သူသည် လူသားတစ်ယောက်ဖြစ်သည်။ သို့သော်။

သူသည် လူသားတစ်ယောက်ဖြစ်သည်။ သို့သော်။

ကျွန်တော့်နာမည်ကို ဂျွန် လို့ခေါ်တယ်။ မနေ့တစ်နေ့ကတော့ ကျွန်တော့်ကို သူငယ်ချင်းတွေက တစ်မျိုးခေါ်လိုက်တာ ကြားတယ်။ ဒါပေမယ့် ကျွန်တော်ဟာ ဂျွန် ပဲဖြစ်ပါတယ်။ တစ်ခြား အမည်နာမနဲ့ ဘယ်သူမှ ဖြစ်ခွင့်မရှိတဲ့ လူသားတစ်ယောက်လည်းဖြစ်ပါတယ်။

ပတ်ဝန်းကျင်ကိုလေ့လာကြည့်တော့ သူတို့နဲ့ကျွန်တော်မတူဘူး။ ဘာလုို့မတူတာလဲ ..။ ကျွန်တော်မသိဘူး။ သေချာတာက ကျွန်တော့်ကြောင့်တော့ မဟုတ်ဘူးဆိုတာပဲ။

ဟယ်ရီပေါ်တားလို မွေးကတည်းက မိဘမဲ့ဖြစ်ခဲ့ရတာတွေထက် စာရင် ကျွန်တော်က ကံကောင်းတယ်လို့ပြောရမလား။ အဲဒီ ကံကောင်းခြင်းထဲမှာပဲ ကျွန်တော် မကြာခဏ တိတ်တိတ်လေး ငိုနေမိတတ်တယ်။ ကျွန်တော်တို့မြို့ရဲ့ အစွန်အဖျား၊ တောင်ကုန်းမြင့်လေးပေါ်က သစ်သားခုံတန်းလေးမှာထိုင်ရင်း ငိုနေမိတတ်တယ်။ ကောင်းကင်ကို ကြည့်ပြီး ကျွန်တော်ငိုနေတတ်တာ ဘယ်သူသိလို့လဲ။ ဘုရားသခင်ဆိုတဲ့ လူကြီးတော့ သိရင်သိမှာပေါ့။ ဒါလည်း သိပ်မသေချာပါဘူး။ သေချာရင် ကျွန်တော့်ကို သူဖန်ဆင်းခဲ့မှာမှ မဟုတ်တာ။ ခုလည်း သူဖန်ဆင်းတဲ့ထဲ ကျွန်တော်ပါပုံမရတာ သေချာသလောက်ပါပဲ။

အသက် ၇ နှစ်သား လူငယ်လေးတစ်ယောက်လည်း ကျိမ်စာသင့်တတ်သတဲ့လား။ ဘာလုို့ ကျွန်တော့်မှ လာဖြစ်နေရတာတဲ့လဲ ...။

လူတိုင်းမှာ မိဘရှိကြတယ်မဟုတ်လား။ မိဘဆိုတဲ့စကားလုံးကို ကျွန်တော် အလိုလို နာကျင် မုန်းတီးနေမိတယ်။ ဘာလုို့လဲ ဆိုတော့ မိဘဆိုတဲ့သူတွေရဲ့ အမှားအတွက် ကျွန်တော်ဟာ မနေချင်တဲ့လောကကို ရောက်လာတဲ့ ၀ဋ်ကောင်ပေါက်စလေး ဖြစ်နေလို့ပါပဲ။

ကျွန်တော့်မျက်ရည်တွေက အနီရောင်ဖြစ်တယ်။ သစ်ရွက်ခြောက်တွေရဲ့ အရောင်ဟာလည်း အနီရောင်ဖြစ်တယ်။ မိုးကုပ်စက်ဝိုင်းရဲ့အရောင်ကလည်း အနီရောင်ဖြစ်ပါပဲ ။ ဒါကြောင့် ထင်ပါရဲ့။ ဘုရားသခင် မရေးခဲ့တဲ့ ကျွန်တော့်ရဲ့ နေ့ရက်တွေဟာ အနီရောင်ဖြစ်နေခဲ့ တယ်။

ဂိုဂို ဆိုတဲု့ ကျွန်တော့်ရဲ့ ခွေးလေးကို အိတ်ထဲကထုတ်လိုက်တယ်။ သူဟာ ကျွန်တော်ရဲ့တစ်ဦတည်းသောမိတ်ဆွေပါ။ ၊ သူ့မှာအသက်မရှိဘူးလို့ အသက်ရှိတယ်လုို့ သူတုို့ကိုယ် သူတို့ထင်ပြီး ရှင်သန်နေထုိုင်မှု ဆိုတာ ဘာမှန်းမသိတဲ့ လူတွေက ပြောကြတယ်။ ဂိုဂို က အသက်မရှိပေမယ့် ပျော်နေတယ်။ ဒါကို သူတုို့မသိဘူး။ ကျွန်တော်ကတော့ အသက်ရှိပြီး ငိုနေရတယ်။ ဒါလည်း ဘယ်သူမှ မသိပါဘူး။

ကျွန်တော်ဟာ လူသားတစ်ယောက်ဆိုတာ သေချာပါတယ်။

ကျွန်တော်ဟာ အသက်ရှူတယ်။ ကိုယ်လက်အင်္ဂါပြည့်စုံတယ်။

ကျွန်တော့်ရဲ့ အသိဉာဏ်၊ ဦးနှောက် ကလည်း လူစဉ်မီပါတယ်။

ကျွန်တော့်ကိုယ်ထဲမှာ သွေးတွေရှိတယ်။ O+ ဖြစ်တယ်လုို့ ဆိုတယ်။

ကျွန်တော်ဟာ စာသင်လို့လည်း ရပါတယ်။

ကျွန်တော်ဟာ အစားအသောက် ချေးမများပါဘူး။

ကျွန်တော် ဂိုဂို့ကို ချစ်တယ်။ ကျွန်တော်သစ်ပင်တွေကိုချစ်တယ်။

နောက် ကျွန်တော်ဟာ ဂျွန်လို့ အမည်နာမရှိသူလည်း ဖြစ်ပါတယ်။

ကျွန်တော်အိမ်မပြန်ချင်ပါဘူး။

ကျွန်တော်အိမ်မပြန်ချင်တာကြာပါပြီ။ဒါဟာ လူကြီးတွေ ပြောပြောနေတဲ့ ရောဂါတစ်ခု လား။ အဲဒီအတွက် ကျွန်တော် ဆေးသောက်ရဦးမှာလား။

ကမ္ဘာကြီးမှာ ကျွန်တော်ဆက်မနေချင်တော့ဘူး။

ဂိုဂိုကိုဖက်ထားရင်း ကျွန်တော်ငိုနေမိတယ်။ ငိုတဲ့ကလေးတွေဟာ အချစ်မခံထိုက်ဘူးတဲ့။ (ဘယ်သူက ပြောခဲ့တာလဲ ကျွန်တော် မသိဘူး)။

ကျွန်တော့်ကို မချစ်ပါနဲ့။ ကျွန်တော့်ကို ငိုခွင့်ပဲပေးပါ။

ကျွန်တော်ဟာ စက်ရုပ်တစ်ရုပ်မဟုတ်ပါဘူးမေမေ။ ကျွန်တော့်ကို စမ်းသပ်တီထွင်ဖို့ ဘာလို့ကြိုးစားတာလဲ။

ကျွန်တော်ဟာ သဘာဝမကျဘူးတဲ့ဖေဖေ။ ကျွန်တော့်ရဲ့တောအုပ်လေးက ဘယ်ဆီမှာလဲ။

အာခေါင်ခြစ်အော်ဟစ်နေတဲ့ ကလေးတစ်ယောက်အတွက် ခေါင်းမာတဲ့ ကောင်းကင်ဟာ ပွင့်မထွက်မသွားဘူး။ နာရီကိုကြည့်တော့ ရှစ်နာရီထိုးပြီ။ ကျွန်တော် အိမ်မပြန်ချင်ဘူး။ ကျွန်တော်ငိုနေချင်တယ်။ ၇ နှစ်တိတိ ကျွန်တော်နေခဲ့ပြီးပြီ။ ဒီလောက်ဆို လုံလောက်ပြီလားလို့ ကျွန်တော့်မိဘလုို့ ဆိုတဲ့သူတွေကို ကျွန်တော်မေးချင်ပါတယ်။ ။

ရထားလေးတစ်စင်းထွက်ခွာသွားတယ်။ မှောင်စပြုနေတဲ့ကောင်းကင်က မိုးရွာချတော့မှာလား၊ မိုးချုပ်သွားမှာလား။ ( သေချာမသိနိုင်ဘူး)

ဘ၀မှာ ရသင့်သလောက်မရတာတွေကို ကျွန်တော် ဘယ်သူ့ကိုတောင်းဆိုရမလဲ။ ကျွန်တော့်ဘ၀ရဲ့ သာမန်ရှင်သန်ခွင့်လေးကို ဘယ်မှာတောင်းဆိုရမတဲ့လဲ။

ကျွန်တော့်ရဲ့အပြန်လမ်းဟာ ခြောက်သွေ့ရှည်လျားတဲ့မြွေတစ်ကောင်နဲ့တူနေတယ်။ ဒဏ်ရာထွန်ကြောင်းတစ်လျှောက် ပျိုးကြဲနေတဲ့ကလေးတစ်ယောက် မရိတ်သိမ်းဘဲ လက်ဗလာနဲ့ပြန်ရမယ့် ဇာတ်ဝင်ခန်းဟာ အထူးအဆန်းဖြစ်လွန်းနေခဲ့မလား။

ကောင်းကင်မှာ အိပ်တန်းပျံသွားတဲ့ ဗျိုင်း ၁၃ ကောင်ကို ကျွန်တော်တွေ့တယ်။

ကျွန်တော့်စိတ်ထဲမှာ ၁၃ ခါဒဏ်ရာရခဲ့တယ်။

ကျွန်တော့်ရှင်သန်မှုကို ၁၃ ခါနောင်တရတယ်။

ကျောင်းစာအုပ်ထဲမှာ ကျွန်တော့်နာမည်ရှိတယ်။

ဂျွန်။

ဒုတိယတန်းကျောင်းသား။

ကျွန်တော်ဟာ ကျွန်တော့်စိတ်ရဲ့ဝန်ထုပ်ဝန်ပိုးတစ်ခုပါ။

နှေးကွေးလေးလံတဲ့ခြေလှမ်းတွေနဲ့ မရောက်ချင်တဲ့ခရီးကို မရောက်အောင်သွားနေတဲ့ ကလေးတစ်ယောက်အတွက် ဘ၀ဟာ ဒီလောက်ပဲလား။

ဒီထက်ပိုပြီးပျော်ရွှင်စရာမရှိတော့ဘူးဆိုတာ ကျွန်တော်ပိုပြီးရိပ်မိလာသလို၊ ဒီထက်ပိုပြီး နာကျင်စရာခံစားချက်တွေရှိသထက် ရှိလာမယ်ဆိုတာကို ကျွန်တော်သေချာသိခဲ့ပါပြီ။

ဘုရားသခင်။ သင်ဟာ တရားမျှတမှုရှိသူမဟုတ်ဘူးလုို့ မဆီမဆိုင် စိတ်ထဲက ရေရွတ်လိုက်ပေမယ့် ကျွန်တော့် မျက်ရည်စီးကြောင်းက ရပ်တန့်မသွားနိုင်ဘူး။

ကမ္ဘာမြေပေါ်မှာ ကျွန်တော်ရပ်နေခဲ့တာရော ဟုတ်ရဲ့လား။ ကမ္ဘာမြေကို ကျွန်တော်ထမ်းထားရတာများလား။ လေးလံလိုက်တာ။ လေးလံလုိုက်တာ .. ။ လေးလံလုိုက်တာ ...

အမြဲတမ်းဖြတ်ကူးနေကျ မီးပွိုင့်လေးမှာ လူဖြတ်ကူးဖို့ အရုပ်လေးက နီရဲနေတယ်။ အမြန်မောင်းလမ်းမကြီးရဲ့ တ၀ီဝီကားတွေက ရှေ့ကနေဖြတ်သန်းသွားလာနေတယ်။

လမ်းဟာ ကားတွေ ဖြတ်သွားပေမယ့် ခံစားချက်မဲ့ စွာ လဲလျောင်းနေလျက်ပဲ ။ စိတ်အသိုးတွေနဲ့ ပေပေတေတေအိပ်နေသလိုမျိုး .....။ စိတ်ထဲမှာတွေးကြည့်တယ်။

ကျွန်တော့်အတွက်မဟုတ်တဲ့ ကမ္ဘာကြီးအကြောင်း .................။ ထိုက်တန်ပါရဲ့ လား ...

ကျောပိုးအိတ်ထဲက ဂိုဂိုကိုပြန်ထုတ်လိုက်တယ်။ ကျောပိုးအိတ်ကိုတော့ ကျွန်တော်လွှတ်ပစ်လိုက်တယ်။ ဂိုဂိုကို ကျစ်ကျစ်ပါအောင် ပိုက်ထားမိရင်းက ကျွန်တော့်မျက်ရည်တွေဟာ ဂိုဂို့ပေါ်

တပေါက်ပေါက် ကျဆင်းနေခဲ့တယ်။ တကယ်ဆုို ကျွန်တော်ဟာ ကန္တာရလေး သက်သက်ပါ။ ဘာလုို့များ မိုးတုတွေအဆက်မပြတ်ရွာအောင် စမ်းသပ် တီထွင်ခဲ့ကြတာတဲ့လဲ ...

..........နှုတ်ဆက်ခဲ့ပါတယ် ကမ္ဘာကြီး။ ကျွန်တော့်ကို တီထွင်ခဲ့တဲ့မိဘများ .၊ ပညာရှင်များ ........ သူငယ်ချင်းလုို့ သတ်မှတ်ချင်ပေမယ့် အခွင့်မရခဲ့တဲ့ သူများရဲ့ နောက်ပြောင်သံတွေနဲ့ဝေးရာ ......။ ကျွန်တော်ပြေးထွက်ခဲ့ပါပြီ။ အရှိန်နဲ့မောင်းဝင်လာမယ့် ကားတစ်စီးစီးဟာ ကျွန်တော့်ဘ၀ကို ပိတ်ပေးမယ့် ရီမုတ်ကွန်ထရိုးတစ်ခုပေါ့ ........................................။


.....................
....................................
.......................................................


လိင်တူ ချစ်သူ (gay) မိဘနှစ်ပါး မှ မွေးဖွားလာသော ဂျွန် ဆိုသော ကလေးတစ်ယောက် ကားတိုက်သေဆုံးသည့်သတင်းတစ်ပုဒ်ကို သူတုို့ ဆက်လက်မဖတ်ဖြစ်ခဲ့တော့ပါ။ အခေါက်လိုက်ကလေး ကျန်နေခဲ့သော ယနေ့ထုတ် သတင်းစာသည် မမြင်ရသော ကံကြမ္မာသွေးစက်များနှင့် အေးစက် ပိတ်လှောင်နေခဲ့သည်။ ။

Regards,
Zephyr

Notes:

လွန်ခဲ့တဲ့သုံးလကရေးဖြစ်တဲ့ အတိုလေး တစ်ပုဒ်ပါ။

အိုင်ဒီယာ Nov လမှာပါပါတယ်။

ဒီဇိုင်းဆွဲပေးတဲ့ ပြည်သစ်တည်ရဲ့လက်ရာကိုလည်း သဘောကျပါတယ်။ နောက်ပိုင်းခေတ်ရဲ့ ပြဿနာတစ်ခုကို အစထုတ်လာတဲ့သဘောပါ။ ဒီပြဿနာတွေကြောင့်ပဲ တစ်ချို့ပြည်နယ်တွေမှာ လိင်တူ လက်ထပ်ခွင့်ရှိပေမယ့် ကလေးမွေးစားခွင့်မပေးကြပါဘူး။ အခုလို Genetic engineering ထွန်းကားလာချိန်မှာ ပြဿနာအသစ်တွေထပ်ရှိလာတာကိုပဲ ရသရှုထောင့်ကရေးလိုက်ပါတယ်။ ကလေးတစ်ယောက်ရဲ့ စိတ်ပိုင်းဆိုင်ရာ အသင့်မဖြစ်ခင်မှာ ရနိုင်တဲ့ ဒဏ်ရာတစ်ခုအကြောင်းလို့ပဲဆိုပါတော့။ လိင်တူလက်ထပ်ခွင့်ကို လက်ခံနိုင်ရင်တောင် သူတို့တွေ သိပ္ပံပညာရဲ့အကူအညီနဲ့ ကလေးတစ်ယောက်ကို ကမ္ဘာကြီးထဲ ခေါ်လာဖို့ ကိုတော့ အခုအထိ လက်မခံနိုင်သေးပါဘူး။ တခြားတော့ ထွေထွေထူးထူး ဆန့်ကျင်ကန့်ကွက်တာမျိုးမရှိပါဘူး။ ဒီတစ်ခုကိုတော့ ကလေးတွေဘက်ကနေ တွေးကြည့်စေချင်တယ်။ ကလေးငယ်တွေရဲ့ဘ၀မှာ စိတ်ပိုင်းဆိုင်ရာ ဖိစီးမှုမဖြစ်အောင် အဖြေရှာနိုင်ရင်တော့ တကယ်ကောင်းပါလိမ့်မယ်။

Peace B with U.