စကားစမြည် စသဖြင့် ထိုသို့။
မြန်မာသံရုံးကပါ၊ အင်္ဂလိပ်လိုပြောပါ။(ဟိုက်ရှားဘားစ်)
တိုးတက်ကောင်းမွန်လာတဲ့ မြန်မာသံရုံးဟာ ... online ကနေပြီး appointment ယူလို့ရတယ်ဆိုလို့ တကယ်မှတ်ပြီး submit လုပ်ကြည့်ပါတယ်။ တော်တော်လေးကို ဆိုးပါတယ်။ မရပါဘူး။ phone ကို verification sms ပို့မယ်ဆိုပြီး ရေးထားသော်ငြားလည်း မရောက်လာပါဘူး။
ဖုန်းဆက်ပြီးမေးကြည့်တဲ့သကာလမှာ မလေးကုလားမတစ်ယောက်ဖြေပါတယ်။ ကြည့်ရတာ သံရုံးက ကော်လစန်တာ(call centre) ငှားထားနိုင်ပြီထင်ရတယ်။ မြန်မာလို နားမလည်ပါဘူးတဲ့။ အင်္ဂလိပ် မပြောတတ်ဘူးလို့ပြောလိုက်ပါတယ်။
မနက်ဖြန်ခွင့်တစ်ရက်ယူပြီး သံရုံးလေးဘာလေး စိတ်ပြေလက်ပျောက်လျှောက်သွားကြည့်ပါဦးမယ်။
အင်္ဂလိပ်စာ podcast
BBC ကနေထုတ်လွှင့်တဲ့ The English we speak နားထောင်ဖြစ်ပါတယ်။ အင်္ဂလိပ်စာ လေ့လာတဲ့သူတွေအတွက် သင့်တော်ပါတယ်။ http://www.bbc.co.uk/podcasts/series/tae
ပုံမှန်အားဖြင့်တော့ ESL podcast နားထောင်တဲ့သူများပါတယ်။ The English we speak ကလည်း မှန်ကန်တဲ့ usage နဲ့ expressions လေးတွေပိုသိနိုင်စေပါတယ်။
Slumdog Millionaire (2008)
Zလမ်းထဲမှာ ကတာ ခုန်တာ အင်မတန်မှနည်းတဲ့ အိန္ဒိယလူမျိုးသရုပ်ဆောင်တွေနဲ့ဇာတ်ကားပါ။ ကြာပါပြီ။ ဇာတ်လမ်းသိပြီးသားဖြစ်နေတာနဲ့ တခါမှ အဆုံးထိမကြည့်ဖြစ်ခဲ့ဘူး။ ဟိုတလောက TV မှာပြတာနဲ့ အစအဆုံးကြည့်ဖြစ်သွားတယ်။အင်္ဂလိပ် ဒါရိုက်တာ Daniel Boyle ရိုက်တဲ့အတွက် အကအခုန်နည်းတာဖြစ်လိမ့်မယ်ထင်တယ်။ ပျော်စရာ ကလေးကားတွေပဲကြည့်တာကြာလို့ထင်တယ်။ အင်မတန်ခံစားရတာမျိုးကြည့်လို့အဆင်မပြေတော့ဘူး။ လူ့ဘ၀ကြီးကိုက အများစုအတွက် အဆင်မပြေလှတဲ့နေရာကြီးပဲ။
PSYCH (SEASON 2)
You'd rather run when you can't crawl ဆိုတဲ့ I know you know သီချင်းကို ကြိုက်နေပါတယ်။ Psych season 2 ၊ DVD လေးချပ်၊ episodes 16 ပိုင်းကြည့်လိုက်ပါတယ်။ ကျန်တဲ့ season တွေလည်း ဆက်ကြည့်ပါဦးမယ်။ စုံထောက်ကားပေမယ့် ရယ်ရပါတယ်။ Mentalist ထက်ပိုကောင်းတယ်ထင်ပါတယ်။ ပိုရယ်ရတယ်။ အမှုဖော်တာတွေထက် Shawn နဲ့ Gus နှစ်ယောက်စကားပြောတာက ပိုပြီးပွဲကျပါတယ်။ အချိန်ဖြုန်းချင်တဲ့သူတွေအတွက် သင့်တော်ပါတယ်။
Night @ the Museum 1 and 2
No.1 ကတော့ကြည့်ပြီးသားပါ။ ဒုတိယကားကလည်း ခပ်ဆင်ဆင်ပါပဲ။ Zနီးသည်ကိုပြဖို့ လိုင်ဘရီကနေ ငှားလာတာပါ။ မငှားလာလို့လည်းမဖြစ်ဘူး။ မြန်မာကားတွေ သည်းခံပြီး မကြည့်နိုင်တော့ဘူး။
မြန်မာကား
အရင်ကတည်းက မြန်မာကားမကြည့်ဘူး။ မြန်မာသရုပ်ဆောင်တွေက သရုပ်ဆောင်နေတုန်းပဲ။ မြန်မာဇာတ်ကားထဲကလို အပြင်မှာ ဘယ်သူမှမပြောဆိုကြဘူး။ သဘာဝကို မကျဘူး။ အခုတလော မြန်မာကားတွေထဲ ပိုတွေ့လာရတာက မြန်မာဘီယာပဲ။ Zနီးသည်ကြည့်နေတာ ခဏ၀င်ကြည့်လိုက်တဲ့ကားတိုင်း မြန်မာဘီယာပုလင်းတစ်လုံးပါတယ်။
ပိုဆိုးတာတစ်ခုက မင်းသမီးက သူ့နာမည်ကို အဖျားဆွတ်ပြီး ရည်ညွှန်းတာ တစ်ကားထဲမှာပဲနှစ်မျိုးဖြစ်နေတယ်။ ဥပမာ မင်းသမီးနာမည်က လ၀န်းကဗျာဆိုပါတော့ ရှေ့နားမှာသူ့ကိုယ်သူ လ၀န်းလို့ ရည်ညွှန်းပြီး နောက်ပိုင်းကြတော့ ကဗျာကလေ ကဗျာက ဖြစ်သွားပြန်ရော။ မသိရင် မျက်စိလည်လောက်တယ်။
ကိုထိန်ရဲ့ရတနာသုံးပါး
စင်ကာပူ Fringe Festival အတွက် မြန်မာပန်းချီဆရာနဲ့ ခေတ်ပြိုင်အနုပညာရှင် ထိန်လင်းရဲ့ performance art ပြပွဲဖြစ်ပါတယ်။
ပထမဆုံး အကြွေစေ့ပစ်ရတာလေးနဲ့ စတယ်။ ထုံးစံအတိုင်း အကြွေစေ့သာကုန်သွားတယ်၊ Wealth ထဲကိုပဲ တစ်စေ့ရောက်တယ်။ လူများပစ်ထားတာတွေ သွားကောက်ပြီးပစ်ရင်လည်း အကြွေစေ့ခိုးပါတယ်ဖြစ်ဦးမယ်။ ပစ်သမျှ အကြွေစေ့တွေ ခွက်ထဲဝင်ကုန်တဲ့ Zနီးသည်ကိုလည်း ဒါက performance ပါကွာ။ တကယ်ဆုတောင်းလည်း မပြည့်လောက်ပါဘူး ဆိုပြီး ညစ်တွန်းတွန်းပြီးပြောမိသေးတယ်။ မြန်မာဓလေ့လေးကို သတိရစေတာတော့အမှန်ပဲ။
သင်္ကန်းတွေကာထားတာလေးကလည်း ဘုန်းကြီးကျောင်းတွေက အခင်းအကျင်းနဲ့တူတယ်။ တီဗွီကြီးဖွင့်ထားသလိုဖြစ်နေတာတော့ သူ့ဘာသာသူ ဘာရည်ညွှန်းချင်လဲတော့မသိ။ အင်မတန်တော့ digital အငွေ့အသက်ပါလွန်းတယ်ထင်တယ်။ မကြိုက်လှ။ သဘာဝကျကျ ယပ်တောင်တွေပြောင်းပြန်ချိတ်ထားတယ်။ တစ်ခုခုကိုရည်ညွှန်းချင်ပုံရတယ်။ နားမလည်ရင် ပိုက်ဆံပေးရတာမှမဟုတ်တာဆိုပြီး နားလည်ဖို့မကြိုးစားတော့ဘူး။ ခြင်စကာတွေထဲမှာ သံဆူးကြိုးနဲ့ပုံတူလုပ်ထားတဲ့ ယောဂီတွေ။ ယောဂီပေါက်စတွေဖြစ်မယ်။ ခြင်ကိုက်တာတောင် သည်းမခံနိုင်တဲ့ ယောဂီပါးမ၀တဲ့ယောဂီတွေ။ အဲဒီယောဂီမျိုးတောထွက်ရင် ခြင်ထောင်သယ်သွားရမယ်လို့တွေးမိတယ်။ ဓာတ်ပုံတွေလည်းကပ်ထားတယ်။ ဦးပဉ္စင်းထိန်လင်းလား အတုလားတော့မသိဘူးဗျာ။ သင်္ကန်းတော့စည်းထားတယ်။ ဘာကိုဆိုလိုပါလိမ့်။ သီဟိုဠ်မှာ သံဃာတုတွေ စစ်သလို ရဟန်းရဲ့ဆရာက ဘယ်အယူရှိသလဲ ပြန်မေးဖို့ကလည်း ကိုထိန်တို့မရှိဘူး။ ရောက်သွားတာကလည်း ညဉ့်နက်နေပြီဆိုတော့ မမေးတော့ဘူး။ ထိုအရာသည် ကွန်တမ်ပရာရီဖြစ်အံ့လို့ပဲမှတ်ထားလိုက်တယ်။ နောက်ဆုံးတရားထိုင်တဲ့နေရာလေးရောက်တယ်။ ဘုရား၊ တရား၊သံဃာလို့ယူဆရတဲ့အ၀ိုင်းသုံးဝိုင်း ကို ပရိုဂျတ်တာနဲ့ထိုးထားတယ်။ တရားခဏလောက်မှတ်လို့ရတယ်လို့လည်းစာရေးထားတယ်။ အင်္ဂလိပ်လိုပဲရေးထားတော့ သိပ်နားမလည်တာနဲ့ ထင်သလိုပဲ ဘာသာပြန်လိုက်ပြီး၊ ခဏလောက်ထိုင်ခဲ့တယ်။ အေးအေးချမ်းချမ်းရှိပါတယ်။ ဓာတ်ပုံမရိုက်ရဘူးဆိုတာ ရိုက်ပြီးမှ တွေ့ပါတယ်။
သူ့မိန်းမ ဗစ်ကီရေးပေးထားပုံရတဲ့ အနုပညာရှင်အကြောင်းလည်း သေချာမဖတ်ဖြစ်။ စာရွက်တော့ယူလာတယ်။ အနုပညာဆိုတာကတော့ပုံစံအမျိုးအမျိုးနဲ့ရှိနေနိုင်တယ်။ အေးချမ်းတဲ့အငွေ့အသက်လေးပါတဲ့ performance တစ်ခုလို့ပဲ သတိထားမိခဲ့တယ်။
Esplanade မြေအောက်လျှောက်လမ်းထဲက ဓာတ်ပုံဆရာရဲ့ ခုန်ပေါက်နေတဲ့ပုံတွေကိုတော့ကြိုက်တယ်။ လွတ်လပ်မှု၊စစ်ပွဲ၊ပျော်ရွှင်မှုတွေ အားလုံးပါတယ်လို့ခံစားရတယ်။ ဓာတ်ပုံထဲကလူတွေအားလုံးက လေထဲမှာ ခုန်ပေါက်နေကြတယ်။ သူတို့ရဲ့ပျော်ရွှင်မှုကို မျက်လုံးကနေ နှလုံးသားအထိရောက်တယ်လို့ခံစားရတယ်။ လူတစ်ယောက်ရဲ့ပျော်ရွှင်မှုဟာ လူတစ်ယောက်ကို ကူးစက်တယ်ထင်ပါရဲ့။
ကိုညီသစ် R.I.P
ရုတ်တရက်ထွက်ခွာသွားတဲ့ ကိုညီသစ် အတွက် စိတ်မကောင်းဖြစ်ရတယ်။ သူနဲ့သိပ်မခင်ဘူး။ သူရေးတာတွေတော့ တခါတလေဖတ်တယ်။ သူရေးတဲ့သီချင်းတွေကိုလည်း နားထောင်ခဲ့ဖူးတယ်။ ကျွန်တော့် facebook friend list ထဲမှာ ပထမဆုံးဈေးဦးပေါက်ဆုံးသွားတဲ့လူလည်းဖြစ်တယ်။ ဒီလိုနဲ့နောက်ဆုံး friend list ထဲမှာ ငါတစ်ယောက်တည်း ကျန်ခဲ့တော့မှာလားလို့တောင်တွေးမိတယ်။ … အလဲ့။ မရဏာနုဿတိဆိုတာ အဲဒီလို အဝေးကနေစပြီး zoom ဆွဲပြီးတွေးရတယ်ထင်တယ်။ Friend List ထဲကလူတွေကိုတော့ အားနာပါတယ်။ အသက်ရှည်အောင်နေကြပါ။ ငါးစားပါ။ ပျားရည်သောက်ပါ။ ကြက်သွန်ဖြူစားပါ။ ဂျင်ဆင်းအားဆေးသောက်ပါ။ စိမ်းပြာရေညှိစားပါ။ ကြက်ပေါင်းရည်သောက်ပါ။ ပိုးသတ်ဆေးမပါတာတွေစားပါ။ ယောဂကျင့်ပါ။ စိတ်ချမ်းသာအောင်နေပါ။ ကျန်းမာရေးကိုလည်းဂရုစိုက်ကြပါ။ ဒါမှမဟုတ် ကျွန်တော့်မှာလည်း R.I.P တွေအများကြီးကျန်သေးတယ်။ ဟမ်။
We are American
General George Armstrong Custer: We're Americans, we don't plan, we do!
The Night @ the Museum 2 မှာ Larry Daley အဖြစ်သရုပ်ဆောင်တဲ့ Ben Stiller က ဘာလုပ်ဖို့ plan ရှိလဲမေးတော့ ဗိုလ်ချုပ် George Armstrong Custer ပြန်ဖြေတာပါ။ We are American , we don’t plan ဆိုတာကိုသဘောကျပါတယ်။ ဟိုတလောကပဲ သြစတြေးလျမှာကျောင်းတက်၊အလုပ်လုပ်နေတဲ့သူငယ်ချင်းက အိမ်ဝယ်လိုက်ပြီ။ နိုင်ငံသားခံလိုက်ပြီဆိုလို့ လေးနှစ်အတွင်း ငါ ဘယ်လောက်သုံးလိုက်လဲဆိုတာကို နည်းနည်းစီစစ်ပါတယ်။ ဘာမှတော့ သိပ်မသုံးလိုက်ပါဘူး။ သေရင်မပါမယ့်ပိုက်ဆံတွေဆိုပြီး နှလုံးသွင်းမှန်မှန်ထားပြီး ဖြုန်းလိုက်တာဖြစ်မယ်။ သေရင် ပြိတ္တာတော့သေချာပေါက်မဖြစ်နိုင်ဘူးလို့တောင်တွေးမိတယ်။ ပထမတော့ ဟိုလူပြောဒီလူပြောနဲ့ ၂၁၀၂ ဆိုကိစ္စပြီးပြီဆိုလို့ ပိုက်ဆံတွေဖြုန်းခဲ့၊ ၂၀၁၂ အထိပဲဆိုတော့ အသေမဦးမီ မိန်းမလည်းယူဦးမှဆိုပြီး ယူလိုက်သေးတယ်။ (အဲဒီလိုမျိုးတွေးပြီးယူလိုက်တဲ့သူတွေထဲမှာ yeyene တို့ divinity တို့လည်းပါတယ်။ သေဖော်ညှိတာ J) အမေရိကန်ဆန်လိုက်ပုံက we don’t plan, we do …. (ပါရမီရင့်ပြီးသားဆိုရင် ဒီစာပိုဒ်ကို သုံးခါလောက်ဖတ်လိုက်တာနဲ့ကျွတ်တမ်းဝင်ဖို့ကောင်းတယ်။)
1ဗိုက်ပြဿနာ
သုံးလေးနှစ်အတွင်းမှာ တစ်နှစ်ကို တစ်လမလောက်ဗိုက်ပိုပူလာတယ်။ အရင်ဆိုရင်ပြဿနာမရှိပေမယ့် ကမ်းခြေသွားရင် အကျီ င်္ချွတ်ပြီး ဓာတ်ပုံ တစ်ပုံလောက်ဓာတ်ပုံရိုက်ရတယ်လို့ facebook ကမ်းခြေသွားသူများ အစည်းအရုံးကထုတ်ပြန်ကြေငြာတာနဲ့အတော်အခက်တွေ့တယ်။ အော် …ယောကျာ်းတွေအတွက်ပြောတာပါ။ အခုအနေအထားနဲ့တော့မဖြစ်သေးဘူး။ facebook မှာတင်ထားတုန်း ဇာဂနာတို့တွေ့ပြီး ဗိုလ်ချုပ်အောင်ဆန်းဇာတ်ကားပြီးရင် အောင်ခြင်းရှစ်ပါးရိုက်တဲ့အခါ သစ္စကပရိဗိုဇ် မလိမ္မာ ဇာတ်ကားအတွက် လာချိတ်နေမှာစိုးရတယ်။ အဲဒီတော့ ဒီဇင်ဘာလလောက်မှာပဲ ကမ်းခြေသွားတော့မယ်လို့စိတ်ကူးလိုက်တယ်။ ဒီကြားထဲမှာတော့ one pax ကနေ 6 pax ပြန်ဖြစ်လာအောင် medicine ball ကို ဗိုက်ပေါ်ပစ်ချတာတို့၊ အိပ်ထမတင်တို့ ၊ ညစာလျှော့စားတာတို့ လုပ်မလားလို့စိတ်ကူးနေတယ်။ အော်….ဘွနှယ်။
ရှောင်ရဲ့နောက်ဆုံးငါးယောက်
ရှောင်ကိုဗေးရဲ့စာအုပ် (အင်္ဂလိပ်လိုဖတ်တာမဟုတ်ဘူး၊ မြန်မာလိုအရင်ဖတ်ပြီးမှ အင်္ဂလိပ်လို နည်းနည်းပြန်ဖတ်ကြည့်ထားတာ)မှာပါတယ်။ သူတို့ငယ်တုန်းက အတန်းထဲမှာ အညံ့ဆုံး ငါးယောက်လား၊ ဆယ်ယောက်လားမသိဘူး၊ အဲဒီလိုဘိတ်ချေး ၅ယောက်၊ ၁၀ ယောက်လောက်က စာမေးပွဲကျတယ်ဆိုလား။(အတော်လေးတိကျတယ်နော်။) အဲဒီတော့ သူဘာလုပ်သလဲဆိုတာရေးထားတာ။ တော်ဖို့ကြိုးစားတာမဟုတ်ဘူး။ ဘယ်ကောင်ကိုယ့်ထက်ညံ့လဲ လိုက်ရှာတာ။ ကိုယ့်ထက်ညံ့တဲ့ကောင်လုံလောက်သွားရင် အိုကေပြီ။ နောက်တစ်တန်းတော့ရောက်ပြီတဲ့။ အခုလည်း စင်ကာပူမှာ ငါးရာခိုင်နှုန်းလောက်လျှော့မယ်ဆိုတော့ ကံအဆိုးဆုံး ငါးရာခိုင်နှုန်းထဲမှာ မပါအောင်သတိထားနေကြရတယ်။ ဘုရားတရားတောင် part time ပြန်လုပ်နေပြီ။ အဓိဠာန် နဲ့ probation ပေါ့။ ခြောက်လတန်သည်။ တစ်နှစ်တန်သည် ကုသိုလ်ကံကောင်းပါရစေခြင်းအကျိုးငှာပေါ့လေ။ မြန်မာပြည်ရဲ့သတင်းစာက ၆၅ ကနေ ၆၀ % ကို ဘယ်လိုပြန်လိုက်သလဲတော့မသိဘူး၊ မြန်မာ့အလင်းမှာပါတယ်ပြောတယ်။ စင်ကာပူမှာ စီးပွားရေးမကောင်းလို့ ၆၀% အထိလျှော့ချမယ်ဆိုလား။ သတင်းဖတ်ပြီး စင်ကာပူက ကမ်းပါးပြိုတာ စမ္ပာနဂိုရ်ကနွားမတွေ underground ကကုန်တယ်ဆိုလားကြားရတယ်။ အဲဒီသတင်းကို အကြောင်းပြုပြီး မိဘကျေးဇူးမဆပ်ချင်သူတွေက ဒီမှာပိုက်ဆံလေးဘာလေးစုထားမှဆိုပြီး တစ်လနှစ်လပိုက်ဆံမပို့ဘဲနေဖို့စဉ်းစားနေတယ်တောင်ကြားမိတယ်။
ကြုံတာနဲ့ ဆရာအောင်သင်း၊ တောင်တွင်းကအောင်သင်းဆိုတာလည်းသူပဲ။ ငါ့ညီတောင်တွင်း၊မောင်အောင်သင်း (နောက်ပိုင်းမှာ ငါ့ညီပြောင်ဝင်း၊ မောင်သစ်ဆင်းဆိုလား ပြင်လိုက်တယ်။ ကျွန်တော်နဲ့လာမတိုင်ပင်တာနဲ့ သေချာတော့ မမှတ်သားမိတော့ဘူး။) ဆိုပြီး ဆရာဇော်ဂျီ ကဗျာရေးတဲ့အောင်သင်းဟာလည်းသူပဲ။ ဗိုလ်ချုပ်အောင်ဆန်းရဲ့အကို ဦးအောင်သန်းရဲ့တပည့်ပမာနေခဲ့တာလည်းသူပဲ။ စာပေဟောပြောပွဲမှာ စကော့တလန်ရေနွေးကြမ်း (၀ါ)ရေနွေးအိုးထဲမှာဝီစကီတွေ ထည့်ထည့်နှိပ်တာလည်းသူပဲ။ (ဟူး …လူတစ်ယောက်ကိုတောင်ညွှန်းရတာတော်တော်ခက်ပါလား။ )သူပြောဖူးတာရှိတယ်။ ဟိုင်းဆင်နဲ့စွယ်စုံဆင်အကြောင်းပါ။ ဟိုင်းဆင်ဆိုတာ ဟိုင်းသွားတဲ့ကောင်မဟုတ်ဘူး။ အစွယ်လေးတွေ ငုံစိစိနဲ့ဆင်။ စွယ်စုံဆင်ကတော့ အစွယ်အစုံပါတယ်။ အစွယ်ကောင်းတဲ့ကောင်တွေပေါ့။ ဆိုလိုတာက လူနှစ်မျိုးပေါ့ဗျာ။ အစစအရာရာပြည့်စုံခဲ့တဲ့သူနဲ့ တစ်ခုခုချို့တဲ့ခဲ့တဲ့ ငုံစိစိဆင်လိုလူတွေပေါ့။ စွယ်စုံဆင်တွေဟာ ပျင်းနေတာနဲ့ ခွန်အားသန်မာဖို့၊တိုက်ခိုက်တတ်ဖို့မလေ့ကျင့်ကြဘူးတဲ့။ တောထဲမှာ ဟိုင်းဆင်နဲ့စွယ်စုံဆင်ဖိုက်ကြတဲ့အခါ အစွယ်ကြီးအစုံအလင်နဲ့ ဟိုဘက်က အစွယ်ငုံးတိနဲ့ ဟိုင်းဆင် နှာမောင်းနဲ့ပိတ်ရိုက်လိုက်လို့ အရှိုးရာထင်ပြီးထွက်ပြေးရတယ်တဲ့။ ဟိုင်းဆင်တွေကဘ၀နာတယ်။ သူတို့ဘ၀မှာ အစွယ်မရှိခဲ့ဘူး။ အဲဒီတော့မကြာမကြာ နှာမောင်းကို လက်နက်လို သုံးတတ်အောင် စနစ်တကျပြင်ဆင်ထားတယ်။ သစ်ပင်တွေဘာတွေကို နှာမောင်းနဲ့ကို ရိုက်ချိုးပစ်တာ။ သိပ်သန်တယ်။ ဆင်အရေပြားလိုအထူစားမှာ အရှိုးထင်အောင် ရိုက်နိုင်ဖို့ နှာမောင်းက သိပ်အားသန်မှဖြစ်နိုင်တယ်။ အဲဒီလို ဟိုင်းဆင်နဲ့တွေ့ရင် စွယ်စုံဆင်ပြေးရတယ်တဲ့။
ပြောချင်တာကတော့ ဟိုင်းဆင်လိုဖြစ်အောင်ပြင်ဆင်ထားရင် ကိုယ့်ထက် မွေးရာပါပြည့်စုံတဲ့ကောင်တွေကို ကြောက်စရာမလိုဘူးဆိုတာပါ။ ရှောင်ရဲ့ နောက်ဆုံးငါးယောက်ရှာနေတာဟာ ရှေ့ပိုင်းမှာသက်သာပေမယ့် နောက်ပိုင်းမှာ အခက်တွေ့မယ်။ ကိုယ့်ထက်ညံ့တဲ့လူတွေချည်းဆိုရင်တော့ကောင်းတာပေါ့။ အလုပ်မှာဖြစ်ဖြစ်၊ ဘ၀မှာဖြစ်ဖြစ် ကိုယ့်ရဲ့ အရည်အသွေးတွေကို ပိုပြီးမြှင့်တင်နိုင်ရန် နောက်ဆုံး ၅% ထဲရောက်ဖို့မလွယ်ဘူးပေါ့ဗျာ။ ဟိုင်းဆင်တွေလိုပဲ အရည်အချင်းပြည့်မီတဲ့သူတွေဟာ စွယ်စုံဆင်နဲ့တူတဲ့ ကိုယ်ပိုင် အရည်အချင်းလည်းမရှိသလို နိုင်ငံခြားသားတွေကြောင့် အလုပ်မရတာ၊ နိုင်ငံခြားသားတွေကို မောင်းထုတ်ပေးပါလို့တဆာဆာအော်နေတဲ့ စွယ်စုံဆင်ညံ့များအဖြစ်မွေးဖွားလာတဲ့သူတွေကို နေရာမရွေး၊ အချိန်မရွေးယှဉ်ပြိုင်နိုင်တယ်ဆိုတာကို သက်သေပြကြဖို့ပါပဲ။ (ဇာတိပုည ဂုဏ်မာနတွေပါတကား)။
Regards,
The Gardener
Notes,
Thanks bro, yeyene.
Peace B with U.
