အိုဘာမားလာတယ်။ ပြန်သွားတယ်။ အပိုင်း (၇)
What kind of country do we wanna be?
What kind of country do we wanna leave to our kids
ဒီမေးခွန်းကို အိုဘားမားက သူ့ရဲ့ မိန့်ခွန်းတစ်ခုမှာပြောခဲ့ပါတယ်။ အခွန်တွေ ဆက်လျှော့ပေးဖို့ ကိစ္စနဲ့ပတ်သက်ပြီးပြောတဲ့ မိန့်ခွန်းပါ။ သူပြောတာတွေထဲမှာ ဒီတစ်ခုက ရင်ကို ထိမှန်တယ်လို့ပြောရမယ်ထင်ပါတယ်။ ကိုယ့်နိုင်ငံကိုဘယ်လို နိုင်ငံဖြစ်စေချင်လဲ။ ကိုယ့်ကလေးတွေအတွက် ဘယ်လို နိုင်ငံမျိုးဖြစ်အောင် ကြိုးစားပေးသွားကြမလဲ ဆိုတာ အင်မတန် သင့်လျော်တဲ့ မေးခွန်းဖြစ်တယ်လို့ ခံစားရပါတယ်။ နိုင်ငံတစ်နိုင်ငံဟာ အတက်အကျတွေရှိမှာပါပဲ။ အောင်မြင်မှု၊ ရှုံးနိမ့်မှုတွေ၊ သဘာဝဘေးတွေ နဲ့ မမျှော်လင့်ထားတဲ့တွင်းထွက်သယံဇာတတွေ၊ ဒါတွေကိုကြုံတွေ့ရ၊ ခံစား/စံစားရမှာပါပဲ။ အဲဒီအချိန်တွေမှာ တိုင်းသူပြည်သားရော၊ အုပ်ချုပ်သူတွေပါ အတူတူကြုံကြရမှာ။ အဲဒါကို ကျနော်တို့သတိထားရလိမ့်မယ်ထင်တယ်။
ပြီးခဲ့တဲ့ရက်အနည်းငယ်ကပဲ semi-government လုပ်ငန်းတွေနဲ့ပတ်သက်ပြီး facebook မှာနည်းနည်းရေးဖြစ်တယ်။ အန်ကယ်ငြိမ်း (ငြိမ်းအေးအိမ်)ရဲ့ status တစ်ခုကိုဖတ်ရင်း ဦးပိုင် ရဲ့လုပ်ရပ်တွေအကြောင်းနည်းနည်းသုံးသပ်ဖြစ်ပါတယ်။ ကျနော့်အမြင်အရတော့ ဦးပိုင်စီးပွားရေးလုပ်တာဟာ အာရှနိုင်ငံတွေမှာတော့ ထူးမခြားနား ပြဇာတ်တစ်ခုလို့ပဲထင်ပါတယ်။ အခုလို လူမုန်းပိုများလာတာကတော့ ပြည်သူတွေ အဆင်မပြေချိန်မှာ၊ သိသိသာသာကြီး ကိုယ်ကျိုးရှာနေတာကြောင့်လို့ပဲထင်တယ်။ semi-government လုပ်ငန်းတွေနဲ့ အစိုးရနဲ့ဟာ ကျွန်းကိုင်းမီ၊ ကိုင်းကျွန်းမီပါပဲ။ စီးပွားရေးအရ ပူပေါင်းပြီး လုပ်တာဟာ သိပ်ပြောစရာမဖြစ်ဘူး။ စီးပွားဖက်ကနေ အာဏာဖက်ဖြစ်လာတဲ့အခါမှာ လူမုန်းများသွားတတ်တယ်။ အစိုးရရုံးတွေလို လူများများကို အလုပ်သိပ်မရှိဘဲ ခန့်ထားတာမျိုးမှာ ကောင်းတာရော ဆိုးတာပါရှိတဲ့အတွက်၊ semi-government တွေက အစိုးရရဲ့ ဝန်ထုပ်တစ်ချို့ကို ကူသယ်ပေးနိုင်ရင် နှစ်ဦးနှစ်ဖက် အကျိုးများတာပါပဲ။
ကွေ့ရှောင်ပြီးသွားလို့မရတဲ့ပြဿနာကို တည့်တည့်ရင်ဆိုင်နိုင်ဖို့လိုတယ်လို့ထင်တယ်။ အကောင်းဆုံးတွေကို မျှော်လင့်ပြီး တစ်ခုမှ ဖြစ်မလာရင် ပိုခံစားရလိမ့်မယ်။ ဘီလူးကို ပူးသတ်တာမျိုးကြတော့လည်း မသင့်တော်ဘူးလို့မြင်တယ်။
Bottom Billion စာအုပ်မှာ Trade Policy နဲ့ပတ်သက်ပြီးတစ်ခန်းပါတယ်။ ကျနော်ရေးရမှာပျင်းပြီး ဆက်မရေးဖြစ်လိုက်ပေမယ့် အဲဒီတစ်ခုက တော်တော်လေးကောင်းတယ်။ အာဖရိက နိုင်ငံတွေ မွဲရခြင်းအကြောင်းများဟာ ကျနော်တို့နဲ့သိပ်ဆင်တူတယ်လို့ပြောနိုင်တယ်။ ဦးပိုင် ကိစ္စကနေ semi-government တွေဆီကို ရောက်သွားရာကနေ အာဖရိကဘက်ကိုပါ နည်းနည်းပတ်ပြီးကြည့်လိုက်ကြတာပေါ့။ ဘာမှမဆိုင်ဘူးလို့မပြောကြပါနဲ့။ ဆိုင်တာတွေရှိတယ်။ အခုလို ဦးပိုင်လို ကမ်ပနီတွေ အောင်မြင်နေတာဟာ ပြိုင်ဘက်မရှိလို့ဆိုတဲ့အချက်ပါတယ်။ အစိုးရအုပ်ချုပ်မှု ဖျင်းတဲ့နိုင်ငံတွေမှာ အကုန်လုံးဒီလိုပဲ။ Trade policy က မမျှတဘူး။ ကိုယ့်လူကို ကာကွယ်လွန်းတယ်။ ပြိုင်ဖက်ကင်းဖြစ်အောင် မထားတယ်။ အမျိုးသားအကျိုးစီးပွားကို ကာကွယ်သလိုလိုနဲ့ ကိုယ့်အတွင်းစည်းကလူနဲ့ ကိုယ့်ကို ပူဇော်ပသတဲ့သူကိုပဲ ကာကွယ်ပေးတယ်။ ပြိုင်ဖက်မရှိတိုးတက်အောင်ဖေးမတယ်။ စောင့်ရှောက်တယ်။ စောင်မတယ်။ မှိုင်းမကူညီတော်မူတယ်။ အဲဒီကိစ္စတွေကို မြန်မာပြည်က ပညာတတ်များလည်း သိကြပါတယ်။ ဒေါ်စုကိုယ်တိုင်လည်း အပြင်ထွက်ပြီး စီးပွားရေးလုပ်ငန်းရှင်တွေကို ပြောတုန်းက Democracy-friendly ဖြစ်တာတွေလုပ်ဖို့ အပြင်ကလူတွေကိုတော့ ဆုံးမတော်မူခဲ့ပါသေးတယ်။ အတွင်းကလူတွေကိုတော့ တရားဦးမဟောရသေးဘူးနဲ့တူပါရဲ့။ ဒါကြောင့် ကျွတ်တမ်းမဝင်သေးဟန်တူတယ်လို့ ကျနော်ထင်မိတယ်။
အဲဒီ ကူးသန်းရောင်းဝယ်ရေး မူဝါဒတွေကို မကြပ်မတ်နိုင်ရင်တော့ ခရိုနီ၊ခရိုပြာ၊ခရိုစိမ်းတွေ အောင်မြင်ကြတာပဲ။ အဲဒီကိစ္စတွေကို မသိဘဲ ဝင်ဝင်ပါတဲ့ အန်ဂျီအိုတွေနဲ့ ချယ်ရတီတွေကိုကြတော့ useful idiots campaign လုပ်ကြတယ်ဆိုပြီးဖြစ်ပြန်ရော။ useful idiots ဆိုတာတော့ ကောင်းတယ်ထင်တာကို ဆော်သြသော်လည်း သူတို့ကိုယ်တိုင် ကောင်းတယ်ထင်သာထင်တယ်၊ တကယ်ရော ကောင်းရဲ့လား၊ လက်တွေ့ကျရဲ့လား မသေချာတဲ့လူစုကိုခေါ်တယ်လို့ အကြမ်းဖျင်းဆိုနိုင်တယ်။ ကျနော်လည်း အဲဒီထဲမှာပါလောက်တယ်။ ကောင်းမယ်ထင်သော်လည်း လက်တွေ့မကျတာတွေ ခဏခဏရေးဖြစ်တယ်ထင်တယ်။
(Bottom Billion အပိုင်း ၁ ကနေ ၅ ကိုတော့ ဒီမှာသွားဖတ်နိုင်ပါတယ်။
1.http://www.z-thegardener.com/2009/12/bottom-billion.html
2.http://www.z-thegardener.com/2009/12/bottom-billion_29.html
3.http://www.z-thegardener.com/2010/01/bottom-billion.html
4.http://www.z-thegardener.com/2010/02/bottom-billion.html
5.http://www.z-thegardener.com/2010/03/bottom-billion.html)
EI (Emotional Intelligence) ဆိုတဲ့ Daniel Goleman ရဲ့ စာအုပ်အစမှာ ဒေါသထွက်ပုံထွက်နည်းနဲ့ပတ်သက်ပြီး အရစ္စတိုတယ်ရဲ့ ဆောင်ပုဒ်လေးတစ်ခုရေးထားပါတယ်။ စိတ်ဝင်စားစရာကောင်းပါတယ်။ စိတ်ကြီး၊ကောက်ရိုးမီး မျိုးချစ်စိတ် တစ်ချက်တစ်ချက် ထထတောက်တတ်တဲ့ လူမျိုးတွေများတဲ့နိုင်ငံတစ်ခုအတွက်တော့ အသုံးဝင်နိုင်တယ်။
Anybody can become angry - that is easy, but to be angry with the right person and to the right degree and at the right time and for the right purpose, and in the right way - that is not within everybody's power and is not easy.Aristotle
မှန်ပါပေ့လို့တောင် ရေရွတ်မိတယ်။ ဒီမိုကရေစီထွန်းကားမယ့်နေရာတွေမှာက ဒီလို ပညာရှင်တွေ လမ်းခင်းသွားပြီး၊ အဲဒီလမ်းအတိုင်းလျှောက်သွားခဲ့ကြတာပဲ။
လူတိုင်း လမ်းလျှောက်ထွက်နိုင်တယ်။ ဒါက သိပ်လွယ်တယ်။ ဘယ်သူ့ကို ရည်ရွယ်ပြီးလျှောက်မှာလဲ။ ဘယ်လောက်လျှောက်မှာလဲ။ ဘယ်အချိန်လျှောက်ပြီး၊ ဘာရည်ရွယ်ချက်ထားမှာလဲဆိုတာက ခက်တယ်။ လူတိုင်းတတ်နိုင်မှာမဟုတ်ဘူး။ ဒါကမလွယ်ဘူး လို့ နည်းနည်းလေး ရွှေ့တွေးကြည့်နိုင်တယ်။
ဒေါသကြောင့်ဖြစ်ဖြစ်၊ ဆန္ဒကြောင့်ဖြစ်ဖြစ် အကောင်အထည်ဖော်လိုက်တဲ့ အပြုအမူဟာ သတိပါဖို့၊ ဥာဏ်ပါဖို့ ခက်တယ်လို့ အကြမ်းဖျင်းနားလည်မိတယ်။ ကိုယ်ထမင်းမငတ်ဖူးလို့၊ ငတ်တဲ့သူတွေကို မစာနာတာမျိုးမဟုတ်ဘူး။ ပိုငတ်သွားမှာ စိုးရိမ်တဲ့သဘောပဲ။ ပိုဒုက္ခရောက်သွားမှာစိုးရိမ်တယ်။ ဥပေက္ခာလည်းမထားနိုင်သေးဘူး။ ဒါတွေက ကိုယ့်အမျိုးတွေ။ ကိုယ့်အမျိုးတွေ ကြီးပွားစေချင်တယ်။ အနှိမ်ခံ၊ အနှိပ်စက်ခံ၊ အနိုင်ကျင့်ခံဘဝက လွတ်စေချင်တယ်။ ၁၉၄၈ မှာ လွတ်လပ်ရေးရတယ်။ အခုအထိ ကျွန် ဆက်ဖြစ်နေသေးရင်တော့ ဟန်မကျဘူး။ အဖိနှိပ်ခံဘဝဟာ ကျွန်ဘဝပဲ။ မကြောက်တရားတွေဟောသော်လည်း မွဲနေရင်တော့ သား၊သမီးနောင်ရေးအတွက် ကြောက်ရတာပဲ။ ကျန်းမာရေးအတွက် ကြောက်ရတာပဲ။ အနာဂတ်ရဲ့သွားစွယ်ကြီးကိုကြောက်ရတာပဲ။ အခြေခံစားဝတ်နေရေးပြေလည်လာရင် အကြောက်တရား နည်းနည်းလျော့သွားမယ်။ ပညာတတ်လာရင် မဆီလျော်တဲ့၊ယုတ္တိမတန်တဲ့ကိစ္စတွေကို အကြောက်ပိုနည်းသွားမယ်။ ရှင်ဘုရင်လည်းကြောက်၊ ဖော်လံဖားလည်းကြောက်ရတဲ့ဘဝ၊ မြင်ထိန်းလည်းကြောက်ရ၊ ဆင်ချေးကျုံးလည်းကြောက်ရ ဘဝက လွတ်မယ်။ အကြောက်တရားက အမျိုးသုံးထောင်ကျော်တော့ နည်းနည်းချင်းပဲ လျော့လိမ့်မယ်။ တခါတည်း မကြောက်တော့ဖို့တော့မလွယ်ဘူး။ ကိလေသာရှိတဲ့သူတိုင်း တစ်ခုမဟုတ် တစ်ခုကိုကြောက်တယ်။ ဒီဂရီပဲကွာတယ်။ နည်းနည်းကြောက်နဲ့ များများကြောက်ပဲ။
အခြေခံပညာရေးကောင်းဖို့နဲ့ စားဝတ်နေရေး ပြည့်စုံဖို့ကို သေချာလုပ်ရမယ်။ ဆင်းရဲတဲ့သူတွေမှာ ကလေးတွေ အများကြီး မမွေးဖို့၊ နည်းနည်းမွေးပြီး ကောင်းကောင်းစောင့်ရှောက်တတ်ဖို့တွေ လုပ်ရဦးမယ်။ အသက် ၇၀၊၈၀တွေကို နားနားနေနေနေနိုင်ဖို့၊ အသိုင်းအဝိုင်းက ပြန်စောင့်ရှောက်ဖို့တွေလည်း လုပ်ရဦးမယ်။ ကိုယ့်အသိုင်းအဝိုင်းကို ကိုယ်ပြန်ကြည့်တတ်တဲ့ လူငယ်တွေဖြစ်အောင် လေ့ကျင့်ပေးရဦးမယ်။ ဟီရိနဲ့သြတ္တပ္ပ နဲ့နေခဲ့ကြတဲ့ ရှေးက ဘိုးဘေးတွေရဲ့ အကျင့်သိက္ခာနဲ့ ဂုဏ်အသရေကို ပြန်လည် တည်ဆောက်ရမယ်။ ငါတို့ အမျိုးတွေဟာ မကောင်းမှုကို ရှက်ကြောက်၊ မတရားမှုကို ရှက်ကြောက်တဲ့လူမျိုး၊ မြေနိမ့်ကို လှံမစိုက်တဲ့သူမျိုး၊ မတရားသဖြင့်ရတဲ့ အခွင့်အရေးကို ယူရမှာရှက်တဲ့သူ၊ကြောက်တဲ့သူမျိုး ဆိုတာတွေကို ပြန်သင်ပေးရမယ်။ အခုက အဲဒီတန်ဖိုးတွေပါပျောက်သွားတာ။ အချောင်သမားများလာတယ်။ မသိတာကို သိဟန်ဆောင်တဲ့သူ သိပ်များလာတယ်။ ကိုယ့်ကိုယ်ကို အထင်ကြီးတဲ့သူသိပ်များလာတယ်။ နှိမ့်ချတဲ့စိတ်နဲ့ ရိုးဂုဏ်ကို တန်ဖိုးမထားကြတော့ဘူး။ လည်သလို လုပ်စားရတဲ့သူ များလာတယ်။ လူများစု မကောင်းရင်တော့ စနစ်ပြန်ကောင်းလာဖို့ သိပ်ခက်တယ်။ အခုမကောင်းသေးသော်လည်း ကောင်းချင်စိတ်ရှိသေးရင်တော့ အောင်မြင်နိုင်တယ်။ ကောင်းချင်စိတ်၊ပြုပြင်ချင်စိတ် မရှိတော့တဲ့သူများလာရင်တော့ ဒုက္ခများတော့တာပဲ။
နိုင်ငံတစ်နိုင်ငံကြီးပွားလာဖို့မှာ ရှိနေတဲ့ လူသားရင်းမြစ်ကို ပြည့်ပြည့်ဝဝ အသုံးပြုနိုင်ဖို့က သိပ်အရေးကြီးတယ်လို့ထင်တယ်။ အလုပ်အကိုင်အခွင့်အလမ်းနည်းအောင် စနစ်တကျပိတ်ဆို့ထားတဲ့ ကိုယ့်လည်ပင်းကိုယ်ညှစ်တဲ့ ပေါ်လစီတွေကို မပြင်သေးဘဲ sanction တွေကိုလက်ညှိုးထိုးနေရာက sanction လျှော့လာတဲ့အခါမှာ လက်ညျိုးထိုးစရာပျောက်သွားပြီး ဒုက္ခရောက်လာတော့ လူမျိုးရေးပြဿနာ၊ပြည်တွင်းစစ်လေးတွေနဲ့ ကုလားဖန်ထိုးနေတယ်လို့ပဲ တစ်ခါတစ်ခါထင်တယ်။ နောက်ကခိုင်းတဲ့သူကတော့ မသေဘူး။ သူတို့မိသားစုက တစ်သက်လုံးဇိမ်နဲ့နေရပေမယ့်၊ ရှေ့တန်းထွက်ရတဲ့မိသားစုကတော့ ရင်တမမပဲ။ စစ်ဆိုတာ ဖြစ်ရင် အသေအပျောက်ရှိမှာပဲ။ သူ့ဆန်စားပြီးရဲရတယ်ဆိုပေမယ့်၊ ဆန်ကလည်း ခိုးထားတဲ့ဆန်ဖြစ်တယ်။ ပိုင်ရှင်အစစ်ကိုလည်း ဆန်သူခိုးက ပြန်သတ်ခိုင်းနေတာလည်းရှိမယ်။ ဆန်သူခိုးရဲ့ဆန်ကို စားနေရသော်လည်း ဦးနှောက်ကိုသုံးခွင့်ရရင်ကောင်းတယ်။ လူဖြစ်ပြီး ဆင်ခြင်ဥာဏ်ကိုမသုံးရဘူးဆိုရင် လူ့အဖြစ်ရဲ့ မြင့်မြတ်မှုကို ပယ်စွန့်လိုက်တာပဲ။
မီးလောင်တဲ့အခါမှာ တန်ဖိုးရှိတာလေးယူပြီး လွတ်ရာကျွတ်ရာကို တရှိန်ထိုးပြေးရသလိုပဲ၊ တိုင်းပြည်ကြီးပွားဖို့ကြိုးစားတဲ့အခါမှာ အဓိကနဲ့သာမညကိုခွဲပြီး မီးလောင်နေတဲ့ အခြေအနေကို စွန့်ခွာနိုင်ဖို့ကိစ္စကို အရင်ဆုံးကြိုးစားရမယ်။ မီးလောင်နေတဲ့တိုက်ထဲက အရင်မလွတ်သေးခင်၊ စကားများ၊ခိုက်ရန်ဖြစ်နေရင် နှစ်ယောက်စလုံး မီးထဲမှာပဲသေဖို့ရှိတယ်။ နိုင်ငံက မွဲနေတာ။ ဖွံဖြိုးဆဲမဟုတ်ဘူး။ နောက်ကျနေတာ။ အောက်ကျ နောက်ကျဖြစ်နေတာ။ ချွတ်ခြုံကျနေတာ။ မီးလောင်နေတာ။ မီးလောင်နေတဲ့အထဲ မီးလောင်ဗုံးပစ်နေတော့ရော ဘာထူးသွားသလဲ။ သေသွားမှာလည်း အမျိုးတွေပဲ။ အိမ်ကြက်ချင်း၊ ယူနီဖောင်းလဲပြီးခွပ်တော့ သင်္ကန်းလည်းမီးလောင်၊ ယူနီဖောင်းလည်း ကျက်သရေယုတ်၊ အမုန်းတွေကို ထပ်ရှို့နေလို့ နိုင်ငံက တိုးတက်လာစရာမရှိဘူး။ အမုန်းတွေကို ခဏရပ်ပြီး မီးလောင်နေတဲ့ နုံချာမွဲတေမှုကနေ လွတ်အောင် အရင်အားထုတ်ပြီး ပြေးဖို့ပဲကြိုးစားသင့်တယ်။ စွန့်ခွာတယ်ဆိုရာမှာလည်း မီးလွတ်လောက်တဲ့နေရာကိုရောက်မှ နားသင့်တယ်။ မီးကူးနိုင်သေးရင် မနားအပ်သေးဘူး။ မီးဘေးဒုက္ခသည်အချင်းချင်း ခွက်စောင်းခုတ်နေလို့လည်း အပိုပဲ။ နှစ်ယောက်စလုံးနာပြီး၊ နှစ်ယောက်စလုံး မီးထဲသေဖို့ပဲရှိမယ်။ မီးလောင်နေတဲ့ ပကတိအခြေအနေကို သတိပြုမိနိုင်ကြပါစေ။ မီးလောင်တဲ့ဘေးကနေ လွတ်ဖို့ ဖြောင့်ဖြောင့်ပြေးနိုင်ကြပါစေလို့ပဲ ဆန္ဒပြုမိတယ်။
(ဆက်ရန်)
Regards,
Zephyr
(တစ်ခါက ကြက်ဥပမာ ဟာသရေးဖူးတယ်ထင်တယ်။ ကြက်မွေးမြူရေးသမားက ကြက်တွေသေကုန်လို့ တိမွေးကုဆရာဝန်ဆီသွားတယ်။ ဆရာက နည်းပေးတယ်။ အဲဒီနည်းအတိုင်းလုပ်လိုက်တာ ကြက်အကောင် ငါးဆယ် ထပ်သေသွားတယ်။ ဒါနဲ့ နောက်နေ့ဆရာဝန်ဆီထပ်သွားပြီး အကျိုးအကြောင်းပြောတယ်။ ဆရာဝန်က နောက်တစ်နည်းပေးလိုက်တယ်။ ဒီတစ်ခါတော့ အကောင် ၁၀၀ ထပ်သေသွားတယ်။ အဲဒါနဲ့မွေးမြူရေးသမားကပြောတယ်။ ဆရာရေ အကောင် ၁၀၀ တောင်ထပ်သေသွားပြီနော်။ ဆရာ့နည်းက ဟုတ်ရဲ့လား။ ဒါနဲ့ ဆရာဝန်က နောက်တစ်နည်းထပ်ပေးတယ်။ အကောင် ၂၀၀ ထပ်သေသွားတယ်။ အဲဒီတော့ မွေးမြူရေးသမားက မေးခွန်းထုတ်တယ်။ ဆရာ့နည်းတွေက ဟုတ်ရဲ့လား။ တစ်နည်းနဲ့ ၅၀ သေတယ်။ တစ်နည်းပြောင်းတော့ ၁၀၀ သေတယ်။ နောက်တစ်နည်းပြောင်းတော့ ၂၀၀ သေတယ်။ အဲဒီတော့ ဆရာဝန်ကပြောတယ်။ ခင်ဗျားမှာ ကြက်တွေကျန်သေးတယ်မဟုတ်လား၊ ကျနော့်မှာလည်း ကုထုံးတွေကျန်သေးတယ်။ ဘာပူစရာရှိလဲဗျာ ဆိုပဲ။
အဲဒီလိုပါပဲ ခင်ဗျားတို့မှာ အချိန်ရှိသေးရင်တော့ ကျနော့်မှာလည်း အိုဘာမားလာတယ်။ ပြန်သွားတယ်။ တွေရှိနေပါသေးတယ်။ )
Notes:
တစ်ချို့တွေလည်း ကျနော့်ရဲ့ အိုဘာမားတစ်ထောင့်တစ်ညကို စိတ်လေကြကုန်တယ်တူပြီထင့်။ သို့သော်လည်း Robert Frost ရဲ့ Miles to go before I sleep ဆိုတဲ့ ကဗျာစာသားလေးလို၊ လုပ်စရာရှိတာလုပ်၊ ရေးစရာရှိတာလေးကိုတော့ ရေးဦးမှလို့တွေးမိပါတယ်။ ကိုယ့်နိုင်ငံအပေါ်မှာထားတဲ့စေတနာအတိုင်းပဲ ရေးလိုက်ပါတယ်။ ငါသိ၊ငါတတ် လုပ်တာများလည်းမပါပါဘူး။ လူငယ်လူရွယ်တွေ၊ တန်ဖိုးရှိတဲ့အရွယ်မှာ တန်ဖိုးရှိတာတွေ လုပ်ချင်တဲ့သူတွေ ဆင်ခြင်ပွားများဖို့ပဲရည်ရွယ်ပါတယ်။ အုပ်ချုပ်ရေးကိစ္စတွေကို လွယ်လွယ်လေးမထင်စေချင်ဘူး။ သူ့သဘာဝနဲ့သူ ခက်တာတွေလည်းရှိလိမ့်မယ်။ ကျနော်တော့ အုပ်ချုပ်ရေးကိစ္စတွေကို နည်းနည်းမှ စိတ်မဝင်စားမိဘူး။ သို့သော်လည်း လွယ်တယ်၊ခက်တယ်လို့ မှတ်ချက်လည်းမပေးလိုဘူး။
အခုကျနော့်အသက် ၃၁ ပြည့်ဖို့ လအနည်းငယ်ပဲလိုတော့တယ်။ ဘဝမှာ တခြားသူတွေအတွက် တန်ဖိုးရှိတာ ဘာမှမလုပ်ရသေးဘူး။ အဲဒီအတွက်လည်း တစ်ခါတစ်လေ guilt နည်းနည်းရှိတယ်။ အဲဒါကြောင့် စာရေးဖြစ်တယ်လို့ထင်တယ်။ မမြင်ဖူး၊ မသိဖူးတဲ့တစ်ယောက်ယောက်အတွက် ခေတ္တခဏပျော်ရွှင်စရာ၊ စဉ်းစားစရာ၊ ငြိမ်းချမ်းစရာ အတိုအစတွေကို ကျနော် လက်ဆောင်ပေးလိုက်တယ်။ ဒါကို တစ်ချို့လည်း သဘောကျလိမ့်မယ်။ တစ်ချို့လည်း ကြိုက်ချင်မှကြိုက်မယ်။ ကြိုက်တာကိုယူ၊ မကြိုက်တာကို ပယ်ကြတာဟာ စာဖတ်သူတစ်ယောက်ရဲ့ အခြေခံလွတ်လပ်ခွင့်ပဲ။ ကျနော်ကိုယ်တိုင်လည်း ကြိုက်တာပဲဖတ်တယ်။ မကြိုက်တာဖတ်ကိုမဖတ်ဘူး။
စာရေးတဲ့အတွက် မိတ်ဆွေကောင်းတွေရလာတယ်။ စာပေကိုချစ်တဲ့သူတစ်ချို့နဲ့ ကျနော်ခင်မင်လာတယ်။ ပျင်းရိခြောက်သွေ့နေတဲ့ ကျွန်းကလေးမှာ လေးနှစ်ခွဲရှိပြီ။ ကျနော်ပိတ်မိနေတယ်။ ကမ္ဘာကြီးကို ကျနော် ဒီနေရာကနေ ဆက်သွယ်နေတယ်။ ရေးလိုက်တဲ့စာတွေဟာ ကျွန်းပေါ်မှာ သင်္ဘောပျက်ပြီးရောက်နေသူတစ်ယောက်ရဲ့ လက်ပြအော်ဟစ်သံတွေနဲ့လည်းတူနေခဲ့မယ်။ မီးဖိုနိုင်တဲ့နေ့တွေမှာ မီးခိုးနဲ့ အချက်ပြပြီး ကယ်ဆယ်ရေးသင်္ဘောကို ဆက်သွယ်ခဲ့တာတွေနဲ့လည်း တူကောင်းတူနေမယ်။ ရှိတဲ့ အနုပညာနဲ့ဧကစာရီ ဆောက်တည်နေတာတွေလည်း ပါကောင်းပါမယ်။ သုတပဲရေးရေး၊ ရသပဲရေးရေး၊ အနုပညာပါတာတွေကိုပဲ ရေးချင်တယ်။ ကျနော်သိတဲ့ အနုပညာ၊ရသခံစားချက်ပေါ်မူတည်ပြီး ပို့စ်တွေဖြစ်လာခဲ့တယ်။ ကျနော်ဖြတ်သန်းခဲ့ရတဲ့ ဘဝဟာ သိပ်မကြမ်းဘူး။ သိပ်မဖြောင့်ဖြူးပေမယ့်၊ ခက်ခဲကြမ်းတမ်းတဲ့ဘဝမဟုတ်ဘူး။ အဲဒီတော့ ကျနော်ပျော်တတ်ပါတယ်။ ကျနော် ထမင်းမငတ်ဖူးဘူး။ ဆာလောင်ခြင်းရဲ့ဒဏ်ကို သိဖို့ ဥပုသ်စောင့်ကြည့်ရပါတယ်။ ကျနော့်ဘဝမှာ ချို့တဲ့တာတွေကို သိဖို့ တခြားသူတွေရေးတာတွေကိုဖတ်ကြည့်ပါတယ်။ အဆင်မပြေတဲ့သူတွေ အများကြီးရှိတာကိုတွေ့တယ်။ ကိုယ်သိထားတဲ့ အမြင်အတိုင်း လောကကြီးအကြောင်းကို လူတွေ ထင်ဟပ်ကြပါတယ်။ အနုပညာသမားတွေဟာ ပိုပြီး ပြည့်ပြည့်စုံစုံပြောတတ်တယ်ထင်ပါတယ်။ ကျနော်တို့ မဖြတ်သန်းလိုက်ရလို့ ချို့တဲ့နေတဲ့ အသိတရားကို ပြန်ပြောပြတဲ့သူတွေဆီကသိရပါတယ်။ လောကကြီးမှာ တစ်ယောက်နဲ့တစ်ယောက် ကူညီကြတာ မင်္ဂလာတရားတော်နဲ့ညီတယ်လို့ခံယူပါတယ်။
ကမ္ဘာသားတစ်ယောက်အနေနဲ့တော့ ကမ္ဘာကြီးကိုချစ်ပါတယ်။ ကျနော်ရဲ့ မနက်ခင်းတိုင်းကို ကျနော်ချစ်ပါတယ်။ မနက်နိုးလာတာကို ချစ်သလို၊ အေးအေးချမ်းချမ်း အိပ်စက်ခွင့်ရတာကို ကျနော်ချစ်ပါတယ်။ အပူအပင်နည်းတဲ့ဘဝကို ကျနော်တန်ဖိုးပါတယ်။ ကမ္ဘာမှာ ကိုယ့်လောက် ကံမကောင်းသူတွေ အများကြီးရှိတယ်လို့ ကိုယ့်ကိုယ်ကို သတိပေးပါတယ်။ အေးချမ်းတဲ့ ဘဝ၊ အေးချမ်းတဲ့အသက်တာကို ကျနော်တည်ဆောက်ပါတယ်။ ဘယ်သူ့ကိုမှ ဒုက္ခမပေးတဲ့လူတစ်ယောက်ဖြစ်ရင်ကို ကျနော် ကျနော့်ကိုယ်ကျနော် ကျေနပ်မိမယ်ထင်တယ်။
မနက်ခင်းမှာ ကျနော်စိုက်ထားတဲ့ပန်းပင်တွေကို မြင်ရတာကိုလည်း ကျနော်ပျော်ပါတယ်။ မြင်နေခွင့်ရတာတွေကို ကျနော်တန်ဖိုးထားပါတယ်။ အချိန်ရတဲ့အခါ စိုက်ထားတဲ့အပင်လေးတွေကို တစ်ပင်ချင်းကြည့်ပြီး ဘာလိုနေသလဲ စစ်ဆေးရတာကို ကျနော်ပျော်ပါတယ်။ ကမ္ဘာကြီးဟာ လူသားတွေပဲနေဖို့မဟုတ်ဘူးလို့ ကျနော်ထင်ပါတယ်။ သစ်ပင်တွေနဲ့ တိရစ္ဆာန်ကလေးတွေလည်း နေဖို့ပဲလို့ ကျနော်ယူဆပါတယ်။ ခိုတွေ၊ ဆက်ရက်တွေကိုလည်း ကျနော်ချစ်ပါတယ်။ ကြောင်တွေ၊ ခွေးတွေကိုလည်း ကျနော်ချစ်တယ်။
ဆရာတော်ဦးဇောတိကက လူတိုင်းမှာလည်း ရီနေဆွန်း ရှိတယ်လို့ပြောပါတယ်။ ကျနော်ဘဝရဲ့ ရီနေဆွန်းကတော့ သုံးလေးငါးနှစ်တစ်ခါပြောင်းလဲနေတာပါပဲ။ အပြောင်းအလဲဖြစ်သွားတဲ့စိတ်ဟာ အသစ်တစ်ခုလိုပါပဲ။ စိတ်အဟောင်းနဲ့ ကျနော်မနေထိုင်နိုင်ဘူး။ စိတ်အသစ်ဟာ အတွေးအသစ်၊ အမြင်အသစ်၊ လိုအပ်ချက်အသစ်ဖြစ်နေတတ်တယ်။ ကျနော့်ကိုယ်ကျနော် နားလည်ဖို့ကို အထူးကြိုးစားပါတယ်။ ဘဝမှာ ကိုယ့်ကိုယ်ကို နားလည်ဖို့ကြိုးစားရတာ အင်မတန်ပျော်စရာကောင်းတယ်လို့ ကျနော်ထင်ပါတယ်။ ကျနော်ဘာကြိုက်တတ်သလဲသိဖို့ ကျနော် ဟင်းချက်သင်ပါတယ်။ ကိုယ်တိုင်ချက်ပြီး စားကြည့်ပါတယ်။ ဒီလိုနဲ့ အမှားတွေကိုပြင်ရင်း တစ်ချိန်မှာ ကျနော်ကြိုက်တာ ဘာလဲဆိုတာကို ဖြည်းဖြည်းချင်းသိလာပါတယ်။ ကြက်သွန်ကို ဟင်းအိုးချခါနီး ဆယ်မိနစ်၊ ဆယ့်ငါးမိနစ်လောက်မှာ ထည့်ချက်တာမျိုးကို ကျနော်ကြိုက်မှန်း ကျနော်သိလာပါတယ်။ ဘဝမှာ ကိုယ်ကြိုက်တာ၊ ကိုယ်လိုအပ်တာ ဘာလဲဆိုတာကို သိဖို့ အချိန်ရှိတာကို ကျနော် သဘောကျပါတယ်။ အလောတကြီးဘာမှမလုပ်တာကို သဘောကျပါတယ်။ မရေရာတဲ့ အနာဂတ်ကို မပူပင်ချင်ဘူး။ ယောနိသောမနသီကာရကို များများကျင့်သုံးနိုင်ဖို့ ကျနော်ကြိုးစားပါတယ်။ အစုရှိရင် အမှုရှိတယ်ဆိုတဲ့စကားကို ငယ်ကတည်းက ကြိုက်လို့ အစုအဝေးနဲ့နေထိုင်ခြင်းကို ကျနော်ရှောင်ကြဉ်ပါတယ်။ အဲဒါကြောင့် ကျနော် ဘယ်အဖွဲ့မှာမှ အဖွဲ့ဝင်ဖြစ်မလာခဲ့ဘူး။ အဖွဲ့အစည်းရဲ့ဒဏ်ကို ကျနော်မခံနိုင်ဘူး။ သီးခြားဖြစ်တည်ရတာကိုပဲကြိုက်တယ်။ ချစ်တဲ့သူ အနည်းငယ်ရှိပြီး အဲဒီ့အနည်းငယ်ကိုပဲ တစ်သက်လုံး တန်ဖိုးထားချစ်ခင်ချင်တဲ့ လူအမျိုးအစားလည်းဖြစ်တယ်။ ချမ်းသာသူလည်းမဟုတ်ဘူး။ ဆင်းရဲသူလည်းမဟုတ်ဘူး။ ကပ်စေးနည်း တွန့်တိုသူလည်းမဟုတ်ဘူး။ ပိုက်ဆံချေးသူလည်းမဟုတ်ဘူး။ ဟန်ဆောင်ဖော်ရွေသူလည်းမဟုတ်ဘူး။ သိပ်ပြီးသည်းခံတတ်သူလည်းမဟုတ်ဘူး။ ကျနော့်အတိုင်းအတာတွေကို ကျနော်သိဖို့ အချိန်များများပေးပါတယ်။ တစ်ခါတစ်ခါ ကိုယ့်ဟာကိုယ် ဘယ်လိုလူလည်းဆိုတာ သိဖို့ တော်တော်သတိထားရပါတယ်။
ကျနော့်ဘဝမှာ အများကြီးလည်း မလိုချင်ခဲ့ဘူး။ ရတာတွေကိုလည်း ကျေနပ်မိတယ်။ နောက်ထပ်ကျန်နေသေးတဲ့ (သက်တမ်းဝက်-၁)မှာ တန်ဖိုးရှိတာတွေ ပိုလုပ်ဖြစ်ဖို့၊ quality of life မြင့်မားအောင်နေတတ်ဖို့ကြိုးစားရင်း၊ စာတွေရေးရင်း ၊ ဘဝကို ပျော်ပျော်ရွှင်ရွှင် ပေါ့ပေါ့ပါးပါး ငြိမ်းငြိမ်းချမ်းချမ်း ဖြတ်သန်းသွားနိုင်တဲ့သူတစ်ယောက် ဖြစ်ဖို့ပဲ ရည်ရွယ်ထားတယ်။
ကိုယ့်ကိုယ်ကို တကယ်သိဖို့ ................... အချိန်တွေလိုသေးတယ်။ ဒီဘဝမှာ မပြီးသေးတာတွေ ဆက်လုပ်နိုင်မယ့် ဘဝ၊ လားရာကတိကို ဆက်သွားဖို့ ပြင်ဆင်စရာတွေလိုသေးတယ်။ ....... ဒါတွေကိုလည်း ကိုယ့်ကိုယ်ကို သတိပေးရင်း အားလုံးကိုလည်း တခါတည်း သတိပေးလိုက်ပါတယ်။ ကိုယ့်လက်ရှိဘဝနဲ့ ဆက်သွားရမယ့် ဘဝ (သံသရာ)အတွက် ပြင်ဆင်ဖြည့်ဆည်းနိုင်သူတွေ ဖြစ်နိုင်ကြပါစေကုန်သော်ဝ်။ ။
Peace B with U.
