အထက်ပါပုံကို ကလစ်ခေါက်ဖြစ်အောင်ခေါက်ပါ။
(မခေါက်သဖြင့် အိုင်လွယ်ပန် မိန်းမရသွားကြောင်း။ ခေါက်သွားသဖြင့် လင်းဒီပ အိပ်ရာထဲခွေနေသေးကြောင်း။
ခေါက်မလိုလိုနဲ့ မခေါက်တဲ့မဂျူ ကုလားပြည်တွင် ထီပေါက်သော်လည်း လက်မှတ်ပျောက်သွားကြောင်း။ နှစ်ခါတိတိခေါက်မိ၍ မယ်ကိုးကို သစ်ပင်က တရားပြန်စွဲကြောင်း။ မြန်မာပြည်ကနေ မျက်မှန်ကြီးဖြင့် ကလစ်ခေါက်သောကြောင့် ကိုရင်နော် အပြန် ကားခေါင်းခန်းတွင် သီလရှင်တစ်ပါးကျကျန်ရစ်သော ငါးထောင်တန်ကို အချောင်ရလိုက်ကြောင်း၊ တန်းတန်းမတ်မတ် ကလစ်ခေါက်သောကြောင့် ဆွိ အရပ်တစ်လက်မ ပိုရှည်လာကြောင်း၊ ကလစ်မခေါက်အားတဲ့အတွက် မဒါတစ်ယောက် သင်္ကြန် တရားစခန်းတွင် ခုနစ်ရက်လုံးရေမချိုးလိုက်ရကြောင်း၊ အချိန်မအားတဲ့ကြားက ကလစ်တစ်ချက်ခေါက်သွားသောကြောင့် မွေးသမိခင်ကြီး ဒီဇိုင်းများ အချိန်မီပြီးစီးသွားကြောင်း၊)
လူတိုင်းမကင်းနိုင်တာ ... ဆိုပြီး အစချီလိုက်ရင် အားလုံးက အချစ်ပဲ ဆိုတာကို ပြေးမြင်ကြတယ်။
အမှန်က အိမ်သာလည်းဖြစ်နိုင်သလို အကြွေးလည်းဖြစ်နိုင်တာပဲ။
ဘာလို့မကင်းနိုင်တာနဲ့ဆိုတာနဲ့ အချစ်ကိုပဲ ပြေးမြင်ကြမှန်းမတွေးတတ်ဘူး။
စတာပါ ....။
တကယ်ပြောချင်တာက တစ်ခုပါ။ ချစ်နေတာကို ဘယ်လိုမြင်ကြလဲမသိဘူး။
ကျွန်တော်ကတော့ ကိုယ့်ကိုယ်ကို သတ်သေမိတဲ့သူ အဖန်ငါးရာငါးကမ္ဘာကျသွားနဲ့တူတယ်လို့တွေးမိပါတယ်။
Performance art ကိုတစ်ခြားမီဒီယာတွေနဲ့ performance လုပ်ကြပါတယ်။ ပန်းချီတွေ၊ ပုလင်းတွေ၊ အိုးတွေ၊ ခွက်တွေ ... (တစ်ချို့ငတိကြီးတွေကြတော့ ယောကျာ်းကြီးတန်မဲ့ ပလတ်စတစ်ရင်ထိုးကြီးတွေနဲ့ ...။)
အခု ကျွန်တော်ကတော့ အဖန်ငါးရာ ငါးကမ္ဘာကို စာနဲ့ပဲ performance လုပ်ထားပါတယ်။
နောက်တော့ စာတွေကိုပဲ ဒီဇိုင်းထည့်ဖို့စိတ်ကူးရတာနဲ့ မလေးရောက် ဒီဇိုင်းဆရာ ပြီတီတီ...sorry .. ပြည်သစ်တည် ရဲ့လက်ရာနဲ့တွဲဖက်လိုက်ပါတယ်။
ကြံဖန်ဂုဏ်ယူချင်ရင်တော့ သက်ရှိမျိုးစိတ်တွေထဲမှာ လူဟာ ပလူပြီးရင် သတ်သေမှုအများဆုံး သတ္တ၀ါဖြစ်နိုင်တာကို ဂုဏ်ယူနိုင်ပါတယ်။ စကားစပ်မိလို့မေးရရင် မီးမတွေ့မီခေတ်က ပလူတွေ နေအထိ ပျံကြမလားဆိုတာကိုပါ ဆက်ပြီးစဉ်းစားကြည့်စေချင်ပါတယ်။
Notes:
အခုတလော စာရေးဖို့အချိန်မရှိဖြစ်နေပါတယ်။ ၀ယ်ထားတဲ့စာအုပ်တွေနဲ့ ငှားထားတဲ့စာအုပ်ပုံကြီးကို ဖြိုနေပါတယ်။ စာအုပ်မ၀ယ်တော့ဘူးလို့စိတ်ကူးထားပေမယ့် Borders ရောက်တိုင်း ၀ယ်စရာ သုံးလေးငါးအုပ် အမြဲတွေ့တွေ့နေပါတယ်။ ဒါနဲ့ပဲ ခေါက်ဆွဲသုံးလစားပြီးစုထားတဲ့ ပိုက်ဆံကို စာအုပ်ဝယ်လိုက်ပါတယ်။ မြန်မာပြည်မှာလည်း အမွေရထားတဲ့စာအုပ်တွေ သွားကြည့်ဖို့ အောက်တိုဘာလောက်ပြန်မယ်စိတ်ကူးနေပါပြီ။ အဆင်ပြေရင်ပန်းဆိုးတန်းမှာ စာအုပ် အဟောင်းဆိုင်လေးဖွင့်စားရင်း ပလာတာရောင်းဖြစ်မယ်ထင်ပါတယ်။ ညပိုင်းမှာတော့ ကလေးတွေကို စာသင်ပါမယ်။ လမ်းကြုံရင်ဝင်ခဲ့ကြပါ။ ပလာတာလေး လာစားရင်း စာအုပ်တွေ အားပေးသွားလို့ရပါတယ်။ ရှိပါတယ် စာအုပ်တော်တော်များများရှိပါတယ်။ ရှေးဟောင်းရှားပါးတွေလည်းရှိပါတယ်။ သင့်တော်သလို ဆောင်ရွက်ပေးပါမယ်။
Peace B with U.
