သူမအတန်ငယ် တိတ်ဆိတ်သွားသည်။
သူ့ဘယ်ဘက်မျက်ဝန်းမှ စီးကျလာသော မျက်ရည်စီးကြောင်းသည် ပါးပြင် အလယ်ခေါင်တည့်တည့်တွင် ရပ်တန့်နေသည်။ သူမအသက်ပြင်းပြင်းတစ်ချက်ရှူရင်း .. မျက်ရည်စီးကြောင်းကို တစ်ရှူးစတစ်ခုဖြင့် ခပ်ကြမ်းကြမ်းသုတ်ပစ်လိုက်သည်။ အရာအားလုံးသည် တိကျသော ကျိန်စာတစ်ခုအောက်မှာ ဖြစ်တည်ပျက်နေရသလို ဖြစ်နေသည်။ သူမအဆင်ပြေရဲ့လား ကျွန်တော်စောင့်ကြည့်နေမိသည်။ လက်ကောက်ဝတ်မှုသွေးတိုးသံပြန်လည်ကြားနေရလောက်အောင် တိတ်ဆိတ်နေသည်ဟု ခံစားရသည်။ သူမရော ဘယ်လို ခံစားနေရသလဲ ....။ တိတ်ဆိတ်ခြင်းဟာ ငိုနေတဲ့သူတစ်ယောက်ရဲ့ရှေ့မှာ ပိုပြီးကြာမြင့်တတ်သလား ....။
တိတ်ဆိတ်ခြင်းကို တွန်းတိုက်ထွက်ပေါ်လာတဲ့သူမစကားလုံးတွေကို ကျွန်တော်အာရုံစိုက်ပြီးနားထောင်လိုက်မိသည်။ ...
အရူးဟာ ကောက်ရိုးနဲ့ နှလုံးသားတစ်ခု လုပ်ထားနိုင်ခဲ့လား ...........။
ဒါဟာ သူ့အတွက် ကျိန်စာလား .....။
သူမ အသံတိုးဖျော့နာကျင်နေသည်။ ..
အဲဒီမေးခွန်းကို ကျွန်တော်ဖြေရမှာလား။ ဖြေဆိုချိန်ကရောဘယ်နှမိနစ်ခန့်လဲ။ ....အရူး ...... အဲဒီအရူးကို စိတ်ထဲမှာမြင်လာရတယ် ....။ အရူးဟာ ခံစားတတ်တဲ့စိတ်နဲ့ ... အာရုံတွေကို စုစည်းသိမ်းဆည်းတယ်။ အရူးဟာ ပန်းပွင့်လေးတွေကို လေပြင်းတိုက်မှာစိုးလို့ ... သိမ်းဆည်းထားတတ်တယ်။ အရူးဟာ ... ကန့်လန့်ကာနောက်ကွယ်မှာနေပြီး ... ဒဏ်ရာတွေကို အကုန်စုသိမ်းထားတယ်။ အရူးဟာ ...ဖြစ်နိုင်ရင် သောကတွေကိုတောင် ဥယျာဉ်တစ်ခု စိုက်ပျိုးလိုက်ချင်ခဲ့တာ .........။ အရူးဟာ .. အမြဲတမ်းပြုံးနေပြီး ... သူချစ်တာတွေအတွက် ... အမြဲတမ်း ဂုဏ်ယူနေတတ်တာ ....။အရူးဟာ ......။
တစ်ခါတစ်လေ ပန်းဝင်မှရလိုက်တဲ့ ကျိန်စာကို မင်းသိပါတယ် ....။ သိပ်လိုချင်ခဲ့တာတွေရသွားတဲ့အခါ ပျော်ရွှင်ရမယ်လို့ မင်းထင်သလို ငါလည်းထင်ခဲ့တယ်။ အရူးလည်းထင်ခဲ့တယ်။ ... ကိုယ့်အမှားအတွက် တန်ရာတန်ကြေး ပြန်လည်ပေးဆပ်ရတဲ့အခါ ဈေးမဆစ်ကြေးပေါ့..... ငါယုံကြည်တာတော့ အရူးလည်း သူ့ရဲ့ စိတ်ကို သူသိမှာပါ ...။သူ့ဒဏ်ရာကို သူသိပါတယ် ....။ သူနေပြန်ကောင်းလာတဲ့အချိန်မှာ ... နှလုံးသားမလိုအပ်တော့တဲ့ခေတ်ရောက်နေမှာပါ ....။ မင်းဒါကို နားလည်ပါလိမ့်မယ်။
ဒုတိယမြောက်အကြိမ်စီးဆင်းလာသာ မျက်ရည်စီးကြောင်းတစ်ခု ...........။ သူမပါးပြင်အလယ်မှာရပ်တန့်မနေတော့ဘဲ နှုတ်ခမ်းဘေးမှတစ်ဆင့် မေးစေ့ဖျားဆီသို့ ဆက်လက်စီးဆင်းလာသည်။ သူမကို ကြည့်နေရသည်မှာ ချက်ချင်းသွေးဆုတ်ဖြူရော်သွားသော လူမမာတစ်ယောက်နှင့်တူနေသည်။ ... .... ဒီတစ်ခါတော့ သူမ မျက်ရည်များကို ခပ်ကြမ်းကြမ်းမသုတ်ပစ်တော့ပါ။ ကြေကွဲနာကျင်နေသော မျက်လုံးများ ... တဖျပ်ဖျပ် စိုလက်နေသည်။ မျက်ရည်များဖြင့်တောက်ပသော ကြယ်နှစ်စင်းသည် အတိတ်မှ အလင်းပြန်မှုများအတွက် ခါးသက်နေသည်။
ရှင် အရူးနဲ့တွေ့ခဲ့တယ်မလား .......။
နောက်စာမျက်နှာတွေဆက်ဖတ်ကြည့်လိုက်ပါ ...။ တစ်ချို့မေးခွန်းတွေကို ငါမဖြေချင်ဘူး။
ကြယ်တစ်စင်းသည် သင့်ကို သတိရနေပါလိမ့်မည်။
ထိုစကားသည် အရူးစကားဖြစ်၍ မှန်ကန်နိုင်ပါသည်။
သင်သည် ခရီးသွားနေသောကြောင့် ကောင်းကင်ကိုကြည့်ပါသည် ...
အမှောင်ထုများကြားမှ အနက်ရောင်ကြယ်တစ်စင်း ကို သင်တွေ့နိုင်မည်မဟုတ်ပါ။
သင်မော့ကြည့်လိုက်သည်ကို သိရုံမျှဖြင့် ကြယ်တစ်စင်းသည် လက်ခနဲကြွေရန် အသင့်ဖြစ်နေခဲ့သည်။
အရူး ။ ။ သူငယ်လေး ဘာလို့ပြုံးတာလဲ။ လောကကြီးဟာ ရယ်စရာမကောင်းဘူးကွ။
သူငယ်လေး ။ ။ သောကတွေ တယုတယမွေးမြူပြီး ကြီးပြင်းလာတဲ့သောကတွေနဲ့ ရူးနေတဲ့လူတွေကို မြင်တိုင်း ပြုံးမိတယ် ....။
အရူး ။ ။ အလေ့ကျပေါက်ရောက်တဲ့သောကတွေပါ ....။
သူငယ်လေး ။ ။ ဒီလိုအလေ့ကျပေါက်ရောက်ဖို့ ဘယ်သူက ရင်ဘတ်ထဲက စိုက်ခင်းကို သော့ဖွင့်ပေးခဲ့တာလဲ .....။
နေမင်း။ ။ မင်းက ဘာလို့ရူးနေတာလဲ။
အရူး။ ။ တစ်မျိုးစီမကလောင်ကျွမ်းနေတာပါ ... မရူးပါဘူး။
နေမင်း။ ။ မရူးဘူးဆိုတာ သေချာရဲ့လား။
အရူး။ ။ သေချာတယ်ဆိုတာ ဘာလဲ ....။ ဘယ်သူတွေက သေချာခဲ့ကြဖူးလဲ ....။
အရူး။ ။ ပျော်ရွှင်မှု ... သင်ဟာ ဘာလဲ။
ပျော်ရွှင်မှု။ ။ ငါဟာမရှိခြင်းပဲ။
အရူး။ ။ ဘယ်လိုမရှိခြင်းလဲ။
ပျော်ရွှင်မှု။ ။ ခံစားချက်တွေ မရှိခြင်းပဲ။ ခံစားချက်တွေ လက်ခံမထားတဲ့အခါ ခံစားချက်လက်ကျန်မရှိတဲ့ အခိုက်အတန့်ဟာ ပျော်ရွှင်မှုပဲ။
အမှောင်။ ။ မင်းစိတ်ထဲက အမှောင်တွေကိုတွေ့လား။
အရူး။ ။ အမှောင်ဆိုတာမရှိဘူး။
အမှောင်။ ။ စိတ်ထဲမှာ ဖုံးကွယ်ထားတဲ့အပိုင်းဟာ အမှောင်ပဲ။
အရူး။ ။ မဟုတ်ဘူး။ ဖုံးကွယ်ထားတာမဟုတ်ဘူး။ သစ်စေ့တစ်ခုကို စိုက်ပျိုးဖို့မြေထဲမြုပ်လိုက်တဲ့စိုက်ပျိုးခြင်းပါ။
အမှောင်။ ။ သစ်သီးတွေ သီးပွင့်လာတဲ့အခါမှ ... ဆုံးဖြတ်ကြသေးတာပေါ့။
ကြယ်တစ်စင်းသည် သင့်ကို သတိရနေပါလိမ့်မည်။
ထိုစကားသည် အရူးစကားဖြစ်၍ မှန်ကန်နိုင်ပါသည်။
သင်သည် ခရီးသွားနေသောကြောင့် ကောင်းကင်ကိုကြည့်ပါသည် ...
အမှောင်ထုများကြားမှ အနက်ရောင်ကြယ်တစ်စင်း ကို သင်တွေ့နိုင်မည်မဟုတ်ပါ။
သင်မော့ကြည့်လိုက်သည်ကို သိရုံမျှဖြင့် ကြယ်တစ်စင်းသည် လက်ခနဲကြွေရန် အသင့်ဖြစ်နေခဲ့သည်။
ထိုစကားများသည် ကြယ်တစ်စင်း၏စကားများဖြစ်သောကြောင့် ကောင်းကင်ဘာသာဗေဓ တတ်မြောက်သောနှလုံးသားတစ်ခုမှ တစ်ဆင့်သာ ကြားနိုင်ပါလိမ့်မည်။
ခင်မင်စွာဖြင့်
Zephyr
Peace B with U.
