မနက်ခင်းမှာ အားလုံးရှိသည်။
သာယာလှပသော နံနက်ခင်းများကို ချစ်ခင်သော်လည်း မည်သည့်အခါမျှ အိပ်ရာစောစောထလေ့မရှိသည့် သူ့အတွက် နံနက်ခြောက်နာရီသည် စောလွန်းနေပါသည်။ ခြေရင်း၌ ခွေအိပ်နေသော ကြောင်ကလေးကလည်း ထူးထူးခြားခြား စောစီးစွာနိုးနေသော သခင်ကို အထူးအဆန်းလိုတစ်ချက်မော့ကြည့်ပြီး ပြန်အိပ်နေသည်။ လှပသော မနက်ခင်းကို ထကြည့်ရန်လုံလောက်သော တိုက်ဆိုင်မှုတစ်ခုဖြစ်မည်။ ကော်ဖီတစ်ခွက်ထဖျော်လိုက်ရင်ကောင်းမည်ထင်သည်။
နံရံမျက်နှာကြက်များတွင် မမြင်ရသော ၀ိညာဉ်များခိုကပ်နေသည်။ သူတို့၏ဖြစ်တည်မှုအတွက် သူတို့ကျေနပ်နေသည်။ Good Morning ဟု နှုတ်ဆက်နေသော ဓာတ်ပုံထဲမှ မိဘများ .............။ လန်ကာဝီမှ အတင်းရိုက်ပြီး ပန်းကန်ပြားထဲထည့်ပေးလိုက်သော ဓာတ်ပုံထဲတွင် သူ ဘယ်ကို ကြည့်နေပါလိမ့်။ ကော်ဖီမှုန့် half pound၊ French coffee quarter pound ရောထားသော ကော်ဖီမှုန့်နှင့်ဖျော်သော ကော်ဖီကိုပဲ သူ တစ်သက်လုံးသောက်ခဲ့သည်။ (ခိုင်မာသောအကြောင်းပြချက်မရှိခဲ့။)ယခုလည်း မဖျော်ရသေးသည့်ကော်ဖီရနံ့ကိုရနေသည်။ မိဘအိမ်တွင် လက်ကြောတင်းအောင်လုပ်ခဲ့သမျှဆို၍ ကော်ဖီဖျော်ခဲ့ခြင်းတစ်ခုသာရှိသည်ဟုတွေးမိသည်။
ကော်ဖီပုလင်းကို ဖွင့်လိုက်သည်နှင့် လတ်ဆတ်သော ကော်ဖီရနံ့ကိုရသည်။ ငယ်စဉ်က အိမ်မက်များ အငွေ့ပျံမသွားရန် ထိုကော်ဖီကိုပင် အနှစ်သုံးဆယ်သောက်ခဲ့သည်။ ကော်ဖီမဖျော်ခင် သန့်ပြီးသားခွက်ကို ရေနှင့်ပြန်ဆေးနေမိသည်။ ထို စိတ္တဇကို ဘယ်က ရလာခဲ့သလဲ သူကိုယ်တိုင်လည်း မမှတ်မိတော့။ တစ်နေ့ လက် အခါ ၂၀ ကျော်ဆေးသော လူစုထဲတွင် သူလည်းပါသည်။ ထို့အတွက် စိတ်အနှောက်အယှက်မဖြစ်ခဲ့မိ။ ကော်ဖီဖျော်သောဇွန်းသည် အရှည်ဖြစ်ရမည်ဟု သူ့မသိစိတ်ထဲ သတ်မှတ်ထားခဲ့မိသည်မှာလည်းကြာခဲ့ပြီ။ အသက်သုံးဆယ်အရွယ်လူတစ်ယောက်အတွက် သညာများသည် အရိုးရင့်သင့်သလောက်ရင့်ခြဲ့ပီဖြစ်သော်လည်း ထိုအသိ၊အစွဲများ၏ အကြောင်းတရားကိုလည်း မေ့သင့်သလောက်မေ့နေပြီ။ ကော်ဖီကို အရသာရှိရှိသောက်ရန် ကော်ဖီခွက်အနက်ရောင် လှလှလေးတစ်ခွက်လိုကြောင်း ညီမလေးက ပြောခဲ့သေးသည်ထင်သည်။ ကော်ဖီကောင်းတစ်ခွက်၏တောင်းဆိုမှုပဲလား၊ ထူးခြားသော ဇီဇာကြောင်မှုလားတော့မသေချာ။ ပိုင်ဆိုင်ခဲ့သော ကော်ဖီခွက်များကတော့ အနက်ရောင်စိုစို ကြွေခွက်ကလေးများသာဖြစ်သည်။ နှစ်ပေါင်းများစွာ အသားကျနေသော အသိစိတ်၏ အတိုင်းအဆအတိုင်း ကော်ဖီတစ်ခွက်ကိုပြင်ဆင်နေမိသည်။ ရေနွေးထဲကော်ဖီထည့်သည်နှင့် ကော်ဖီထဲရေနွေးထည့်ခြင်းမှာ လုံးဝမတူကြောင်း သိနေသော စိတ်တစ်ခုသည် တစ်ခုခုမှားနေခြင်းလည်းဖြစ်မည်။ ကော်ဖီခွက်ကို အသံမမြည်အောင်မွှေရင်း တမလွန်မှ မိခင်ကြီးကိုသတိရမိသည်။ သူမသည် ကော်ဖီဖျော်လျှင် အသံမြည်အောင်ဖျော်သည်ကို တစ်သက်လုံးဆန့်ကျင်ခဲ့သူဖြစ်သည်။ (သူ့ထံတွင်လည်း အကြောင်းပြချက်ရှိပုံမရ။ သူတက်ခဲ့သော ကျောင်းမှ ခရစ်ယာန်သီလရှင်များ၏ သွန်သင်မှုကြောင့်ဖြစ်ကောင်းဖြစ်မည်။) ကော်ဖီငွေ့များကို တစ်ချက်ရှူကြည့်ပြီး အဖုံးခဏလောက်အုပ်ထားလောက်သည်။ ကော်ဖီတစ်ခွက်အတွက် ကရိကထ အခံနိုင်ဆုံးလူများစာရင်းကောက်လျှင် သူသည်လည်း ရှေ့ပိုင်းတစ်နေရာတွင်ရလောက်သည်။ သိမ်မွေ့သော အရသာများအတွက် စိတ်ရောကိုယ်ပါ ပြင်ဆင်ရသည်ဟု သူထင်မိသည်။
ကော်ဖီခွက်ကိုကိုင်ပြီး အိမ်ရှေ့ဝရံတာသို့ထွက်ခဲ့သည်။ ရေခဲငွေ့များဖြင့် စူးရှရှ အေးမြနေသော လေကို အဆုပ်ပြည့်ရှူသွင်းရင်း အသက်ရှူမ၀ခဲ့တာ ဘယ်လောက်ကြာပြီလဲဟုတွေးမိသည်။ အသက်ရှူဝဖို့ရောလိုအပ်လို့လားဟူ၍ထပ်တွေးသည်။ ထို့နောက် အသက်ရှူဖို့ရောလိုအပ်ရဲ့လားဟုတွေးသည်။ အတွေးများသော သူ့စိတ်ကို သူ ပြန်တွေးကြည့်ရင်း ပြုံးလိုက်မိသည်။ နှစ်မိနစ်ခွဲအကြာတွင် ကော်ဖီခွက်အဖုံးကိုဖွင့်သည်။ ကော်ဖီခွက်အဖုံးကို နှစ်မိနစ်ခွဲအုပ်ထားသောအကျင့်တစ်ခုလည်း ဘယ်အချိန်ကစွဲကပ်နေမိသလဲ မသေချာ။ အကျင့်များသည် စွဲမြဲတတ်သည်လား၊ စွဲမြဲခြင်းများသည် အကျင့်ဖြစ်လာသည်လား မတွေးမိအောင်သတိထားနေရသည်။ မနက်ခင်းသည် လှသည်။ နေရောင်ခြည်အနည်းငယ်သာပါသော ၀ိုးတ၀ါးမနက်ခင်း။ လောက၏ ဆာလောင်မှုများ၊ ရုန်းကန်ငြင်းဆန်မှုများအတွက် သူ့တွင်တာဝန်မရှိ။ မနက်ခင်းသည် အေးချမ်းသော စိတ်များ၏ ဆာလောင်ရာအစာလည်းဖြစ်သည်။
သဘာဝအလှတရားများ၊ ခြေထောက်အောက်မှတိမ်များကို သူသဘောကျသည်။ သူနေသော နေရာသည် ပင်လယ်ရေမျက်နှာပြင်အထက် အမြင့်ပေ ၆၀၀၀ ကျော်သည်။ အမြင့်ပေသည်လည်း ဘ၀အတွက် လိုအပ်သော အစာတစ်ခုများဖြစ်နေမလားမသိ။ သဘာဝတရား၏လိုအပ်ချက်အဖြစ် သဘာဝတရားမှလာသော လူသားတွင် လိုအပ်နေခဲ့သည်လား သူတွေးမိသည်။ အဆင်ပြေပြေမနက်ခင်းတွင် အဆင်ပြေပြေကော်ဖီတစ်ခွက်နှင့် အဆင်ပြေပြေစိတ်တစ်ခု၏ပေါင်းစပ်မှုလည်းဖြစ်သည်။ လှပသော ခရမ်းရောင် တြိဂံတစ်ခု၏ ဖွဲ့စည်းမှုလည်းဖြစ်မည်။ ကော်ဖီတစ်ခွက်သည် သာမန်အားဖြင့် Jazz ဂီတကို တောင်းဆိုသည်။ ကော်ဖီတစ်ခွက်သည် မနက်ခင်းကိုတောင်းဆိုသည်။ ကော်ဖီတစ်ခွက်သည် ယောနိသောမနသီကာရကိုတောင်းဆိုသည်။
အလွန်လျှင်မြန်သောစိတ်သည် ပြေးလွှားနေတတ်သည်။ သတိမထားမိလျှင် အတိတ်နှင့် အနာဂတ်သို့ တဖျတ်ဖျတ်ကူးသန်းသွားလာသည်။ မနက်ခင်းကို မနက်ခင်းအတိုင်းကြည့်နေရန်၊ မနက်ခင်းအတွင်းသို့ ပူလောင်သောစိတ်ကူးများဖြတ်သန်းခွင့်မပြုရန်၊ မနက်ခင်းကို မနက်ခင်းအတိုင်း ရှင်သန်ခွင့်ပြုရန် သူ သတိထားနေမိသည်။
နောင်တနှင့် နောင်တတဖန်ပူပန်ခြင်းများမပါရှိသော နံနက်ခင်း။ သစ်ကိုင်းများအပေါ်တွင် နားနေသော နေရောင်ခြည်တွင် သိမ်မွေ့သော တောင်ပံများရှိနေသည်။
သူ့အသက် ၁၄ နှစ် တွင် ဗလာစာအုပ်မှ အမည်နေရာတွင် rebel ဟုရေးထိုးခဲ့ဖူးပြီ။ သူ့အသက် ၁၅တွင် သူ့ထက် အရပ်အနည်းငယ်ပိုရှည်သော ရန်စသည့်ငနဲကို ဂစ်တာနှင့်လဲကျသည်အထိ ရိုက်နှက်ခဲ့ဖူးပြီ။သူ့အသက် ၁၇ တွင် အဆင်ပြေသော နေအိမ်မှ ထွက်ပြေးခဲ့ဖူးပြီ။ သူ့အသက် ၂၀ တွင် ပိုင်ဆိုင်မှုများနှင့် အချိုးကျပြောင်းလဲနေသော ယသော၊အယသော ဆိုသော ဇာတ်ကားသစ်ကြီးကို ကြည့်ခဲ့ဖူးပြီ။ သူ့အသက် ၂၂ တွင် လက်ဖက်ရည်ကြိုက်သော ကောင်မလေးတစ်ယောက်၏ ချစ်သူအဖြစ် ရူးမိုက်ခဲ့ဖူးပြီ။ သူ့အသက် ၂၅တွင် အနည်းငယ်နောက်ကျစွာ အသည်းကွဲခဲ့ဖူးပြီ။ ထိုအရာများသည် ကော်ဖီခွက်အတွင်းမှအဖြစ်အပျက်များဖြစ်လိမ့်မည်။ တိမ်တိုက်များကို ငုံ့ကြည့်လျှင် မြင်နေရသော ပုံရိပ်မှာ ပြိုကွဲခြင်း ဆင့်ကဲဖြစ်စဉ်များသာဖြစ်သည်။
မနက်ခင်းတွင် အရာအားလုံးရှိနေမှန်း သူဘာကြောင့်မသိခဲ့တာလဲ။
မနက်ခင်းတွင် ချစ်ခင်သူ၏ အနမ်း၊ ကြင်နာသောအပြုံး၊ နွေးထွေးသော ရယ်သံ၊ သန္တရသ ဂီတ၊ နေရောင်ခြည်၊တိမ်တိုက်၊ ပန်းပွင့်နဲ့လေညင်း၊ ကဗျာနဲ့ အိမ်မက်။ လူငယ်ဘ၀နဲ့အထီးကျန်မှု၊ မွန်းကြပ်မှုနှင့် နားလည်ရခက်ခဲမှု၊ ခင်မင်မှုနှင့် တိတ်ဆိတ်မှု၊ အရာအားလုံး။ မိဘမေတ္တာနှင့် ၀ီစကီတစ်သေတ္တာ၊ စပယ်ပန်းနှင့် poppy။ ခြင်္သေ့ဟိန်းသံများနှင့် ကျေးငှက်မြည်သံများ အားလုံးရှိနေခဲ့သည်။
ကော်ဖီကို တစိမ့်စိမ့်သောက်နေမိသည်။ နံရံထောင့်မှ ၀ိညာဉ်များ၏ ရယ်မောသံများ။ ခြေထောက်ကို ပွတ်သပ်နေသော ကြောင်ကလေး၏ ဦးခေါင်းမှ နူးညံ့မှု ......... တိတ်ဆိတ်သိုသပ်သောနံနက်ခင်း ....................။ အဝေးကိုမျှော်ကြည့်ရင်း အဝေးသို့သာမြင်နေရသော အရှိတရား ..............။ အကွာအဝေးဆိုင်ရာ သက်ပြင်းများလေးလံလာမှု။ ထိုအရာများအားလုံး လှလှပပ ပြိုကွဲနေသော တိမ်တိုက်များ၏ပြပွဲ။ မနက်ခင်းသည် မျက်ရည်များ၏ကြည်လင်မှုဖြစ်သလို သွေးစက်များ၏ စေးပျစ်မှုလည်းဖြစ်ပါသည်။
................................
....................................................
....................................................................
တံခါးကိုထုရိုက်သံများ။
...........
.................
အိမ်ခန်းအတွင်းပျံ့လွင့်နေသော piano တေးသွားမှာ Cannon in D ဖြစ်သည်။
...
..........
.................................
"တံခါးကိုဖျက်ကြဟေ့"
အခန်းတံခါးကို ဖြိုဖျက်၍၀င်ရောက်လာသော မီးသတ်သမားများနှင့် ရဲသားများနှင့် မှုခင်းကျွမ်းကျင်သူတစ်ယောက်။ ..........
အိပ်ခန်းအတွင်း သေဆုံးနေသောလူတစ်ယောက်။ ...........
"သေဆုံးနေခဲ့တာ သုံးရက်လောက်ကြာနေပြီ" (မှုခင်းကျွမ်းကျင်သူ၏မှတ်ချက်)။
ဝရံတာမှကော်ဖီခွက်။ (နည်းနည်းလေးနွေးနေသေး)
မနက်ခင်းမှာ အားလုံးရှိသည်။ (သေသူ၏နံဘေးတွင်တွေ့ရသော စာရွက်မှ စာသား)
ထိုအချိန်မှစ၍ ကြောင်ကလေးတစ်ကောင်ပျောက်ကွယ်သွားကြောင်း (ရဲအစီရင်ခံစာ)။ ။
Regards,
Zephyr
Notes:
http://www.youtube.com/watch?v=ABBzejbplVQ
Peace B with U.
