လွမ်းစိတ်နဲ့ညွတ်နေတဲ့သစ်ကိုင်းဖျား

လွမ်းစိတ်နဲ့ညွတ်နေတဲ့သစ်ကိုင်းဖျား

ဘာလိုလိုနဲ့လေးနှစ်။ လောကကြီးထဲက မမြင်ရတဲ့ တွင်းနက်ကြီးတစ်ခုဟာ တကယ်ပဲရှိလိမ့်မယ်ထင်ရဲ့ ............။ ချစ်တဲ့သူတွေချည်း တစ်ယောက်ပြီးတစ်ယောက်ပြုတ်ကျ ...................ဒီတွင်းကနက်တယ်။ ဒီအလွမ်းကခက်တယ်။ ........ အဆုံးမဲ့ အနက်အရှိုင်းထဲ ..... ဆင်းသွားကြည့်လိုက်ရင် ... ဘယ်တော့မှ တွင်းအောက်ခြေကို မရောက်နိုင်ဘူး ...............။

အလင်းမဲ့နှစ်များ ..........။
အလင်းတစ်စမှ ခုန်မထွက်နိုင်တဲ့ တွင်းနက်များ။
Doris Day ရဲ့ Que Sera Sera ကို အခုနကတင် သူဆိုနေခဲ့သေးတာ။ ရုတ်တရတ် အမြင့်ဆုံးလွှတ်တင်ထားတုန်း ကိုင်းကန်သွားတဲ့စွန်လိုပေါ့ ... သေခြင်းတရားနဲ့ကပ်ထားတဲ့ ရှင်သန်ခြင်းကိုင်းလေးက လောကဓံလေပြင်းတွေနဲ့ နှစ်အတော်ကြာ ဆန့်ကျင်ပြီးရင် ကန်ထွက်သွားရတာပဲ။ သူပေါ့ပါးသွားတယ်ဆိုရင် ကျွန်တော့်ရစ်ဘီးကို လွှင့်ပစ်လိုက်ပါ့မယ်။ ..... စကြဝဠာသုံးလေးခုခြားနေတာကလွဲရင် ... စိတ်ထဲမှာ နီးကပ်လွန်းနေတယ်။

နေကောင်းပါတယ်လို့ဗုဒ္ဓဟူးနေ့တစ်ခုမှာ သူပြောခဲ့သေးတာပဲ။ ဟုတ်တယ်။ သူနေပြန်ကောင်းလာမှာပါ။ .... ဒီဇင်ဘာမှာ ငါတို့လျှောက်လည်ကြမယ် ... လို့သူပြောခဲ့သေးတယ်။ ဟုတ်တယ် အဲဒါကို ယုံနေတုန်း .......ဒီဇင်ဘာက ပျော်စရာကောင်းတယ်။ midnight mass အတူသွားတက်မယ့် မိသားစုတစ်စုအကြောင်းလည်းပါ၊ ကိုးနှစ်ကွဲကွာနေတဲ့ မိသားစုလေးယောက်ရဲ့ဆုံမှတ်လည်းပါ။ silent night ဆိုမယ့်သူလည်းပါ၊ jingle bell ဆိုမယ့်သူလည်းပါ ........... ဘုရားကျောင်းမှာအိပ်မယ့်သူလည်းပါ၊ ပုံပြင်တွေဟာ အရှည်ကြီး .........။ နွေးထွေးတဲ့ ရယ်မောသံများ ... ပဲ့တင်ပြန်နေတယ်။ hymn  စာသားတွေကို သူရွတ်လို့ ဘေးနားလေးတင်ရှိနေခဲ့သေးတာ။

သူပြန်လာမလားလို့မျှော်နေတဲ့ခွေးလေးကိုတွေ့တော့ ... သူပြန်လာမှာပါ၊  ခဏထွက်သွားတာပါလို့ပြောပြီး ခွေးလေးကို အိမ်ထဲပြန်ခေါ်ဖို့ကြိုးစားတယ်။ ခွေးလေးက ပြန်မဝင်ဘူး။ လမ်းကိုမျှော်ကြည့်နေတယ်။ ... ကျွန်တော်လည်း လမ်းကိုမျှော်ကြည့်ပါတယ်။ ဒီတစ်ခါလည်း ရုံးနောက်ကျတာဖြစ်မယ်လို့တွေးမိတယ်။ လမ်းထိပ်ကသွားစောင့်ရင်ကောင်းမလား။ ခွေးလေးနဲ့ခွေးရှင်ဟာ မျှော်နေကျလူကို မျှော်နေမိတယ်။

လွမ်းဆွတ်ခြင်းတွေဆွတ်ထားတဲ့ နေ့စွဲတွေဟာ လွမ်းခြင်းတရားသင်းပျံ့နေလိမ့်မယ်။ မိသားစုဟာ အမဲ့နဲ့ပေါင်းပြီး အမိမဲ့သားစုဖြစ်လာတယ်။ နေရောင်တွေက သွေးရောင်၊ အဖြူရောင်ဟာ လူနာလွှမ်းတဲ့ ပုဝါ၊ အသက်ရှူစက်က အသက်ရှူပြီး နှလုံးခုန်စက်က စက်ရဲ့ရွေ့လျားမှုလှိုင်းတွေကိုပြတယ်။ ဒီအခန်းတွေကို video ထဲမှာကြည့်ပြီးပြီ။ အပြင်မှာဘယ်လိုနေလဲ။ သက်သာလား၊မောနေလား။  ဘယ်လိုလဲ ဒီနေ့ဘာဟင်းချက်ထားသလဲ၊ အသက်ရှူရခက်လား၊ဆေးသောက်မလား၊ကော်ဖီသောက်မလား၊ပလာတာစားမလား၊ခေါက်ဆွဲကြော်စားမလား၊ စားချင်တာစားလို့ရတယ်။ ဘယ်လိုပဲမေးမေး မှိတ်ထားတဲ့မျက်လုံးတွေဟာ ပြန်မဖွင့်လာတော့ဘူး။ စက်တွေကိုရပ်လိုက်ရင် သူဆက်လက်ထွက်ခွာသွားလို့ရမယ်လို့ ဆရာဝန်ကပြောတယ်။

အနားမှာ အမြဲရှိနေတဲ့ အရိပ်ဟာ ပျောက်မသွားဘဲ စိတ်ထဲတိုးဝင်သွားတယ်။ နေ့တွေဟာ တသမတ်တည်း။ ညတွေဟာတသမတ်တည်း။ ကြာရင်မေ့သွားမယ်လို့ ဘယ်သူတွေပြောခဲ့သလဲ။ တော်တော်မှားတာပဲ။

ကြာလေ ရင့်လေပဲ။ အလွမ်းနဲ့ဝိုင်နဲ့အတူတူ။

ခရီးတွေက ဝေးတာမဟုတ်ပါဘဲ ................ အပြန်နောက်ကျနေတယ်။ ဘယ်တော့ပြန်လာမလဲ။ ဘယ်တော့လိုက်လာခဲ့ရမလဲ။ ဘယ်တော့ပြန်တွေ့မလဲ။ ဘယ်တော့ထွေးပွေ့ဖက်ထားမလဲ။ ဘယ်တော့လဲ .........။

ခွေးလေးတွေကတော့စိတ်မရှည်ကြဘူး၊ သူတို့ရဲ့မျှော်သူ နောက်ကို လိုက်လံရှာဖွေဖို့ လမ်းကနေထွက်သွားကြတယ်။ ............. တွေ့သွားပြီထင်တယ်။ တစ်ကောင်မှ ပြန်မလာကြဘူး။

တိမ်တွေလွင့်နေတာကို ကြည့်ဖို့၊
ပန်းပွင့်နေတာကို ကြည့်ဖို့၊
အမေ့ကိုလွမ်းဖို့ ......

ရှင်သန်နေလိုက်တယ်။
တလွင့်လွင့်။                      ။

Regards,
Zephyr
(4=T=H Y=E=A=R O=F F=E=E=L=I=I=N=G B=L=U=E. 
R=I=P D=E=A=R=E=S=T M=O=M.
M=A=Y G=O=D B=L=E=S=S Y=O=U.)

Peace B with U.

အောက်တိုဘာ ဓားကိုးလက်………………….၊ မျှော်လင့်ခြင်းဖြတ်ဓားသွားများ …….နှင့်ကျွန်တော်

အောက်တိုဘာ ဓားကိုးလက်………………….၊ မျှော်လင့်ခြင်းဖြတ်ဓားသွားများ …….နှင့်ကျွန်တော်

မနက်ခင်းဖျော့ဖျော့ ...ကောက်ကွေးပျော့ကျနေတဲ့ ကမ္ဘာမှာ ကျွန်တော်နိုးလာတယ်။ ဒါလီ့ကို သတိရတယ် .....။ သူ့နာရီပျော့ကြီးကို လိုက်ရှာရင်း စိတ်ဓာတ်တွေပျော့ကျသွားတယ်။ နိုဝင်ဘာ ၁၀ ရက် ...... ကောင်းကင်ကနေ အပ်အစား ကြက်ခြေခတ်တစ်ခုပြုတ်ကျလာတယ်။ .......။ မရည်ရွယ်ပါဘဲလျက် နှလုံးခုန်သံမှာ သွားစွပ်နေတယ် .....။ ကြက်ခြေခတ်ပြထားတဲ့ နှလုံးခုန်သံ ......။ အဲဒါဟာ ဆေးရုံတစ်ရုံရဲ့ အသက်ရှူအားကူပစ္စည်းဖြစ်တယ် .....။ လောကကြီးကို မေ့လျော့ထားသူတစ်ယောက် ဖွဖွကလေး မေ့မျောနေတယ် ......။ ရှူး ... တိုးတိုး ... ခင်များတို့ အသက်ပြင်းပြင်းမရှူနဲ့ ................ သူဆက်အိပ်နေပါစေလေ .........................။

မွန်းတည့်နေအောက်မှာ အရိပ်ဟာ ခြေထောက်အောက်မှာရှိတယ် ...။ အရိပ်ကိုနင်းပြီးရပ်တယ်။ အရိပ်နဲ့အတူတကွယှဉ်သန်တယ်။ အရိပ်ဟာ နောက်ဘက်ကို တဖြည်းဖြည်းရွေ့တယ် .....။ နာကျင်နေတဲ့နာရီတွေ ...မယွန်းနိုင်တဲ့ဂေါရာ .......... ထွန်ရေးပြင်နေတဲ့ ကံကြမ္မာနဲ့ တစ်ဖက်တည်းတီးတဲ့ လက်ခုပ်သံများစွာ .............။ ရှေ့နှစ်ဘူတာမှာ ဂိတ်ဆုံးသွားတော့မယ့်ရထားတစ်စင်းရဲ့ဥသြသံကရော နာကျင်ဆွေးမြေ့နေမလား .......... ကျွန်တော့်နားထဲမှာတော့ ဓမ္မတေးတွေ လွမ်းလွမ်းဆွေးဆွေးမြည်နေနှင့်ပြီ ........................။

ငယ်တုန်းက စောင်တဘက်နဲ့ကျောပိုးသွားလေ့ရှိတဲ့ အမျိုးသမီးကြီးတစ်ဦးနဲ့ကျွန်တော်ဟာ သားအမိတော်စပ်ကြတယ်။ ဘာမဆို အလိုလိုက်တဲ့သူ့အတွက် အတွက် ခပ်ဆိုးဆိုးသားတစ်ယောက် လက်ခံရရှိသွားတယ်။ ဖြစ်ပြီးရင်ပျက်ရမယ်ဆိုတဲ့ကျိန်းသေပေါက်လောကကြီးမှာ အမေက သားကိုချစ်တာရဲ့တစ်ဝက်လောက်တော့ သားကလည်း အမေ့ကိုချစ်ခဲ့ပါတယ်။ လောကဓံနဲ့ဓာတ်လှေကား တူတာက ကျဉ်းကျဉ်းကြပ်ကြပ်သွားလာရပြီး တက်လိုက်ကျလိုက်ဖြစ်နေတာပဲမဟုတ်လား မေမေ။ (မေမေပြုံးနေခဲ့တယ်။ ..............)

ကျွန်တော်စာအုပ်တစ်အုပ်ကိုဖတ်ပါတယ်။ ရေပွက်ပမာ ဖြစ်တယ်။ .....မြသန်းတင့်ဘာသာပြန်တယ်။ ( Simone de Beauvoir ရဲ့ A very Easy Death )။ စာအုပ်ထဲကိုကျွန်တော်ရောက်သွားပါတယ်။ ကျွန်တော်နာကျင်ပါတယ်။ ကျွန်တော်နာကျင်ပါတယ်။ တစ်ခဲနက် တစ်စုတစ်ဝေးထဲ နာကျင်ပါတယ် .............။ စိတ်အစုအဝေးပြိုကွဲမှုအားဖြင့်နာကျင်ပါတယ်။ တစ်စစ်စစ်နာကျင်ပါတယ်။ တဖျစ်ဖျစ်လောင်ကျွမ်းသလိုနာကျင်ပါတယ်။ အကြားအလပ်မရှိဆင်းရဲသော နာကျင်မှုမျိုးဖြင့်နာကျင်ပါတယ်။ စာအုပ်ထဲကနေကျွန်တော်ပြန်မထွက်ချင်သေးဘူး .............။ ကျွန်တော် နာကျင်ပါတယ်။ စာအုပ်ထဲကထွက်လိုက်ရင် ဒီထက် နာကျင်ရတော့မှာလား ........။ ကျွန်တော်နာကျင်ပါတယ်။

နေ ဆိုတဲ့ အလတ်စားကြယ်တစ်စင်းဟာကျွန်တော်နဲ့ မိုင်ပေါင်း ၉၃သန်းကွာဝေးခဲ့ရာက တစ်ရွေ့ရွေ့နီးကပ်လာတယ်။ နောက်ဆုံး နေလုံးပျောက်ချိန်မှာ နေ၀င်တဲ့အရပ်ဟာလည်း ကြက်ခြေခတ်ဆောင်းထားတဲ့ နှလုံးသားပဲဖြစ်တယ်။ အသက်ရှူရခက်ခဲလာတယ်။ ပူပြင်းလောင်မြိုက်နေတဲ့ပရိဒေ၀ဟာ ဥပါယာသ အဖြစ်ကို တရွေ့ရွေ့ အသွင်ပြောင်းလာတယ် ………….။
ကျွန်တော် …. အမေနဲ့အတူ Crown of Thorns (မြန်မာအခေါ် kiss-me-quick) အပင်စိုက်လေ့ရှိပါတယ်။ အမေနဲ့အတူ ပန်းပွင့်လာမယ့် အပင်လေးတွေကို စောင့်ကြည့်ပါတယ် ………။

သစ်ပင်စိုက်တဲ့လူတစ်ယောက်ဟာ အရိပ်အကဲနားလည်ဖို့မခက်ပါဘူးမေမေ …………..။ နာဖျားနေတဲ့ဂီတသံက ကောင်းကင်မှာ လက်ခနဲကြွေဆင်းမှုတွေနဲ့ အလိုက်ဖက်ဆုံးပါပဲအမေ ……….။ ဖိတ်ခေါ်မထားဘဲ အလည်လာတဲ့ ဇီဇ၀ါပန်းရနံ့လေးတွေနဲ့ ညဉ့်ဘက်မှာ အစာရှာတဲ့ ငှက်ကလေးတွေရဲ့ မြည်သံတွေဟာ ဆောင်းရာသီတစ်ခုလုံးကို ပိုက်ကွန်ထူထူနဲ့ဖမ်းမိထားသလို ဂုဏ်ယူဝံ့ကြွားနေတယ်မေမေ ……..။ အလံကိုနှုတ်ပြီးဆိုတော့မယ့် အောင်ပွဲခံတေးတွေ တပ်ဆုတ်သွားခဲ့ပုံက ပုံပျက်ပန်းပျက်ပါပဲမေမေ …….။ စစ်ရှုံးခရာဟာ အားအနည်းဆုံးသူတွေရဲ့ နောက်ဆုံးထွက်သက်နဲ့မှုတ်လိုက်တာတောင် ကြေကွဲခြင်းတွေ ပီပီသသမြည်နေတယ်မေမေ။

ထိုသို့ဖြင့်
အောက်တိုဘာ ၁၁။ ကျွန်တော်တိမ်မူးခဲ့သော လရောင်များ ယိုစီးကျနေသော ညခင်း ……. လရောင်ပျော့တွဲကျဆင်းနေတဲ့ ခရေပင် အရိပ်အောက်မှာ နာရီပေါင်းများစွာထိုင်နေမိတယ်။ နှစ်ပေါင်းများစွာ မငိုကြွေးခဲ့တဲ့အတွက် လောလောဆယ်ဘယ်လိုငိုရမလဲမေ့နေတယ်။ လရောင်အသေတွေ၊ ကြယ်အသေတွေ၊ အရိပ်ထဲမှာ စိတ်အသေနဲ့ထိုင်နေမိတယ်။ မြင်မြင်သမျှဟာ အသေပဲ၊ ကစားကွင်းအသေထဲမှာ … သံတန်းအသေတွေ …. အကြည့်အသေတွေမြင်သမျှဟာ အသေတွေပဲ ….. သွေးရူးသွေးတန်း ထိုးဟောင်းလိုက်တဲ့ ခွေးဟောင်သံကလည်း အသေ၊ ရပ်တန့်နေတဲ့ကားအသေတွေကို ကွေ့ပတ်သွားနေတဲ့ သစ်ရွက်ကြွေတွေဟာလည်းအသေ။ မေမေ … မျှော်လင့်ချက်တွေ သေသွားတဲ့အခါ …. လူဆိုတာ အခွံသက်သက်မှန်းသေချာသွားတဲ့ အသေကောင်တစ်ကောင်ပါပဲမေမေ။

လေပြည်တွေက ကျွန်တော့်ကို ကွေ့ရှောင်တိုက်ခတ်သွားတယ်။ ညဉ့်ငှက်တွေလည်း ခပ်လှမ်းလှမ်းကပဲ အော်မြည်နေတယ်။ ……… မေမေ ……… တိုးတိုးဖွဖွလေး ရေရွတ်လိုက်ရုံနဲ့ …….. သောကတွေဘောင်ဘင်ခတ်တယ်မေမေ …………………..။

အနှေးပြကွက်တွေလို ကျွန်တော့်ငယ်ဘ၀ဟာ စိတ်အသေတွေကနေထွက်ကျလာတယ်။ …… ၂၅ နှစ်တိတိ ….အမေ့အနားမှာကျွန်တော်ရှိခဲ့တယ်။ ….. အမေကလည်း ကျွန်တော့်နားမှာရှိခဲ့တယ်။ ………

သက်တစ်ရာတမ်းမှာနေရတာကိုမေ့တယ်။ လူတွေရဲ့ပျမ်းမျှသက်တမ်းကိုမေ့တယ်။ မရဏနုဿတိကိုမေ့တယ်။ လောကပါလတရားကိုမေ့တယ်။ အိမ်ပြန်ချိန်ကိုမေ့တယ်။ ဒါပေမယ့် …. အမေ့အပြုံးတွေကိုတော့မမေ့ခဲ့ပါဘူး။ …

ဘာတစ်ခုမှမလိုချင်တော့တဲ့အခါမှာ လူတွေဟာ ဘာကို ဆုတောင်းကြမလဲမေမေ ….။ မဖြစ်နိုင်တာတွေကို လုံလုံလောက်လောက်သိနေရတဲ့အခါ ဖြစ်ချင်တာတွေကို ခေါင်းတစ်ချက်ယမ်းပြလိုက်ရတာပဲမဟုတ်လားမေမေ။

…. နေပါစေတော့ …… ဘ၀မှာ ဘာမှထပ်မလိုတော့ဘူး

…….. ကောင်းကင်အသေထဲက ထွက်ကျလာတဲ့ ကိုယ့်ကြယ်အကြွေလေးကိုပဲ ပြန်ုပြီးကောက်ယူခဲ့ရတယ်။ …………………..

မနက်ဖြန် ……..မနက်ဖြန် ……….မနက်ဖြန် ………မနက်ဖြန် …………………. လူတိုင်းမှာငြင်းလို့မရတဲ့မနက်ဖြန်တွေရှိတယ်မေမေ ………………………….။

ချိန်းချက်ထားသောနေ့ရက်

ကျွန်တော်တို့တွေ အတူရယ်ခဲ့ကြဖူးမယ်။ အတူငိုခဲ့ကြဖူးမယ်။ အတူစိုက်ပျိုးခဲ့သမျှ အတူရိတ်သိမ်းခဲ့ဖူးမယ်။ …… တစ်ချို့လမ်းတွေက သိပ်ကျဉ်းတယ် ………….။ သားအမိတွေတောင် …. အတူလျှောက်လို့မရဘူး …..တစ်ယောက်စီ သွား …………ကြ ………….ရ ……………တယ် ……….။

အသက်ရှူအားကူပစ္စည်းတွေရပ်လိုက်တဲ့အခါ အသက်ဆက်မရှူတော့တဲ့သူတစ်ယောက်ဟာ သေဆုံးနေနှင့်ပြီလားမေမေ ……………………။ …. ရှင်သန်ခြင်းနဲ့ သေဆုံးခြင်းနယ်နိမိတ်လေးက သိပ်ကို ပါးလျလွန်းပါတယ် ……….။

အဲဒီ စက္ကန့်လေးတစ်ခုရဲ့နောက်မှာ …. ဒီဘ၀ ကျွန်တော်တို့သားအမိ ပြန်မတွေ့နိုင်တော့ဘူးဆိုတာကို လက်မခံချင်ပေမယ့် ……… နာနာကျင်ကျင် ………….လက်ခံလိုက်ရပါတယ်။

May Peace Be Upon You, Mom ………
God Bless U …….

Your lovingly son,
Zephyr

(My mom was passed away on 12th of October 2008, and this post is dedicated to her.)

Thanks Mom and sis for your encouragements.

Peace B with U.

Michael Jackson Memorial

မိုက်ကယ်ဂျက်ဆန် ... မူကွဲ မိုက်ကယ် ကြက်ဆင် (ခ) မိုက်ကယ်ဂျက်ဆင် ဆုံးသွားတာ အတော်လေးကြာပါပြီ ...။ တစ်လပြည့် အထိမ်းအမှတ်အနေနဲ့ ...တင်တာလားဆိုတော့လည်း မဟုတ်ပါဘူး ...။ ရေးတဲ့သူကလည်း ကိန်းကြီးခမ်းကြီးနိုင်ပါတယ် ...။ သူ့ခမျာလည်း စကင်န်နာလေးတစ်လုံးဝယ်နိုင်ဖို့ တစ်နှစ်လောက် စာရေးရမယ်လို့ ညည်းနေပါတယ် ...။ ၀ယ်ပေးမယ်လို့ ပြောတဲ့ သူတွေဆီကလည်း မျှော်နေပါတယ် ...။ စာကြည့်တိုက်မှာ member လုပ်ဖို့ပါ ပိုပိုလိုလိုလေး ပို့ပေးလိုက်ပါ ....။ စာမရေးတာကြာတဲ့ သူငယ်ချင်းသုံးယောက် တပြိုင်နက် စာပြန်ရေးကြလို့ ၀မ်းသာပါတယ် ...။ အူကြောင်ကြောင် နိုင်တဲ့ ဒီ blog ရဲ့ contributor တစ်ယောက်က ဆီးချို အကြောင်းရေးထားတာလည်း တွေ့လိုက်ပါသေးတယ် ...။ အဆင်ပြေတဲ့ အခါတင်ပါမယ် ...။ မိုး Z ဆိုတဲ့ တစ်ယောက်လည်း contributor လုပ်စားနေတယ်လို့သိရပါတယ် ...။ သူရေးတဲ့ သရပီကိုလည်း အပိုင်းပိုင်းခွဲရေးခြင်း အနုပညာဆိုတဲ့ အထဲမှာ ပေါင်းထည့်ပေးဖို့စဉ်းစားနေပါတယ် ...။ နောက်နေ့တင်မယ့်ပိုစ်က ကုလား သရပီ ဖြစ်ပါတယ် ...။ ရေးတဲ့သူက မိုး Z ပါ ...။ ကိုယ့် ကဗျာတွေကို အဲဒီလောက်မကြိုက်တာ အဲဒီတစ်ယောက်ပဲတွေ့ဖူးပါတယ် ....။ ကဗျာ တစ်ပိုဒ်သုံးသွားတဲ့ အတွက်လည်း သူ့ကို တရားစွဲဖို့ စီစဉ်နေပါတယ် ...။

ပိုက်ဆံရှာရတာ ခက်ပါတယ် ...လို့ အားတဲ့အခါ အကြိမ် ၁၀၀၀ လောက်ညည်းချင်ပါသေးတယ် ....။ လောလောဆယ်တော့ မအားသေးတာနဲ့မညည်းသေးပါဘူး ...။ အခုနေများ ပထမဆုံး ငွေကြေးကို တီထွင်တဲ့သူနဲ့ ပထမဆုံး ကွန်ပြူတာကို တီထွင်တဲ့သူတွေများတွေ့ရင် ဖိုးစိန်ဆီဖမ်းပို့ပြီး fillet လုပ်ခိုင်းမိမယ်ထင်ပါတယ် ...။ ဖြစ်နိုင်ရင် ... ပလာတာရောင်းချင်တာ ... မဖြစ်နိုင်သေးလို့ ... လုပ်လို့ရတာလုပ်နေတုန်းပါပဲ ...။

... မဂ္ဂဇင်းတိုက်မှာ လက်တိုလက်တောင်းလည်းမလိုသေးဘူးဆိုတာနဲ့ မြန်မာပြည်မပြန်ဖြစ်သေးဘူး ...။ ... ထီပေါက်ရင် ပေးမယ့် အမွေကို မျှော်ရင်း ... ပိုက်ဆံရမယ့် စာတွေကို ရေးရင်း သဟဇာတ မဖြစ်နိုင်ခြင်းတွေကို သပ်သပ်ရပ်ရပ် စုပုံထားပါတယ် ...။ဘာပဲဖြစ်ဖြစ် (နာမည်ကြီးရောဂါတွေမပါ) ပိုက်ဆံပြည့်သွားတဲ့ အခါ စကင်န်နာ တစ်လုံးဝယ်ပါမယ် ...။ ဘ၀မှာ ပထမဆုံးမက်ဖူးတဲ့ အိပ်မက်လို ... စကင်န်နာဝယ်ဖို့ အိပ်မက်မက်နေပါတယ် ..။ .... ဘ၀မှာ စကင်နာတစ်လုံးတော့ ၀ယ်နိုင်ခဲ့ချင်လိုက်တာ ....။ :P

----------------------------------------------------------------------------------------------------------

အမေပြုံးနေရင် ပျော်နေတတ်တဲ့သားတစ်ယောက် ... အမေ့အပြုံးတွေရဖို့ ရေးပေးတဲ့စာ ...။ ။
------------------------------------------------------------------------------------------------------------

ကျွန်တော်နှင့် ငြိမ်းချမ်းခြင်းဂီတကိုစိုက်ပျိုးခဲ့သူတစ်ယောက်

(အခန်း ၁)

...

......

သူဟာ ငြိမ်းချမ်းခြင်းကို အိမ်မက်မက်ခဲ့တဲ့လူငယ်လေးတစ်ယောက်ပေါ့ ...

သူဟာ ... ဂီတနဲ့ နှလုံးသားတွေကို ကုသခြင်းပေးခဲ့တဲ့ လူငယ်လေးတစ်ယောက်ပေါ့ ...

သူဟာ ... ဆန်းပြားတဲ့ ကကွက်တွေနဲ့ ... ကမ္ဘာမြေသားတွေအတွက် ကမ္ဘာမြေသီချင်းတွေဆိုခဲ့တဲ့လူငယ်လေးတစ်ယောက်ပေါ့ ...

သူဟာ ... ပြာလွင်နေတဲ့ သံစဉ်တွေနဲ့ သွေးမြေကျမှုတွေကို ရပ်တန့်ဖို့ကြိုးစားခဲ့လူငယ်လေးတစ်ယောက်ပေါ့ ....

သူဟာ ... လူတိုင်းရဲ့ စိတ်ကို သီချင်းတွေနဲ့လွှမ်းခြုံပေးခဲ့တဲ့လူငယ်လေးတစ်ယောက်ပေါ့ ...

အခုတော့ သူဟာ ... သူမြတ်နိုးတဲ့ ငြိမ်းချမ်းခြင်းခရီးကို ဂီတ၀ိညာဉ်တစ်ခုတည်းလွယ်ပိုးပြီး ...ခရီးပြင်းနှင်သွားနှင့်ပါပြီ ...။

သူချန်ထားရစ်ခဲ့တဲ့ .... အိမ်မက်တွေကို ဆက်စပ်ကြည့်မိတော့ ...

သူစိုက်ပျိုးခဲ့တဲ့ ငြိမ်းချမ်းမှုတွေ ... ၀ါဝင်းစိုပြေနေတာကိုတွေ့တယ် ....

ငြိမ်းချမ်းခြင်းခရီးသွားလေးရဲ့ ... ချန်ထားခဲ့တဲ့လက်ဆောင်လေးတွေ ... ၀ါဝင်းစိုပြေနေလေရဲ့ ...။ ။

(အခန်း ၂)

နာကျင်စေတတ်တဲ့ နာရီသံတချက်ချက်ဟာ .... ဆက်လက်စီးဆင်းနေခဲ့တယ် ....

အသားအရောင်ခွဲခြားမှုကိုဆန့်ကျင်ခဲ့သူ ... အဖြူလားအမည်းလား(Black Or White)သီချင်း လေးက စိတ်ထဲကိုတိုးတိုးလေး ၀င်လာပြန်တယ်....။ ကိုယ့်ညီအကိုချင်းဆိုရင် ဖြူဖြူမည်းမည်း ဒါဟာကိစ္စမရှိပါဘူးလို့ သူဆိုနေတယ်... ကိုယ့်သားသမီးလို့တွေးကြည့်ရင် ဒီအဖြူအမည်းကိစက ဘာမှမဟုတ်ပါဘူးလို့သူဆိုနေတယ် ... ခွန်အားအပြည့်သုံးရတဲ့ ကကွက်တွေနဲ့ သူ့ရဲ့ အသားအရောင်ခွဲခြားမှုကို ဆန့်ကျင်တဲ့ အတွင်းစိတ်ကို သူထုတ်ဖော်ခဲ့တယ် ....။ ... အသားအရောင်ခွဲခြားမှုကြောင့် အမေရိကန် သမိုင်းတလျှောက်မှာ ဒဏ်ရာဒဏ်ချက်တွေ အနာဖေးမတက်နိုင်တဲ့ သောကတွေကို သူမျှဝေခဲ့နားလည်ပေးခဲ့တယ် .... သူ့ရင်တွင်းက ဒဏ်ရာ နဲ့ ဘ၀တူတွေရဲ့ ဒဏ်ရာကို နာကျင်မှုကနေ သီချင်းတစ်ပုဒ် အဖြစ်ပြောင်းလဲပစ်ခဲ့တယ် ...။ သူဟာ လူမည်းတွေရဲ့ ရင်တွင်းက အသံကို ကမ္ဘာကို ပဲ့တင်ထပ်နိုင်ခဲ့တဲ့ သူရဲကောင်းတစ်ယောက်လည်းဖြစ်တယ် ...။

(အခန်း ၃)

ညင်သာတဲ့ အကြမ်းဖက်မှု (Smooth Criminal) သီချင်းလေးဆိုညည်းရင်း ကမ္ဘာကြီးရဲ့ တိတ်ဆိတ်မှုကို တချွင်ချွင် မြည်စေခဲ့တဲ့သူ ... အဆင်ပြေရဲ့လားချစ်သူရေ ... လို့ စကားနည်းတဲ့ ကမ္ဘာကို ထပ်ခါတလဲလဲ မေးသွားတဲ့သူ ... ကမ္ဘာကြီးရဲ့ဆွဲငင်အားကို အသုံးပြုတဲ့ကကွက် တစ်ခုနဲ့ သူချစ်မက်တဲ့ ကမ္ဘာနဲ့ သူနဲ့ကြားက ရင်းနှီးမှုကို ထုတ်ဖော်သွားခဲ့သူ ...။ လူလူချင်း ရိုးရိုးလေးရက်စက်နေတဲ့ ကမ္ဘာထဲကို သူ အဖြူရောင်ဝတ် ဧည့်သည်တစ်ယောက်လို ၀င်ရောက်လာခဲ့တယ် ...။ သူ ရက်စက်သတ်ဖြတ်မှုတွေကြားမှာ သိမ်သိမ်မွေ့မွေ့ပါဝင်လိုက်ပြန်တယ် ... အဆင်ပြေရဲ့လားလို့ ချစ်ခင်သူတွေကို တဖွဖွမေးရင်း သွေးစွန်းနေတဲ့သူတွေကို ပစ်ခတ်ပြန်တယ် ... နောက်ဆုံး သူ ပြေးထွက်သွားပြန်တယ် ... .... အခုလည်း သူပြေးထွက်သွားပြန်ပြီလေ.... ညင်သာတဲ့ အကြမ်းဖက်မှုတွေနဲ့ တံခါးတခုသာ ဆိတ်ငြိမ်စွာထီးထီးမားမားရပ်နေခဲ့တော့တယ် ...။

(အခန်း ၄)

အနိုင်အရှုံးအတွက်တိုက်ခိုက်နေကြတဲ့လောကထဲမှာ ... ဘယ်သူမှမရှုံးချင်ကြဘူး ... ပြေးဟေ့ ... ပြေးဟေ့ ...(Beat it) လို့ တပ်လှန့်နေတဲ့လူငယ်လေး တစ်ယောက်လည်းသူဖြစ်ခဲ့တယ် .... အာဃာတနဲ့ဝေးရာက ပြေးခိုင်းနေတဲ့ လူငယ်လေး .. ရန်သူတွေကို အတူကစေချင်တဲ့ လူငယ်လေး ... သူ့အိမ်မက်တွေက မြင့်မားလွန်းခဲ့တယ် ... ဘယ်သူမှန်မှန် ၊ ဘယ်သူမှားမှား ပြေးသာပြေး တဲ့ ... သူက ငြိမ်းချမ်းရေးကို ပြေးပြီးသွားယူစေချင်တဲ့သူလေလား .... အခုလည်း ဒီလူငယ်လေးဟာ ရောက်လေရာဘုံဘ၀တစ်ခုမှာ ဒီသီချင်းလေးကို ဆိုပြနေဦးမှာပါ ... ဘယ်သူကမှ မရှုံးချင်ဘူး ... ပြေးဟေ့ ... ပြေး .....၊ သူ့အသံမှာ သူ့လားရာကို ကြားရလိမ့်မယ် ... သူ့ကဟန်မှာ သူ့အိမ်မက်ကို မြင်ရလိမ့်မယ် .... သိပ်ကိုသေချာပါတယ် ... သူပြေးနေဆဲ ...။

(အခန်း ၅)

ထောင်သားဝတ်စုံဝတ်ထားတဲ့လူငယ်လေးတစ်ယောက်အဖြစ် သူပေါ်လာပြန်တယ် ....။ မြူးကြွတဲ့ စည်းချက်တွေမစခင် ... ငိုကြွေးနေတဲ့ ကလေးရဲ့အသံနဲ့ စတင်ခဲ့တယ် ....။ အဲဒီအသံက နှလုံးသားတိုင်းကို ရိုက်ချိုးဝင်ရောက်လာတယ် ... တစ်နေရာရာမှာ ငတ်မွတ်နေတယ် ... တနေရာရာမှာ ဒုက္ခဆင်းရဲခံနေရတယ် ... လူတွေ က စစ်ပွဲတွေကိုဖန်တီးနေတယ် .... သူ လွတ်လပ်မှုကိုရူးသွပ်စွာအော်ဟစ်ပြောဆိုနေတယ် .... သူတို့တွေဟာ ငါတို့ကို ဂရုမစိုက်ကြပါဘူးတဲ့ ...(They don't care about us). ကြေကွဲနာကျင်နေတဲ့အသံကို သူနှလုံးသားကနေ နှလုံးသားကို တိုက်ရိုက်ခေါ်ဆိုနေတယ် ...။ မာတင်လူသာရှိရင်လည်း ဒါတွေဖြစ်ပျက်နေတာကို ခွင့်ပြုနိုင်မှာမဟုတ်ဘူးတဲ့ .. သူ့ရင်ထဲက စစ်ပွဲတွေကို ချိတ်ပိတ် စုသိမ်းချင်မှုကို အော်ဟစ်နေတယ် ... ရှိသမျှ အသံနဲ့ ကြားနိုင်သလောက်ကြားအောင်အော်နေတယ် ... ဒါဟာ ... ငြိမ်းချမ်းမှုကို အော်ဟစ်တဲ့ ဂီတသမားလေးပေါ့ ... သူ့ရဲ့နာကျင်ကြေကွဲနေတဲ့ အသံ .. သူတို့တွေဟာ ငါတို့ကို ဂရုမစိုက်ကြပါဘူး ... ငါပြောချင်တာ အားလုံးစုလိုက်ရင် တစ်ခုပဲ ... သူတို့တွေဟာ ငါတို့ကို ဂရုမစိုက်ကြပါဘူးတဲ့ ...။

(အခန်း ၆)

ကမ္ဘာမြေသီချင်း (Earth Song)က ... အကြိမ်ကြိမ်ဖတ်ဖြစ်တဲ့ ကဗျာလေးတစ်ပုဒ်လို စီးဆင်းလာပြန်တယ် ....

ကမ္ဘာကြီးကို ငါတို့ဘယ်လိုတွေလုပ်ခဲ့တာလဲ ..

ကြည့်ပါ .. ငါတို့လုပ်ခဲ့တာတွေကို ကြည့်ပါ ...

မင်းရဲ့ တဦးတည်းသော သားလေးအပေါ်မှာကတိထားတဲ့ ...

ငြိမ်းချမ်းမှုကရောဘယ်လိုလဲ ...

ပန်းခင်းကြီးကရောဘယ်လိုလဲ ..

ငါနဲ့မင်းအတွက် ဆိုတဲ့ အိမ်မက်တွေအားလုံးရောဘယ်လိုလဲ ...

ကလေးတွေ စစ်ပွဲတွေမှာသေနေတာ

မင်း သတိပြုမိဖို့ ရပ်တန့်ချိန်လေးရရဲ့လား ...

ငိုနေတဲ့ ကမ္ဘာနဲ့ ငိုကြွေးရှိုက်ငင်နေတဲ့ ကမ်းခြေတွေကို

သတိပြုမိဖို့ မင်းရပ်တန့်ချိန်လေးရရဲ့လား ....

လူတစ်ယောက်ချင်းစီရဲ့ ကြေကွဲမှုတွေဟာ ပေါင်းဆုံသွားတယ် ...

လူတစ်ယောက်ချင်းစီရဲ့ ဒဏ်ရာဟာ ပေါင်းဆုံသွားတယ် ...

လူတစ်ယောက်ချင်းစီရဲ့ ရက်စက်မှုဟာပေါင်းဆုံသွားတယ် ...

လူတစ်ယောက်ချင်းစီရဲ့ လစ်လျူရှူမှုဟာပေါင်းဆုံသွားတယ် ...

လူတစ်ယောင်ချင်းစီရဲ့ ပြင်းထန်တဲ့ သောကဟာ ပေါင်းဆုံသွားတယ် ....

နိမိတ်ပုံတွေနဲ့ပြသထားတဲ့ ဂီတဟာရက်စက်စွာနဲ့လှပနေတယ် .... နာကျင်စွာနဲ့ သင်ခန်းစာပေးနေတယ် ... လူတစ်ယောက်စီ ၀ိုင်းသတ်နေရင် ကမ္ဘာလည်းသေနိုင်တယ် .... လူတစ်ယောက်စီ ၀ိုင်းငြှိမ်းရင် စစ်မီးတွေလည်းငြိမ်းနိုင်တယ် ....။ .... အရာရာ ပြန်လည်ကောင်းမွန်သွားမယ့်နေ့လေးတစ်နေ့ရောက်ဖို့ အားလုံးဆန္ဒပြုနေတဲ့ပုံဟာ အိမ်မက်တွေကိုအသက်သွင်းနေလေရဲ့ ... ငြိမ်းချမ်းမှုကိုဆာလောင်နေတဲ့သူတွေရဲ့ အိမ်မက်တွေဟာ လှပစွာပြည့်စုံသွားမယ်လို့ ဖော်ကျူးသွားတဲ့ လူငယ်လေးတစ်ယောက် ... ကမ္ဘာမြေကို နှုတ်ဆက်သီချင်းတစ်ပုဒ်ကို တိုးတိုးလေး ဆိုညည်းသွားခဲ့လေမလား ...။

(အခန်း ၇)

မင်းရဲ့နှလုံးသားထဲကနေရာလေးတစ်ခု ..

အဲဒါဟာ အချစ်ဆိုတဲ့အရာ ဆိုတာငါသိပါရဲ့ ...

ဒီနေရာလေးဟာ

မနက်ဖြန်ထက်ပိုတောက်ပနိုင်တယ် ..။

မင်းသာ သေချာကြိုးစားမယ်ဆိုရင်

ငိုစရာမလိုတော့တာကို တွေ့ရလိမ့်မယ် ...

အဲဒီနေရာမှာ ..

မင်းနာကျင်မှုနဲ့ ပူဆွေးဝမ်းနည်းမှု မရှိတာကို ခံစားနားလည်လာလိမ့်မယ်

................

.............................

................................................

ကမ္ဘာကြီးကို ကုသကြမယ် ..

မင်းနဲ့ငါတို့အတွက် ...၊

လူသားအားလုံးအတွက်

ပိုကောင်းတဲ့ နေရာတစ်ခုဖြစ်လာစေမယ် ..

အသက်ငင်နေတဲ့သူတွေလည်းရှိနေကြတယ် ...

မင်း ရှင်သန်ခြင်းကို အလေးထားရင် ...

မင်း နဲ့ ငါ့အတွက် ..

(ကမ္ဘာကြီးကို) ပိုကောင်းတဲ့နေရာတစ်ခုဖြစ်အောင်လုပ်ပေးပါ ....

အဲဒီလိုသူကHeal the world သီချင်းလေးနဲ့ အားလုံးကိုတောင်းဆိုလိုက်တယ် ...။ ... ကလေးတွေရဲ့ရင်ထဲကို ကမ္ဘာကိုချစ်တဲ့စိတ်လေးအမွေပေးခဲ့တယ် ....။ .... အခုလည်းသူ ... ဆက်လက်တောင်းဆိုနေတုန်းပါပဲ ... တိတ်ဆိတ်နေတဲ့ သစ်ရွက်တစ်ရွက်ရဲ့ အရည်ပြားပေါ်မှာ ... ကြွေကျထားတဲ့ ပန်းတစ်ပွင့်ရဲ့ နရီစည်းချက်ထဲမှာ ... တသွင်သွင်စီးနေတဲ့ စမ်ချောင်းလေးရဲ့ နှလုံးသွေးထဲမှာ ... သူဆက်လက်တောင်းဆိုနေနေဆဲပါပဲ ...။

(အခန်း ၈)

နောက်ထပ်တစ်နေ့ကုန်သွားပြန်ပြီ ..

ငါတစ်ယောက်တည်းပါပဲ ...

မင်း ငါ့အနားမှာမရှိရင်

ဘယ်လိုဖြစ်နိုင်မှာလဲ ....

မင်း ငါ့ကို နှုတ်ဆက်ခဲ့ပါတယ်လို့မပြောခဲ့ဘူး ...

တစ်ယောက်ယောက် ငါ့ကိုပြောကြပါ ...

ဘာလို့လဲ ....

မင်းဘာလို့ထွက်သွားရတာလဲ ...

ငါ့ကမ္ဘာလေး အေးစက်စွာကျန်ရစ်နေခဲ့ .....

..........

.................

..........................

.

...................................

...........................................

..

......

..................

မင်းတယောက်တည်းမဟုတ်ပါဘူး ...

ငါမင်းနားမှာရှိနေတယ် ...

ငါတို့တွေ သိပ်ဝေးနေကြပေမယ့် ...

ငါ ဒီမှာရှိနေတယ် ..

မင်းတယောက်တည်းမဟုတ်ဘူး .....

ငါအတွက်ဒီမှာရှိနေမယ် ...

ငါတို့တွေသိပ်ကိုကွာဝေးပေမယ့် ...

ငါ့နှလုံးသားထဲမှာမင်းရှိနေတယ် .....

........ You are not alone သီချင်းသံလေးသာ လွင့်ပျံ့နေတော့တယ် ..... ဝေးကွာသွားတဲ့သူတွေကိုရင်ထဲမှာ နီးလိုက်ပါလို့ မှာသွားတဲ့လူငယ်လေးတစ်ယောက် သူချစ်တဲ့သူတွေကို နှလုံးသားထဲကို ထည့်သွင်းသယ်ဆောင်သွားခဲ့ပြီလား ....။ ဘာပဲဖြစ်ဖြစ် ကမ္ဘာမြေကိုနင့်နင့်သည်းသည်းချစ်ခဲ့သူတစ်ယောက်ကို ကမ္ဘာမြေက နွေးနွေးထွေးထွေး ထွေးပွေ့ထားပါလိမ့်မယ် ...။ အလုပဆုံးအိမ်မက်တွေကိုမက်ခဲ့တဲ့လူငယ်လေး ... ခေတ်တစ်ခေတ်ကို ဂီတနဲ့ထူထောင်ခဲ့တဲ့ သူရဲကောင်းတစ်ယောက် .... သူစိုက်ပျိုးခဲ့တဲ့ ငြိမ်းချမ်းခြင်းဂီတတွေဟာ ဆက်လက်သီးပွင့်နေပါလိမ့်မယ် ... သူယုံကြည်မျှော်လင့်ခဲ့တဲ့ ... ပိုကောင်းတဲ့ ကမ္ဘာတစ်ခု ရနိုင်ရောက်နိုင်ပါစေလို့ ဆုတောင်းပေးလိုက်ပါတယ် ....

Rest In Peace, MICHAEL .

(Zephyr)

(မှတ်ချက် ။ ။ကွင်းစ ကွင်းပိတ်နဲ့ ရေးထားတာ သေပြီလို့ မဆိုလိုပါဘူး ...။ :) )

Note:

Thank you so much my white rainbow for encouraging me to write ...

Mom, I wish I could make you happy throughout your life ...

Peace B with U.