ ကင်မရာကိုယ်တော် နဲ့ ဟန်းဖုန်းကိုယ်တော်တွေကိုတော့ အိုင်တီလိုက်ဖ်စတိုင်ဆိုရှယ်ဘိဝံသဘွဲ့ စသဖြင့်တွေကပ်တော်မူသင့်တယ်။
စာအုပ်စာပေဟာ လူရဲ့ အဆင့်မြင့်တဲ့ သဘာဝကို အားပေးတဲ့သဘောရှိတယ်။ စာပေ ကောင်းကောင်းကန်းကန်းမရှိတဲ့ လူမျိုးဟာ အင်မတန် သနားစရာကောင်းတယ်။ သမိုင်းပျောက်သွားဖို့များတယ်။ စာပေဟာ သမိုင်းအမွေကိုလည်းထမ်းထားတယ်။ ယဉ်ကျေးမှု အမွေကိုလည်း သယ်ပိုးထားတယ်။ အသိပညာကိုလည်း ဆက်လက်သယ်ဆောင်တယ်။ အပြောစာပေ၊ အရေးစာပေဆိုပြီးကွဲပြားကောင်း ကွဲပြားမယ်။ ဒါပေမယ့် စာပေက လက်ဆင့်ကမ်းခြင်းဆိုတဲ့ အလုပ်ကိုဆက်လုပ်တယ်။ စာပေကြောင့်ပဲ နှစ် ၂၅၀၀ က ရဟန်းပြုသွားတဲ့ ဖီလော်ဆိုဖာကြီးရဲ့တရားတွေနာခွင့်ရတယ်။ ဆက်လက်လေ့လာနိုင်ခွင့်ရတယ်။ ကမ္ဘာကြီးကို စာအုပ်ထဲကနေ ဖြတ်ပြီး ခရီးဆန့်နိုင်တယ်။ သမိုင်းတစ်လျှောက်လုံးမှာလည်း မျောပါနေနိုင်တယ်။ ပင်လယ်ခရီးသွားနိုင်သလို၊ သိပ္ပံပုံပြင်တွေနဲ့လည်း ဖက်လှဲတကင်းနေနိုင်တယ်။ စွန့်စားတဲ့မုဆိုးနဲ့အတူ အာဖရိကတောထဲမှာ ခြင်္သေ့လိုက်နေနိုင်သလို၊ အဲလစ်နဲ့အတူ တွင်းထဲကို အတူလိုက်ဆင်းပြီး ကမ္ဘာသစ်မှာ ရင်ခုန်နေနိုင်တယ်။ ဟယ်ရီပေါ့တားနဲ့အတူ ကျောင်းတက်၊ ပရော်ဖက်ဆာ ဒေါက်တာ လင်ဒွန်နဲ့အတူ သင်္ကေတတွေလေ့လာ၊ မေ့မျောနေတဲ့ဂျပန်မလှလှလေးကို စောင့်ကြည့်သူတွေနဲ့အတူငေးကြည့်နေမလား၊ ကမ္ဘာကြီးကိုအလည်လာမယ့် ဂြိုဟ်သားတွေနဲ့အတူ ဖြတ်သန်းမလား၊ ကမ္ဘာကြီးကို စာရွက်တွေကနေချောင်းကြည့်နေလို့လည်းရသေးတယ်။ ဂြိုဟ်ပိစိလေးပေါ်က သက်ရှိသေးသေးကွေးကွေးလေးဖြစ်ရတာကို ကျေနပ်ဖို့၊ ဘုရားအဖြစ်ကိုရောက်ပြီလို့ ကြေညာသူတွေအကြောင်းကို ဖတ်ကြည့်ဖို့၊ ကျေးငှက်လေးအကြောင်းသိဖို့၊ ဆဲလ်နဲ့မော်လီကျူးတွေအကြောင်းနားလည်ဖို့၊ ဦးနှောက်အကြောင်းသဘောပေါက်ဖို့၊ ဦးကြီးပုနဲ့အတူဟင်းချက်ဖို့၊ ဆော့ခရေတ္တိနဲ့အတူ အင်္ကျီမဝတ်၊ ဖိနပ်မစီးဘဲ စကားများများပြောဖို့၊ ဒါဝိဒ်နဲ့အတူ သိုးကျောင်းဖို့၊ ဆဗားနားမှာ ဖြတ်ပြေးဖို့၊ တိမ်တိုက်နဲ့တောင်တန်းရဲ့ ဘာသာစကားနဲ့ နယ်နိမိတ်ကို သိဖို့၊ ဝင်လေနဲ့ထွက်လေကို သိခြင်းအကြောင်းကို ဂုဏ်ယူတတ်ဖို့ စာဖတ်ကြတယ်။ သူ့ဘဝကိုယ်နားလည်ပြီး၊ ကိုယ့်ဘဝသူနားလည်ဖို့ စာဖတ်ကြတယ်။ ကိုယ့်နိုင်ငံ ငတ်နေတာ ဘာကြောင့်လဲဆိုတာသိဖို့၊ သူတို့ဘာလို့ ဗုံးတွေခွဲနေတာလည်း ခံစားတတ်ဖို့ စာဖတ်ကြတယ်။ သူ့မျက်ရည်က အနွေးဓာတ်နဲ့ ကိုယ့်မျက်ရည်က အနွေးဓာတ် ပူနွေးမှုခြင်းတူတာ သိဖို့ စာဖတ်ကြတယ်။ ယောနသံစင်ရော်ပျံသန်းတာကို ဘာလို့ချစ်တာလဲသိဖို့၊ ပါပီလွန်ကျွန်းကထွက်ပြေးတဲ့အရသာကိုသိဖို့ စာဖတ်ကြတယ်။ ငွေမက်တဲ့ဆရာဝန်တစ်ယောက်ရဲ့ဘဝကိုနားလည်ဖို့ ရဲတိုက်ကိုဖတ်ကြည့်ရတယ်။ လင်ရှိမယားနဲ့အတူနေတဲ့ နိုင်ငံရေးသမားယောင်ယောင်လူအကြောင်းသိချင်လို့ အရှေ့ကနေဝန်းကိုဖတ်ကြည့်ရတယ်။ တော်စတွိုင်းပုံပြင်တွေ ဘယ်လောက်ချာလည်းသိဖို့စာဖတ်ရတယ်။ အေဗရာဟင်လင်ကွန်း မိန်းမနာမည်နဲ့ ပြိုင်ဘက်ကို ဆဲစာရေးတာတွေ အရသာခံတတ်ဖို့စာဖတ်ရတယ်။ စတီဖင်ဟော့ကင်း သူ့သမီးအတွက်ကူရေးတာဘာလဲဆိုတာ သိဖို့လည်းစာဖတ်ရတယ်။ ရစ်ချက်ဖိုင်းမန်း သူ့မိန်းမကို ချစ်တာသိဖို့လည်းစာဖတ်ရတယ်။ တော်ဖလာဟာ လှိုင်းကြိုက်တဲ့ ဘိခ်ျဘွိုင်းလားသိဖို့၊ သမိုင်းသေမသေသိဖို့၊ ဖူကိုးလည်း နည်းနည်းဖတ်ရတယ်။ ဝူခုန်းအကြောင်းသိဖို့လည်း စာဖတ်ရတယ်။ ဟိကလစ်ဖ်ကိုချစ်တဲ့အချစ်ဟာ ဘယ်လိုလဲသိဖို့၊ ဦးထုပ်ခြောက်လုံးအသုံးမဝင်လှတာသိဖို့၊ ကြက်ပြုတ်စာတွေအပျင်းပြေဖို့ စာဖတ်ရတယ်။ နယ်ဆင်မင်ဒဲလား ဆံပင်ဘာကြောင့်ဖြူလဲသိဖို့၊ သတ်သေခြင်းအကြောင်းသိဖို့၊ စကားထစ်ကဗျာတွေအကြောင်းသိဖို့၊ အပျက်မလေနဲ့ကဗျာကို လေးစားတတ်ဖို့၊ သီအိုဘယ်လောက်စိတ်ညစ်ရှာမလဲသိဖို့၊ စိုင်းထီးဆိုင် ရောဂါကုစရာ ပိုက်ဆံမရှိရှာတာကိုသိဖို့၊ အိုင်းစတိုင်းမိန်းမနှစ်ယောက်ယူတာကိုသိဖို့၊ဆမ်းမားဆက်မွန် ဒက်ရှန်းခွေးပုလေးတွေမွေးထားတာသိဖို့၊ ဆရာကြီးဥရဲ့ ဆူးချွန်ကြီးမာကျောလာတာသိဖို့စာဖတ်ရတယ်ထင်မိတယ်။ နှုတ်ကောင်းခွန်းမြိန်ဖို့၊ လူပေါ်လူဇော်လုပ်ဖို့၊ အရက်သမားအမှား ၁၀၀၀တတ်ဖို့၊ မှော်ပီဆရာသိန်း ဘာမှမတတ်တာသိဖို့၊ ဦးဖိုးလှိုင်ညာဖြီးတာသိနိုင်ဖို့၊ မြန်မာဘုရင်တွေ အ,တာကို သဘောပေါက်ဖို့၊ သီပေါမင်း ထီရုံတွေဖွင့်တာကို သိဖို့၊ ဗန်းမော်ဆရာတော် အပြောပက်စက်တာသိဖို့၊ လယ်တီဒီပနီတီးခေါက်ဖို့ စာဖတ်ကြတာလည်းဖြစ်နိုင်တယ်။ အိမ်မက်တွေအကြောင်းသိဖို့၊ ကျောင်းသွားဖော်လေးရဲ့ စိတ်နေစိတ်ထားကိုနားလည်ဖို့၊ ဆရာသက်ကြီးရဲ့ငယ်ထိပ်အကြောင်းသိဖို့၊ ငွေကြေးရဲ့လည်ပုံပတ်ပုံကိုသိဖို့၊ သိပ်ကြီးလို့ မလဲနိုင်ဘူးဆိုတာကိုနားလည်ဖို့၊ ဂူဂယ်ဘာတွေလုပ်သလဲသိဖို့၊ဖန်ရှင်နယ်ပရိုဂရမ်းမင်းကိုသိဖို့ စာဖတ်ကြသူတွေလည်းရှိမယ်။ ရှားလော့ခ်ဟုမ်းက မိုးရွာရင်ပျော်တာကိုသိဖို့၊ မော်ရီနဲ့ အင်္ဂါနေ့တွေမှာအတူရှိနေပေးဖို့၊ သထိန်းဖေဖေနဲ့ငမွဲဖေဖေပေးတဲ့အမွေယူဖို့၊ ဘေဘီလုံမှာ အချမ်းသာဆုံးရေးတဲ့ ဆရာဖေမြင့် စက်ဘီးနဲ့ပဲရှိသေးတာသိဖို့၊ ကိုရင်တာတစ်ယောက် မိန်းမလုပ်စာထိုင်စားရင်း ပေါက်ကရလေးဆယ်ရေးနေတာသိဖို့၊ ဂျက်လန်ဒန်နဲ့ဂျက်ကွမ်းခြံကုန်းမတူဘူးဆိုတာသိဖို့၊ ဂျွိုက်စ်လို လမ်းသလားတတ်ဖို့၊ ကာဖကာလို အထာကျတာတွေရေးတဲ့သူရှိသလားသိဖို့၊ မာကေးလို ရှင်းသလိုလိုရှုပ်တတ်တာတွေရှိပါလား သဘောပါ/သဘောပေါက်နိုင်ဖို့စာဖတ်သူတွေလည်းရှိမယ်ထင်တယ်။ တောင်မြို့ဆရာတော် နွားနို့ကြိုက်တာသိဖို့၊ မင်းကွန်းဆရာတော် ဆေးလိပ်ဖွာတာသိဖို့၊ မဟာစည်ဆရာတော် ဆေးလိပ်မီးညှိပေးတာသိဖို့ စာဖတ်သူတွေလည်းရှိတယ်။ ကျွန်မကတော့ စာဖတ်နာပါတယ်။ စာဖတ်နာပါတယ်လို့ အော်အော်နေတဲ့ ဂွက်ထော်မလေးအတွက်တော့ ဒါဟာ ရေစီးကြောင်းတစ်ရပ်ပါပဲ။ အချိန်ကိုသော်လည်းကောင်း၊ ငွေကိုသော်လည်းကောင်း၊ ကိုယ့်ခြေမနှစ်ချောင်းကိုသော်လည်းကောင်း စီမံခန့်ခွဲတတ်ဖို့စာဖတ်သူတွေလည်းမရှား။ တဂိုးပုလွေသံကိုသိဖို့၊ ဂြိုဟ်ပိစိကမင်းသားလေးကိုသိဖို့၊ ဖာမပါရင် မိန့်ကွန်းမပြောတတ်တဲ့ ဦးဖာသားအကြောင်းကိုသိဖို့စာဖတ်ကြရတယ်ထင်တယ်။
စာမဖတ်တာဟာ ဘာမှမဖြစ်ဘူးဆိုတာသေချာစေဖို့ စာနည်းနည်းလောက်တော့ဖတ်ကြရတာနဲ့တူပါရဲ့။ ။
Regards,
Z
Peace B with U.
