သံသရာ ၏ တည်နေရာနယ်နိမိတ်ကို ငါမသိခဲ့ ...
မျှော်လင့်ခဲ့သော ကျေးဇူးဆပ်တင်နိုင်ခွင့်ကို ငါသည်မရခဲ့ ...။
စိမ်းလန်းသော ကျက်စားရာ အရပ်သို့ .... ပေါ့ပါးသွားထွက်ခွာသွားသော ...
ဝိညာဉ် သည်လည်း ... ငါ့ကို ခြောက်သွေ့စွာကြေကွဲစေ၏
နံနက်ခင်းတွင်လင်းနေမြဲဖြစ်သော အလင်းရောင်တို့သည်ပင် .... ယခု အထိပြန်မတောက်ပကြ ...
တမ်းတမှု အကွဲစများနှင့် ပြည့် နှက်နေသော ... တစပြင်၌ ငါသည် ... ဆိတ်ဆိတ်ရပ်နေ၏ ...
စိုက်ပျိုးခဲ့သမျှ ... မရိတ်သိမ်းသွားသော ဥယျာဉ်မှုးသည် .... ငါတို့ကို လွမ်းဆွတ်နေမည်လား ....။
သိမ်မွေ့စွာထွက်ခွာသွားသော ထွက်သက်နောက်သို့ .... ငါသည် မျှော်ငေးနာကျင်နေ၏ ....
အတောင်တော် အရိပ်၌ ၀မ်းမြောက်နေလေခဲ့သလား ...။
မာယာမပါသော မိုးမုတ်သုန်တို့ ... တသွင်သွင် ရွာသွန်းနေလေသည်တကား ....။
ထွန်ကြောင်းများဖြင့် အက်ကွဲတုန်ခါနေသော ... သတိရခြင်းသည်သာ ငါ၏ အစားအစာ ဖြစ်လေ၏ ...
အကြိမ်ကြိမ် ဟစ်အော်သော်လည်း ... သွားနှင့်သူသည် မကြားလေတော့ပြီ ....။
ခက်ခဲခြင်းဂီတတို့ဖြင့် ... တိုးလျှိုးတောင်းပန်သော စောင်းကြိုးတို့သည် ... ပြတ်ခဲ့ပြီ ...
တစ်ဘ၀ခြားသွားသော ချောက်ကမ်းပါးသည်လည်း ... အသူတရာ မက နက်ခဲ့လေပြီ ....။
နေ့ဖြစ်စေ ... ညဖြစ်စေ ...
အစလည်းဖြစ်စေ ... အဆုံးလည်းဖြစ်စေ ....
ကံတရားသည်ပင် ... နာမည်တူမရှိခဲ့ ....
စီးဆင်းသွားသော ရေ အလျဉ်သည်လည်း ....ငါ့ကို ခေါ်ဆောင်မသွားခဲ့ .....။
ရေနည်းလှသောကြောင့်လည်း ... အသက်ရှူမ၀ခဲ့ ...
တောင်စွယ်၌ ကွယ်ခဲ့သောနေသည် ....
ငါ့စိတ်ကိုပင် သတ်လုပြီ ....။
... အမှောင်ထုသည် သိပ်သည်းနေလေ၏ ...
.... အမှောင်ထုသည် ....သိပ်သည်းနေလေ၏ ...
ကောင်းကင်သို့ ဆန့်မြောက်ထားသော လက်တံများကို ငြိမ်သက်စွာရုတ်သိမ်း၏ ....
... တန်ဖိုးဆိုသော အရာကို .... ခံစားနားလည်တတ်ခဲ့ချိန်တွင် ... ကန့်လန့်ကာတို့သည် ကျခဲ့လေပြီတကား ...။
နောင်တတရားသည် ငါ၏ မနိုင်ဝန်ဖြစ်ပေ၏ ...
သောကသည်သာ .... အငွေ့မပြန်နိုင်သော ၀န်ထုပ်ဖြစ်လေ၏ ....
ရိုးသားအေးချမ်းစွာ ...
လူတကာကို ယုံကြည်စွာ ...
နှိမ့်ချစွာ...
ချစ်ခင်စွာ...
ရိုင်းပင်းစွာ...
ကြင်နာစွာ...
တိတ်ဆိတ်စွာ...
နာခံစွာ ...
မြောက်မြားလှစွာသော ဂုဏ်ပုဒ်တို့ကို ငါရေရွတ်၏ ... မြည်တမ်း၏ ... ....
ဆူးလက်ချောင်းများဖြင့် ဖမ်းဆီးခံထားရသော ပန်းပွင့်ကဲ့သို့
နှလုံးသွင်းမှားလှစွာသော ငါ့စိတ်သည် ...
နာကျင်စွာ .... ခံစားချက်များ ယိုစီး၏ ....
အမိမဲ့ နေ့ရက်များသည် .. အနာဖေးမတက်နိုင်သော အနာများကဲ့သို့ . ရပ်စောင့်နေလေသည်တကား ...။
အေးချမ်းသော ဘုံဘ၀ ၌ ပိုမိုအေးချမ်းပါစေ ...
အေးချမ်းသော ဘုံဘ၀ ၌ ပိုမိုအေးချမ်းပါစေ ...
အေးချမ်းသော ဘုံဘ၀ ၌ ပိုမိုအေးချမ်းပါစေ ...
Dedicated to my Mom, ... who was passed away last six months ago ...
Peace B with U.
